12. କାନାର୍

ଇସ୍ରାଏଲ ଆଲାର୍ ମିସ୍ରି ନ୍ତି ଉର୍‌ଖୀ କିରୀ ମୁରୁକ୍ ଖୁସି ନୁ ରଚାର୍ । ହୁବ୍‌ଡ଼ାର୍ ଆରୁ ଦାସ୍ ମାଲ୍ଲାରୁର୍ ,ଆରୁ ହୁବ୍‌ଡ଼ାର୍ ଶ ପଥ୍ ଘି ରାଜି ଗେ କାଲ ଗାର୍ ! ଏନ୍ଦେରିନ୍ ଭି ଇସ୍ରାଏଲ୍ ଗୁଠିର୍ ନିଚାର୍, ମିସ୍ରିର୍ ହୁବ୍‌ଡ଼ାରିନ୍ ହୁ ଜାମା କିଛି ବୋନ୍ ଚିଚ୍ ଚାର୍ , ଇ ତୋକ୍ କା ସୋନା, ଚାନ୍ଦି ଆରୁ ଦୁସରା କିମ୍ ତି ଚିଜ୍ ଗୁଠି ବୋନ୍ । ଦୁସରା ରାଜିନ୍ତା କିଛି ଆଲାର୍ ପାରମେଶ୍ୱ ରସ୍ ଘି ମିୟାଁ ବିଶ୍ୱା ସ୍ କାମ୍‌ଚାର୍ ଆରୁ ଯେତେବାକେନ୍ ଇସ୍ରାଏଲ୍ ଆଲାର୍ ମିସ୍ରି ନ୍ତି ଉରଖିୟାର୍ ବାକେନ୍ ହୁବ୍‌ଡ଼ାର୍ ହି ଇବଦାର୍ ଗାନେ ସାଂଗେ ମାନଚାର୍ ।

ଉଲ୍ଲା ବାକେନ୍ ବାଦଲୀ ଘି ଅଣ୍ଟା ବାଡକା ଖୁଟା ବୋଦ୍ ହୁବ୍‌ଡ଼ାର୍ ଘି ଆଘଲି -ଆଘଲି କାଲଗାଦ୍ । ଆରୁ ମାହାଁ ଘି ସମୟନୁ ଇଦ୍ ଚିଚ୍ ଚୁ ଘି ଖୁଟା ମାନଚାଦ୍ କେରାଦ୍ । ପାରମେଶ୍ୱରସ୍ ଜେନ୍‌ଟା କା ବାଦ୍‌ଲୀ ଘି ଖାମ୍ଵା ନୁ ଆରୁ ଚିଚ୍ ଚୁ ଘି ଖୁଟା ନୁ ରଚାଦ୍, ଜାମା ବାକେନ୍ ହୁବ୍‌ଡ଼ାର୍ ଘି ସାଂଗେନୁ ରାଚା ଆରୁ ହୁଦ୍ କାନା ସାମାୟ ନୁ ହୁବ୍‌ଡ଼ାର୍ ଘି ଆଗ୍ ଗୁଆ କାମ୍‌ଚା । ହୁବ୍‌ଡ଼ାର୍ ଖାଲି ଏତ୍ କୋ କାମ୍‌ନା ରାଚାଦ୍ କା ହୁଦ୍‌ଘି ପାଛ୍‌ଲି ଏକୋର୍ ।

