1. ସୃଷ୍ଟିନୁ

ଇ ଲେଖା ସୁରୁନୁ ପାରମେଶ୍ୱରସ୍ ସାଫା ଜିନିସ୍ ଘି ସୃଷ୍ଟି କାମ୍ଚାସ୍ । ହୁସ୍ ଛୋ ଦିନନୁ ସଂସାର ନୁଁ ଆରୁ ଏନ୍ଦ୍ରିନ୍ ଭି ରାଇଦ୍ ହୁ ଜାମା ବୋନ୍ ସୃଷ୍ଟି କାମଚାସ୍ । ପାରମେଶ୍ୱରସ୍ ଘି ତାର୍ ତିନ୍ ଧାର୍ତି ବୋନ୍ କାମ୍ଚାକା ଘି ପାଛ୍ଲି ହୁଦ୍ ଉହା ଆରୁ ଖାଲି ରାଚାଦ୍, ଏନ୍ଦେର୍ ଗେ କା ଆକ୍କୁନ୍ ତୋକ୍ ଭି ପାରମେଶ୍ୱରସ୍ ହୁନ୍ନୁନ୍ ଏନ୍ଦ୍ରିନ୍ ଭି ଚିଜ୍ ବୋନ୍ ମାଲ୍ଲା କାମ୍ ଚାକାରୁସ୍ । ଲେକିନ୍ ପାରମେଶ୍ୱରସ୍ ଘି ଆତ୍ମା ଆମ୍ମୁ ଘି ମିୟାଁ କୁଦ୍ଦାରାଲା ।

ଆରୁ ପାରମେଶ୍ୱରସ୍ ତେଂଗିୟାସ୍,”ଉଲ୍ଲାମାନୁ କାଲ୍ !” ଆରୁ ଉଲ୍ଲାମାନଚା କେରା । ପାରମେଶ୍ୱରସ୍ ଏରିୟାସ୍ କା ଉଲ୍ଲା ବାନେ ରାଇଦ୍ ଆରୁ ହୁବୋନ୍ “ଉଲ୍ଲା” ବାଚାସ୍ । ଆରୁ ହୁସ୍ ହୁ ମାହାଁବୋନ୍ ତିନ୍ ଆଲଗା କାମ୍ଚାସ୍ ହୁବୋନ୍ ହୁସ୍ “ମାହାଁ ” ବାଚାସ୍ । ପାରମେଶ୍ୱରସ୍ ସୃଷ୍ଟି କାମନା ଘି ଆଘ୍ଲି ଉଲ୍ଲାନୁ ଉଲ୍ଲାବୋନ୍ କାମ୍ ଚାସ୍ ।

ସୃଷ୍ଟି କାମ୍ନା ଘି ଦୁସରା ଉଲ୍ଲାନୁ ପାରମେଶ୍ୱରସ୍ ତେଂଗିୟାସ୍ ,”ଆମ୍ମୁ ଘି ମିୟାଁ ଅଣ୍ଟା ଆଲଗା ମାନୁକାଲ୍ ।“ ଅଣ୍ଟା ଆଲ୍ ଗା ମାନ୍ ଚା କେରା । ପାରମେଶ୍ୱରସ୍ ହୁ ଆଲ୍ ଗା ବୋନ୍ “ଆକାଶ୍ ( ବିଡ଼ି )ବାଚାସ୍ ।

ତିନ୍ ଦିନ୍ ନୁ ପାରମେଶ୍ୱରସ୍ ତେଂଗିୟାସ୍,” ଆମ୍ମୁ ଅଣ୍ଠାନ୍ ସାନ୍ ମାନୁ କାଲ ଆରୁ ହାଇକା ଏହେଁଲା ଏଥ୍ରୁ କାଲ୍ ।“ ହୁସ୍ ହାଇକା ଏହେଁଲାବୋନ୍ “ ଧାରତି “ ବାଚାସ୍ ଆରୁ ଆମ୍ମୁବୋନ୍ “ସାମୁଦାର୍“ ବାଚାସ୍ । ପାରମେଶ୍ୱରସ୍ ଏରିୟାସ୍ କା ହୁ ବୋନ୍ ହୁସ୍ ନାଚ୍ କା ଚାସ୍ ହୁଦ୍ ବାନେ ରାଚାଦ୍ ।

