11. ଫାସାହା (ପାସ୍କା)
Listen to this story Audio file · 3.0 MB
The words of this recording are below, in Kisan.
ପାରମେଶ୍ୱରସ୍ ମୁସା ଆରୁ ହାରୁନ୍ ସିନ୍ ଫିରୋନ୍ ଘି ଚାହାଁ ନୁ ଇ ତେଂଗାଗେ ତାଇୟା ସ୍ କା ଇସ୍ରାଏଲ୍ ରିନ୍ କାଲାଗେ ଚିୟା । ହୁବଡାର୍ ହୁସିନ ଚେତାବାନି ଚିଚ୍ ଚାର୍ କା ଆଗାର୍ ହୁସ୍ ହୁବଡାରି ମା’ କାଲାଗେ ଚିଚାର, ହାଲେ ପାରମେଶ୍ୱରସ୍ ମିସ୍ରି ନ୍ତା ଆଲାର୍ ଘି ଆରୁ ଜାନ୍ତୁ ଗୁଠି ଘି ଜାମା ପାହିଲା ହାଦ୍ଦୁ ବୋନ ପିଟର୍ ଚୋର । ଫିରୋନସ୍ ଇବୋନ୍ ମେନିକିରି ଭି ପାରମେଶ୍ୱରସ୍ ଘି ମିୟାଁ ବିଶ୍ୱାସ୍ କାମାଗେ ଆରୁ ହୁସ୍ ଘି କାତ୍ ଥା ବୋନ୍ ମାନାଗେ ଇନ୍ କାର୍ କାମ୍ଚେଚାସ୍ ।
ପାରମେଶ୍ୱରସ୍ ଘି ମିୟାଁ ବିଶ୍ୱାସ କାମାଗେ ଲାଗାନ୍ ଏନ୍ଦେରି ନ୍ ଭି ପାହିଲା ହାଦ୍ଦୁ ବୋନ୍ ବାଚାବାଗେ ଅଣ୍ଟା ଉପାୟ ବୋନ୍ ଜୁଗାଡ଼ କାମଚାର୍ । ଜାମା ପାରିବାର୍ ଘି ଅଣ୍ଟା କଳଂକ ମା ରାନାବାଲା ଭେଡ଼ି ହାଦ୍ଦୁ ବୋନ୍ ହୁଆଁ କିରୀ ହୁବୋନ୍ ପୁଜ୍ନା ରାଚାଦ୍ ।
ପାରମେଶ୍ୱରସ୍ ଇସ୍ରାଏଲ୍ ରିନ୍ ହୁ ଭେଡ଼ି ହାଦ୍ଦୁ ଘି ହେସୁଁ ବୋନ୍ ହୁଆଁ କିରୀ ନିଜର୍ ଏଡ଼ପା ଗୁଠି ଘି ଘୁମାନୁ ଲାଗାବାଗେ ତେଂଗିୟାସ୍ । ହୁବଡାର୍ ହୁଦଘି ଆହାଡ଼ା ବୋନ୍ ଭାଜିୟାନା ରା ଚାଦ୍ ଆରୁ ଫିର୍ ସେ ହୁଦାନ୍ ଆଖମାରି ଆସମା ଗାନେ ହୁବୋନ୍ ଫୁର୍ତୀ ନୁ ମୋହୋନା ରାଚାଦ୍ । ହୁବଡାର୍ ହୁ ଭୋଜନ୍ ବୋନ୍ ଅନ୍ନା ଘି ବାଦନୁ ଜାଲଦିହି ମିସ୍ରି ରାଜି ବୋନ୍ ଆମ୍ବା ଗେ ଲାଗାନ୍ ରେଡି ମାନାଗେ ତେଂଗିୟା ସ୍ ।