ଥୋଡ଼େ ସାମାୟ ଘି ବାଦ୍‌ନୁ, ଫିରୋନସ୍ ଆରୁ ହୁସ୍ ଘି ଆଲାର୍ ଗୁଠିର୍ ନିଜର୍ ମୋନ୍ ବାଦଲ୍ ଲିୟାର୍ । ହୁବ୍‌ଡ଼ାର୍ ଇସ୍ରାଏଲ୍ ଗୁଠିରିନ୍ ଆରୁ ହି ନିଜର୍ ଦାସ୍ କାମାଗେ ଚାହାଲାର୍ । ଇଦ୍ ଘି ଲାଗାନ୍ ହୁବଡାର୍ ଇସ୍ରାଏଲ୍ ଗୁଠିରିନ୍ ପିଛା କାମଚାର୍ । ଇଦ୍ ପାରମେଶ୍ୱ ରସ୍ ହି ରାଚାସ୍ ଜେନ ବୋନ୍ ହୁବ୍‌ଡ଼ାର୍ ଘି ମୋନ୍ ଗୁଠିବୋନ୍ ବାଦ୍ ଲା ଚିଚ୍ କା ଚାସ୍ । ହୁସ୍ ଏନ୍ଦେର୍ ଗେ ଏନ୍ନେ କମଚା ସ୍ କା ହୁସ୍ ଚାହା ଲାସ୍ କା ହାର ଜାମାର୍ ଇବୋନ୍ ଆହା ଅଂଗନାର୍ କା ଫିରୋନ୍ ଘି ଆରୁ ମିସ୍ରି ଗୁଠିର୍ ଘି ଜାମା ଦେବତା ଗୁଠି ନ୍ତି ହୁସ୍, ୟୋହୋବାସ୍, ବାଗ୍ ଗେ ଶକ୍ତିଶାଲି ଆତ୍‌ଲା ଦାସ୍‌ ।

ଯେତେବାକେନ୍ ଇସ୍ରାଏଲ୍ ଗୁଠିର୍ ମିସ୍ରି ଘି ସେନାରିନ୍ ଏରିୟାର୍ ବାକେନ୍ ହୁବଡା଼ର୍ ଆହା ଅଙ୍ଗିର୍ କା ହୁବଡ଼ାର୍ ଫିରୋନସ୍ ଘି ସେନାର୍ ଆରୁ ଲାଲ୍ ସାମୁଦାର୍ ଘି ମାଝାନୁ ଫାସରାର୍ କେରାର୍ । ହୁବ୍‌ଡ଼ାର୍ ମୁରୁକ୍ ଏଲଚିୟାର୍ କେରାର୍ ଆରୁ ଅଲ୍ଲା ହାଗେ ଲାଗିୟାର୍,”ଏମ୍ ମିସ୍ରି ବୋନ୍ ଏନ୍ଦେର୍ ଗେ ଆମ୍ବ୍ କାମ୍ ?ଏମ୍ ଖିନା ବାଲା ରାଦାମ୍ !”

ମୁସସ୍ ଇସ୍ରାଏଲ୍ ରିନ୍ ତେଂଗି ୟାସ୍ ,”ଏଲଚା ଗେ ବନ୍ଦ କାମା ! ପାରମେଶ୍ୱରସ୍ ଇନ୍ନା ନିମ୍ ହାଁ ଲାଗାନ୍ ଲାଢ଼ୋସ୍ ଆରୁ ନିମାରିନ୍ ବାଚାବୋସ୍ । ”ବାକେନ୍ ପାରମେଶ୍ୱରସ୍ ମୁସା ସିନ ତେଂଗୀୟାସ୍,” ଇବ୍‌ଡ଼ା ଆଲାରିନ୍ ଲାଲ୍ ସାମୁଦାର୍ ଘି ତାରା ଆଘଲି ବାଢ଼ରା ଗେ ତେଂଗା ।”

ବାକେନ୍ ପାରମେଶ୍ୱରସ୍ ହୁ ବାଦଲୀ ଘି ଖୁଟା ବୋନ୍ ହୁଇକିରୀ ଇସ୍ରାଏଲ୍ ଲିର୍ ଆରୁ ମିସ୍ରି ଘି ମାଝାନୁ ଉୟା ଚିଚାସ୍ ତାକି ମିସ୍ରି ଆଲାର୍ ଇସ୍ରାଏଲ୍ ରିନ୍ ଏରା ପଲ୍‌ନାର୍ ।