ଆରୁହି ପାରମେଶ୍ୱରସ୍ ତେଂଗିୟାସ୍,” ଧାରତି ନୁ ଜାମା ଜାତି ଘି ମାନ୍ନୁ ଆରୁ ହୋପ୍ପାଗୁଠି ମାନୁକାଲ୍ ।“ ଆରୁ ହନେନ୍ ହିଁ ମାନ୍ ଚା କେରା । ପାରମେଶ୍ୱରସ୍ ଏରିୟାସ୍ କା ଏନ୍ଦ୍ରିନ୍ ଭି ହୁସ୍ କାମ୍ ଚାସ୍ ହୁଦ୍ ବାନେ ରାଚା ।

ସୃଷ୍ଟି କାମ୍ ଚକା ଘି ଚାର୍ ଦିନ୍ ଘି ପାଛ୍ ଲିନୁ ପାରମେଶ୍ୱରସ୍ ତେଂଗିୟାସ୍,” ଆକାଶ୍ ନୁ ଇଞ୍ଜତ୍ ମାନୁକାଲ ।“ ଆରୁ ବିଡ଼ି, ଚାନ୍ଦୋ ଆରୁ ବିନ୍ କୋ ଗୁଠି ଏଥିରିୟାଦ୍ । ପାରମେଶ୍ୱରସ୍ ହୁବୋନ୍ ଧାରତି ନୁ ଇଞ୍ଜତ୍ ଚିୟାଗେ ଲାଗାନ୍ ଆରୁ ଉଲ୍ଲା ଆରୁ ମାହାଁ, ମୌସାମ୍ ବୋନ୍ ଆରୁ ବରଷ ଗୁଠି ବୋନ୍ ଆଲ୍ ଗା କାମାଗେ ବାନାବାଚାସ୍ । ପାରମେଶ୍ୱରସ୍ ଏରିୟାସ୍ କା ଏନ୍ଦ୍ରିନ ଭି କାମ୍ ଚାକା ଚାସ୍ ହୁଦ୍ ବାନେ ରାଚାଦ୍ ।

ପାଂଚ୍ ଦିନ୍ ଘି ବାଦ୍ ନୁ ପାରମେଶ୍ୱରସ୍ ତେଂଗିୟାସ୍ ,”ଜିୟା ରାନା ଜାନ୍ତୁ ଗୁଠି ଆମ୍ମୁନୁ ବାଢ୍ ରୁ କାଲ୍ ଆରୁ ଆକାଶ୍ ନୁ ଅଡ଼ା ଉଢ଼ିୟାରୁ ।“ ଇଦ୍ ଘି ଲେଖାନୁ ହୁବୋନ୍ ଆମ୍ମୁନୁ ପହଁରାନା ବାଲା ଜାମା ଜାନ୍ତୁ ଗୁଠି ବୋନ୍ ଆରୁ ଜାମା ଗୁଠି ବୋନ୍ ବାନା ବାଚାସ୍ । ପାରମେଶ୍ୱରସ୍ ଏରିୟାସ୍ କା ଇଦ୍ ବାନେ ଆତ୍ ଲିଦ୍ ଆରୁ ହୁବ୍ ଡ଼ାରିନ୍ ଆଶିଷ୍ ଚିଚ୍ ଚାସ୍ ।

ସୃଷ୍ଟି ଘି ଛ ଦିନ୍ ନୁ ପାରମେଶ୍ୱରସ୍ ତେଂଗିୟାସ୍ ,” ଏହେଁଲାନୁ ରାନାବାଲା ଜାମା ଜାତି ଘି ଜାନ୍ତୁ ଗୁଠି ମାନୁକାଲ୍ ।“ ଆରୁ ପାରମେଶ୍ୱରସ୍ ଘି ତେଂଗ୍ ନା ଅନୁସାର୍ ନୁ ଏନ୍ନେ ମାନ୍ ଚା କେରାଦ୍ । ଆଧା ଜାନ୍ତୁ ପୋଷନା ବାଲା ରାଚାଦ୍ , ଆଧା ଏହେଁଲାନୁ ଚର୍ ଗାନା ବାଲା, ଆରୁ ଆଧା ଜଂଗଲ ତା ଜାନ୍ତୁ ରାଚାର୍ । ଆରୁ ପାରମେଶ୍ୱରସ୍ ଏରିୟାସ୍ କା ଇଦ୍ ବାନେ ରାଇଦ୍ ।