ଏସ୍କେ କାମାଗେ ପାରମେଶ୍ୱରସ୍ ଇସ୍ରାଏଲ୍ ରିନ୍ ଆଦେସ୍ ଚିଚ୍ କାଚାସ୍ ହୁବଡାର୍ ହୁଦଘି ଲେଖାନୁ ଜାମା କିଛି ନ୍ କାମ୍ଚାର୍ । ଭାର୍ ଖାର୍ ମାହାଁ ବାକେନ୍ ,ପାରମେଶ୍ୱରସ୍ ହାର୍ ଅଣ୍ଟା ପାହିଲା କୁକ୍କୋରିନ୍ ପିଟନା ନ୍ତି ମିସ୍ରି ର୍ ଘି ମାଝା ନ୍ତି ମାନିକିରୀ ଗୁଜ୍ରାରା ର୍ ।
ଇସ୍ରାଏଲର୍ ଘି ହାର ଅଣ୍ଟା ଏଡ଼ପା ଘି ଘୁମା ଗୁଠିନୁ ହେସୁଁ ଲାଗାବାଚ୍ କା ରାଚାଦ୍, ଇଦ୍ ଘି ଲାଗାନ୍ ହୁ ଏଡ଼ପା ଗୁଠି ବୋନ୍ ଆମ୍ବେ ଚିଚାସ୍ । ହୁବ୍ଡ଼ାର୍ ଉଲା ନୁ ରାଚାର୍ ଜାମା ଆଲାର୍ ସୁରଖିତ୍ ନୁ ରାଚାର୍ । ହୁବଡାର୍ ଭେଡି଼ ହାଦ୍ଦୁ ଘି ହେସୁଁ ଘି ଚାଲତେ ବଛାର୍ କେରାର୍ ।
ହାଲେ ଭି ମିସ୍ରିର୍ ଗୁଠିର୍ ପାରମେଶ୍ୱ ରସ୍ ସିନ୍ ବିଶ୍ୱାସ୍ ମାଲ୍ଲା କାମଚ୍ କାରୁର୍ ଆରୁ ହୁସ୍ ଘି ହୁକୁମ୍ ବୋନ୍ ମା ମାନଚାର୍ । ଇଦ୍ ଘି ଲାଗାନ୍ ପାରମେଶ୍ୱରସ୍ ହୁବଡା଼ ର୍ ଘି ଏଡ଼ ପା ଗୁଠିନ୍ ମା ଆମ୍ବିୟାସ୍ । ପାରମେଶ୍ୱର୍ ସ୍ ମିସ୍ରି ଜାମାରଘି ହାର ଅଣ୍ଟା ପାହିଲା କୁକ୍କୋ ଗୁଠିରିନ୍ ପିଟ୍ ଟେ ଚାସ୍ ।
ଜେହେଲ୍ ତା କେଇଦିର୍ ଗୁଠିର୍ ସ୍ତି ନ୍ ହୁଆଁ କିରୀ ,ଫିରୋନସ୍ ଘି ପାହିଲା ନ୍ତା, ହାର ଅଣ୍ଟା ପାହିଲା ଆଲାର୍ କେଚ୍ ର୍ କେରାର୍ । ନିଜର୍ ଗାହେରାଇ ପିଡା଼ ଘି କାରନ୍ ନୁ ମିସ୍ରି ର୍ ଘି ଯୁକୁକ୍ ଆଲର୍ ଅଲହା ଲାର୍ ଆରୁ ଚିର୍ ରା ରାଲାର୍ ।
ହୁ ମାହାନୁ,ଫିରୋନସ୍ ମୁସା ଆରୁ ହାରୁନ୍ ସିନ୍ ମେହିୟାସ୍ ଆରୁ ତେଂଗିୟାସ୍, ”ଇସ୍ରାଏଲ୍ ରିନ୍ ହୁଆଁ କିରୀ ଜାଲଦୀ ସ୍ତିନ୍ ଉର୍ଖା କାଲ !’’ ମିସର୍ ଘି ଆଲାର୍ ଭି ଇସ୍ରାଏଲିର୍ ଗାନେ ଜାଲ୍ଦୀ କାଲାଗେ ଇଚ୍ଛା କାମ୍ଚାର୍ ।
ଯାତ୍ରା ପୁସ୍ତକ୍ ୧୧:୧-୧୨:୩୨ ସ୍ତିନ୍ ଅଣ୍ଟା ବାଇବେଲ୍ ଘି କାଥନି
Free to use, adapt, and share under an open license (CC BY-SA 4.0).