ପାରମେଶ୍ୱରସ୍ ମୁସା ସିନ୍ ସାମୁଦାର୍ ଘି ମିୟାଁ ନିଜର୍ ହେକ୍ ଖାନ୍ ବାଢ଼ା ବାଗେ ତେଂଗିୟାସ୍ । ଆରୁ ପାରମେଶ୍ୱରସ୍ ଧୁକା ସ୍ତିନ୍ ସାମୁଦାର୍ ଘି ଆମ୍ମୁ ବୋନ୍ ତିନ୍ନା ଆରୁ ଡ଼େବ୍ ବା ତାରା କାମ୍ ଚେ ଚାସ୍ ,ଜେନଟା କା ସାମୁଦାର୍ ନ୍ତି ମାନିକିରୀ ଅଣ୍ଟା ପାବୁ ମାନଚା କେରାଦ୍ ।

ଇସ୍ରାଏଲ୍ ଆଲାର୍ ନିଜର୍ ଦୁହୀ ତାରା ଆମମୁ ଘି ଦେୱାଲ ଗାନେ ଏହେଁଲା ନୁ ସମୁଦାର୍ ସ୍ତି ନ୍ ମାନିକିରୀ ଆଘ୍‌ଲୀ ବାଢ଼ ର୍ ତେ କେରାର୍ ।

ବାକେନ୍ ପାରମେଶ୍ୱ ରସ୍ ହୁ ପାବୁ ନ୍ତି ବାଦ୍‌ଲୀ ଗେ ଉଠା ବାଚାସ୍ ତାକି ମିସ୍ରି ଆଲାର୍ ଇସ୍ରାଏଲ୍ ନ୍ତି ବାଛାରା କିରୀ କାଲତେ ଏରିୟାର୍ । ମିସ୍ରିର୍ ହୁବ୍‌ଡ଼ାର୍ ରିନ୍ ଧାରଗେ ଲାଗାନ ହୁବ୍‌ଡ଼ାର୍ ପିଛା କାମାଗେ ସୋଚ୍ ଚାର୍ ।

ଆଖିର୍ ନୁ ହୁବ୍‌ଡ଼ାର୍ ସାମୁଦାର୍ ଘି ମାଝା ହୁ ପାବୁନ୍ତି ଇସ୍ରାଏଲ୍ ରିନ୍ ପିଛା କାମ୍‌ଚାର୍, ଲେକିନ୍ ପାରମେଶ୍ୱରସ୍ ମିସ୍ରି ରିନ୍ ଘାବରା ବା ଚିଚାସ୍ ଆରୁ ହୁବ୍‌ଡ଼ାର୍ ଘି ରାଥୁ ବୋନ୍ ଆଟକେ ଚିଚାସ୍ । ହୁବ୍‌ଡ଼ାର୍ ଚିରରା ଲାଗଗିୟାର୍ ,”ବୁଂଗା ! ଇସ୍ରାଏଲ୍ ଲିର୍ ତାରନ୍ତି ପାରମେଶ୍ୱରସ୍ ଲାଡ଼ାଲ ଦାସ୍ !”

ଜାମା ଇସ୍ରାଏଲ୍ ଲିର୍ ସମୁଦାର୍ ଘି ଦୁସରା ପାଖା ତାରା ଆଣସିୟାର୍ କେରାର୍ । ବାକେନ୍ ପାରମେଶ୍ୱରସ୍ ମୁସା ସିନ ତେଂଗୀୟାସ୍ କା ନିନ୍ ଫିର୍ ସେ ଆମମୁ ଘି ମିୟାଁ ହେକ୍‌ଖା ବା ଢ଼ାବା । ଯେବାକେନ୍ ଏନ୍ନେ କାମଚାସ୍, ତା ଆମମୁ ମିସ୍ରି ସେନା ଘି ମିୟାଁ ବାରଚା କେରାଦ୍ ଆରୁ ନିଜର୍ ଏସ୍କେ ରଚାଦ୍ ହୋନ୍ନେ ମାନ୍‌ଚା କେରଦ୍ । ଜାମା ମିସ୍ରି ସେନାର୍ ଡୁବରା ର୍ କେରାର୍ ।