ଆରୁ ହି ପାରମେଶ୍ୱରସ୍ ତେଂଗିୟାସ୍,”ବାରା ନାମ୍ ଆଲାସିନ୍ ନିଜର୍ ରୁପ୍ ନୁ ଆରୁ ନିଜର୍ ହି ଲେଖାନୁ ବାନାବୋତ୍ । ହୁସ୍ ଦୁନିଆଁ ନୁ ଆରୁ ଜାମା ଜିବ୍ ଜାନ୍ତୁ ଘି ମିଆଁ ଦାୟା କାମୋସ୍ ।

ଆଗେଂନ ପାରମେଶ୍ୱରସ୍ ହାଜ୍ଜୁବୋନ୍ ହୋଇ କିରି ହୁବୋନ୍ ଆଲାସିନ ବାନାବାଚାସ୍ ଆରୁ ହୁନ୍ନୁ ଜୀୟା ଘି ଶାଁସ୍ ବୋନ୍ ଉଁରିୟାସ୍ ଚିଚାସ୍ । ଇ ଆଲାସ୍ ଘି ନାମେ ଆଦାମ୍ ରାଚାଦ୍ । ପାରମେଶ୍ୱରସ୍ ଆଦାମସ୍ ଗେ ରାଗେ ଅଣ୍ଟା ବାଡ଼୍ କା ବାଟକି ବୋନ୍ ବାନା ବାଚାସ୍ ଆରୁ ହୁଦାନ୍ ଏରା ହୋଜାଗେ ଆଦାମ୍ ସିନ୍ ହୁସାନ୍ ଉଇୟାସ୍ ।

ହୁ ବାଟ୍ କି ଘି ମାଝାନୁ ପାରମେଶ୍ୱରସ୍ ଯୋଡ଼େ ଖାସ୍ ମାନନୁ ଇଦ୍ଦାସ୍ ଜିଆ ଘି ମାନନୁ ଆରୁ ବାନେ ଆରୁ ଖାରାପ୍ ଘି ବୁଦ୍ଧି ଘି ମାନ୍ନୁ । ପାରମେଶ୍ୱରସ୍ ଆଦାମ୍ ସିନ୍ ତେଂଗିୟାସ୍ କା ହୁସ୍ ହୁ ବାଟ୍ କି ଘି ଜିୟା ଘି ମାନ୍ନୁ ଆରୁ ବାନେ ଆରୁ ଖାରାପ୍ ଘି ବୁଦ୍ଧି ଘି ମାନ୍ନୁବୋନ୍ ଆମ୍ବିକିରି ଦୁସ୍ ରା ଏନ୍ଦ୍ରିନ୍ ଘି ମାନ୍ନୁନ୍ତା ଫାଡ଼ୁବୋନ୍ ମହା ଅଂଗ୍ ଦାର୍ । ଲେକିନ୍ ନିମ୍ ହୁ ମାନ୍ନୁ ଘି ଫାଡ଼ୁବୋନ୍ ମୋହର୍ ହାଲେ ହୁର୍ ଖିୟର୍ କୋର୍ ।

ଆରୁ ପାରମେଶ୍ୱରସ୍ ତେଂଗିୟାସ୍ ,” ଆଲାସ୍ ଗେ ଅଥାସ୍ ରାଗେ ବାନେ ମାଲ୍ଲା ।“ ଲେକିନ୍ ଏନ୍ଦ୍ରିନ୍ ଭିଜାନ୍ତୁ ଆଦାମ୍ ସ୍ ଘି ସଂଗେ ମାନା ପୋଲ୍ ନାର୍ ।

ହୁଦଘି ଲାଗାନ୍ ପାରମେଶ୍ୱରସ୍ ଆଦାମ୍ ସିନ୍ ଭାରଖାର୍ ହାନ୍ଦର୍ ନାନୁ ଉଇୟା ଚିଚ୍ ଚାସ୍ ।ଆରୁ ପାରମେଶ୍ୱର ସ୍ ଆଦାମ୍ ଘି ଅଣ୍ଟା ପାଞ୍ଜରା ଅଥରି କିରି ହୁସ୍ ସ୍ତିନ୍ ଅଣ୍ଟ। କୁକାଏ ବୋନ୍ ତେୟାର୍ କାମ୍ ଚାସ୍ ଆରୁ ହୁ ବୋନ୍ ଆଦାମ୍ ସ୍ ଘି ଚାହାଁନୁ ଅନ୍ଦରାସ୍ ।

