10. ଦସ୍ ସେଟା ବିପଦ୍ ଗୁଠିଦ୍

ପାରମେଶ୍ୱରସ୍ ମୁସା ଆରୁ ହାରୁନ୍ ସିନ୍ ଚେତାବାନି ଚିଚ୍ ଚାସ୍ କା ଫିରୋନ୍ କୋଠୋର୍ ମାନୋସ୍‌କୋସ୍ । ଯେ ବାକେନ୍ ହୁବଡାର୍ ଫିରୋନସ୍ ଘି ଚାହାଗେ କେରାର୍ ବାକେନ୍ ହୁବଡାର୍ ତେଂଗିୟାର୍ ,”ଇସ୍ରାଏଲ୍ ଘି ପାରମେଶ୍ୱ ରସ୍ ଇ ତେଂଗାଲଦାସ୍ କା ,”ଏଘାଁ ଆଲାରିନ୍ କାଲାଗେ ଚିୟା । ’’ଲେକିନ୍ ଫିରୋନସ୍ ହୁବଡାର୍ ଘି କାଥାବୋନ୍ ମା ମେଚାସ୍ ଆରୁ ଇସ୍ରାଏଲ୍ ରିନ୍ ତାଇୟା ଗେ ଲାଗାନ୍ ବନ୍ଦବୋସ୍ କାମନା ଘି ବାଦଲିନୁ ହୁସ୍ ହୁବଡାରିନ୍ ଆରୁ କଠିନ ପାରିସ୍ରମ୍ କାମାଗେ ଲାଗାନ୍ ମାଜବୁର୍ କାମଚାସ୍ ।

ଫିରୋନ୍ ହୁ ଆଲାର୍ ଗୁଠିରିନ୍ ତାଇୟା ଗେ ଲାଗାନ୍ ସବୁ ବାକେନ୍ ଇନକାର୍ କାମତେ ରାଚାସ୍ । ଇ ବାକେନ୍ ପାରମେଶ୍ୱ ରସ୍ ମିସ୍ରି ରାଜି ଘି ମିୟାଁ ଦସେ ଟା ଏଲଚନାବାଲା ବିପତ୍ତି ତା ଇୟାସ୍ । ଇ ଏଲଚକା ଘି ଚାଲତେ,ପାରମେଶ୍ୱ ରସ୍ ଫିରୋନ୍ ସିନ ଏଦିୟାସ୍ କା ହୁ ଫିରୋନ୍ ଆରୁ ମିସ୍ରି ଘି ଦେବତା ଗୁଠିନ୍ ସ୍ତି ନ୍ ଜୁକ୍କୁ ତାକତବୋର୍ ରାଇ ଦ୍ ।

ପାରମେଶ୍ୱରସ୍ ନୀଲ୍ ଯୋଡ଼ୁ ବୋନ୍ ହେଁସୁନୁ ବାଦଲାଵା ଚିଚାସ୍, ଲେକିନ୍ ଫିରୋନସ୍ ଆକକୁ ନ୍ ତୋକ୍ ଭି ଇସ୍ରାଏଲ୍ ରିନ୍ କାଲାଗେ ମା ଚିଚଚାସ୍ ।

ପାରମେଶ୍ୱରସ୍ ଜାମା ମିସ୍ରି ରାଜିନୁ ବେଂଗା ବୋନ୍ ତା ଇୟାସ୍ । ଫିରୋନ୍ ସ୍ ବେଂଗାଗୁଠିନ୍ ଖେଦାଗେ ଲାଗାନ୍ ମୁସାସିନ ହେକ୍ ଖା ଯୋଡି଼ ୟାସ୍ । ଲେକିନ୍ ଜାମା ବେଂଗାଗୁଠିଦ ଖିନା କାନା ଘି ବାଦ୍ନୁ, ଫିରୋନ୍ ନିଜର୍ ମୋନ୍ ବୋନ୍ କୋଠୋର୍ କାମଚେ ଚିଚାସ୍ ଆରୁ ଇସ୍ରାଏଲ୍ ରିନ୍ ମିସ୍ରି ସ୍ତି ନ୍ କାଲାଗେ ମା ଚିଚ୍ଚାସ୍ ।