ଯେତେ ବାକେନ୍ ଇସ୍ରାଏଲ୍ ଲିର୍ ଏରିୟର୍ କା ମିସ୍ରିର୍ କେଚଚାର୍ କେରାର୍ ବାକେନ୍ ହୁବ୍‌ଡ଼ାର୍ ପାରମେଶ୍ୱ ରସ୍ ଘି ମିୟାଁ ବିଶ୍ୱାସ୍ କାମଚାର୍ । ହୁବ୍‌ଡ଼ାର୍ ବିଶ୍ୱା ସ୍ କାମଚାର୍ କା ମୁସାସ୍ ପାରମେଶ୍ୱରସ୍ ଘି ତାର୍ତୀ ଭବିଷ୍ଯବକ୍ତାସ୍ ।

ଇସ୍ରାଏଲ୍ ଲିର୍ ଇଦଘି ଲାଗାନ୍ ମୁରୁଖ୍ ଖୁସିନୁ ରାଚାର୍ ଏନ୍ଦେର୍ ଗେ କା ପାରମେଶ୍ୱରସ୍ ହୁବଡ଼ାରୀନ୍ ଖିନାନ୍ତି ଆରୁ ଦାସ୍ ମାନ୍ ନାନ୍ତି ବାଛା ବାଚ୍ କା ଦାସ୍ । ଆକକୁନ୍ ହୁବଡା଼ର୍ ପାରମେଶ୍ୱରସ୍ ଘି ଆରାଧାନା କାମାଗେ ଆରୁ ହୁସ୍ ଘି ଆଜ୍ଞା ବୋନ୍ ମାନା ଗେ ଲାଗାନ୍ ଆଜାଦି ରାଚାର୍ । ଇସ୍ରାଏଲ୍ ଗୁଠିର୍ ନିଜର୍ ଆଜାଦି ଘି ପରବ୍ ମାନା ବାଗେ ଲାଗାନ୍ ଆରୁ ପାରମେଶ୍ୱରସ୍ ସିନ ଖୁସି କାମାଗେ ଲାଗାନ୍ ଇୟଁ ଗିତୁ ଗୁଠିନ୍ ପଡି଼ୟାର୍ ଏନ୍ଦେର୍ ଗେ କା ହୁସ୍ ହୁବଡ଼ାରୀ ନ୍ ମିସ୍ରି ସେନାନ୍ତି ବାଚା ବାଚ୍ କା ଚାସ୍ ।

ପାରମେଶ୍ୱରସ୍ ଇସ୍ରାଏଲ୍ ରିନ୍ ସବୁ ବଛର୍ ଅଣ୍ଟା ପରବ୍ ମାନାଗେ ଅନୁମତି ଚିଚ୍ ଚାସ୍ ଇବୋନ୍ ୟାଦ୍ କାମାଗେ ଲାଗାନ୍ ଏସ୍କେ ପରମେଶ୍ୱରସ୍ ମିସ୍ରି ରିନ୍ ହାର୍‌ଢ଼ା ଚିଚାସ୍ ଆରୁ ହୁବଡା଼ ଦାସ୍ ମାନ୍ନାନ୍ତି ଆଜାଦି କାମଚାସ୍ । ଇବୋଦ୍ ଫାସାହା ପରବ୍ ତେଂଗାକୋତ୍ । ଇସାନ୍ ହୁବ୍‌ଡ଼ାର୍ ଇଦଘି ଖୁସି ମାନାବାଗେ ଲାଗାନ୍ ଅଣ୍ଟା ବାନେ ଭେଡି଼ ଘି ହାଦ୍ଦୁ ବୋନ୍ ବାଳି କାମନା ରଚାଦ୍ ,ହୁବୋନ୍ ଭାଜିୟା ନା ରାଚାଦ୍,ଆରୁ ହୁବୋନ୍ ବିନା ଖାମିର୍ ବାଲା ଆସମା ଗାନେ ମୋହୋନା ରାଚାଦ୍ ।