ବାକେନ୍ ଆଦାମସ୍ ହୁବୋନ୍ ଏରିୟାସ୍ ଆରୁ ହୁସ୍ ବାଚାସ୍ ,”କୋମ୍ ସେ କୋମ୍ ଇଦ୍ ତା ଏଘାଁ ଲେଖା ଅତ୍ ଲୀ । ଇ ବୋନ୍ କୁକାଏ ତେଙ୍ଗାପାଡ୍ରୋ , ଏନ୍ଦେର ଗେ କା ଇବୋଦ ଆଲସ୍ ଘିନ୍ତି କାମା କେର୍ କି ଚିଦ୍ ।“ ଇଦ୍ ଘି ଲେଖା ନୁ ଆଲାସ୍ ନିଜର ଆୟାଂଗ ବାଙ୍ଗରିନ୍ ଆମ୍ବାଦାସ୍ ଚିଦାସ୍ ଆରୁ ନିଜର ଆଲି ଗାନେ ଅନ୍ଟା ମାନ୍ ନାର୍ କାନାର୍ ।

ପାରମେଶ୍ୱରସ୍ ଆଲାସିନ୍ ଆରୁ ଆଲି ବୋନ୍ ନିଜର ରୁପ୍ ନୁ ବାନା ବାଚାସ୍ । ହୁସ୍ ହୁବଡା ରିନ୍ ଆଶିଷ୍ ଚିଚ୍ ଚାସ୍ ଆରୁ ହୁବଡା ରିନ୍ ତେଗିଂୟାସ୍, “ଜୁକ୍ କୁ ହାଦ୍ ଦୁ ଗୁଠିରିନ୍ ଆରୁ ନାତି ପୁତିରିନ୍ ଜନମ୍ କାମା ଆରୁ ଧାରତିନୁ ନିନ୍ଦ୍ରା କାଲା” ଆରୁ ପାରମେଶ୍ୱରସ୍ ଏରିୟାସ୍ ତା ଏନ୍ଦିରି ଭି ନାଚ୍ କା ଚାସ୍ ହୁଦ ମୁରୁକ୍ ବାନେ ରାଚାଦ୍, ଆରୁ ହୁସ୍ ହୁବ୍ ଡ। ଘି ଲାଗାନ୍ ମୁରୁକ୍ ଖୁସି ମାନ୍ ଚାସ୍ । ଇବ୍ ଡା ଗୁଠି ଜାମା ସୃଷ୍ଟି କାମନା ଘି ଛୋ ଦିନ୍ ପୁର୍ କି ଚା ।

ଯେତେବାକେନ୍ ସାତୁୱଁ। ଉଲ୍ଲ୍। ବାରଚା ବାକେନ୍ ଏନ୍ଦରିନ୍ ଭି ପାରମେଶ୍ୱରସ୍ କାମାଲାସ୍ ହୁସ୍ ହୁବଡ଼ା ଜାମା ନାଲଖୁ ବୋନ୍ ମୁନଜୀୟାସ୍ ଚିସ୍ ଚାସ୍ । ହୁସ୍ ସାତୱ। ଉଲ୍ଲା ବୋନ୍ ଆଶିଷ୍ ଚିଚ୍ ଚାସ୍ ଆରୁ ହୁବୋନ୍ ପାବିତ୍ର ଉଇୟାସ୍, , ଏନ୍ଦେର ଗେ କା ହୁ ଉଲ୍ଲା ବୋନ୍ ହୁସ୍ ଜାମା ଚିଜ୍ ଗୁଠି ସୃଷ୍ଟି କାମିକିରି ମୁନ୍ ଜାକା ଚାସ୍ । ଇଦ୍ ଘି ଲେଖାନୁ ପରମେଶ୍ୱରସ୍ ସାଂସାର ବୋନ୍ ଆରୁ ଏନ୍ଦରିନ୍ ଭି ହୁସାନ୍ ଆତଲି ହୁ ବ୍ ଡା ଗୁଠିନ୍ ସୃଷ୍ଟି କାମଚାସ୍ ।