ଇବାକେନ୍ ପାରମେଶ୍ୱ ରସ୍ କୁଟୁକିୟୋଁ ଘି ବିପତି ବୋନ୍ ତାଇୟା ସ୍ । ହୁଦଘି ବାଦେନୁ ହୁସ୍ ଡାସୋଁ ଘି ବିପତି ବୋନ୍ ତାଇୟା ସ୍ । ଫିରୋନ୍ ସ୍ ମୁସା ଆରୁ ହାରୁନ୍ ସିନ ମେହିୟାସ୍ ଆରୁ ତେଂଗିୟା ସ୍ କା ଯୋଦି ଭି ହୁ ବିପତି ବୋନ୍ ରୋକର୍ ହାଲେ ଇସ୍ରାଏଲ୍ ରିନ୍ ମିସ୍ରି ନ୍ ଆମ୍ବିକିରିକାଲା ଅଂଗର୍ । ବାକେନ୍ ମୁସାସ୍ ବିନ୍ତି କାମଚାସ୍ ତା ପାରମେଶ୍ୱ ରସ୍ ମିସ୍ରି ଘି ମିୟା ନ୍ତି ନ୍ ଡାସୋଁ ଗୁଠିଦ ହାଟ୍ ରା କେରାଦ୍ । ଲେକିନ୍ ଫିରୋନ୍ ସ୍ ନିଜର୍ ମୋନ୍ ବୋନ୍ କୋଠୋର୍ କାମଚା ଚିଚାସ୍ ଆରୁ ହୁ ଆଲାରିନ୍ ସୁରକ୍ଷିତ ନୁ କାଲାଗେ ମା ଚିଚ୍‌ଚାସ୍ ।

ଇଦ୍ ଘି ଆଘ ଲି, ପାରମେଶ୍ୱରସ୍ ମିସ୍ରିର୍ ଘି ଜାମା ପୋସ୍ କାର୍ଜାନ୍ତୁ ଗୁଠିବୋନ୍ ବେମାର୍ ମାନିକିରୀ ଖିୟା ଲାଗଗିୟା । ଲେକିନ୍ ଫିରୋନ୍ ସ୍ ଘି ମୋନ୍ ବୋଦ୍ କୋଠୋର୍ ମାନଚା କେରକିଚାଦ୍ ଆରୁ ହୁସ୍ ଇସ୍ରାଏଲ୍ ରିନ୍ କାଲାଗେ ମା ଚିଚଚାସ୍ ।

ବାକେନ୍ ପାରମେଶ୍ୱ ରସ୍ ମୁସା ସିନ୍ ଫିରୋନସ୍ ଘି ସାମନେନୁ ହାୱା ନୁ ଚିନ୍ଦୁବୋନ୍ ଖେବ୍‌ଡା ଗେ ତେଂଗିୟାସ୍ । ଯେ ବାକେନ୍ ଏନ୍ନେ କାମଚାସ୍ ବାକେନ୍ ମିସ୍ରି ନ୍ତାଆଲାର୍ ଘି ଚାମଡ଼ା ନୁ ନୁଜୁନା ବାଲା ଫୋଟକା ଗୁଠିଦ ଉର୍‌ଖା କେରା, ଲେକିନ୍ ଇସ୍ରାଏଲ୍ ଗୁଠିରିନ୍ ଏନ୍ଦେର୍ ହି ମା ମାନ୍‌ଚା । ପାରମେଶ୍ୱରସ୍ ଫିରୋନସ୍ ଘି ମୋନ୍ ବୋନ୍ କୋଠୋର୍ କାମଚେ ଚାସ୍, ଆରୁ ଫିରୋନସ୍ ଇସ୍ରାଏଲ୍ ରିନ୍ ସୁରଖିତ୍ ନୁ କାଲା ଗେ ମା ଚିଚ୍‌ଚାସ୍ ।

ଇଦ୍ ଘି ବାଦେନୁ ,ପାରମେଶ୍ୱ ରସ୍ ଚିଚ୍ ଚୁ ଘି ଚିନକାରିନ୍ ବୋନ୍ ଟିଡ଼ ଡ଼ାସ୍ ଆରୁ ମିସ୍ରି ଘି ଆଧା ଜାଗା ଘି ଚାସ୍ କାମଚାକା ନଷ୍ଟ କାମଚେ ଚିଚାସ୍ ଆରୁ ନେର୍ ଭି ବାହାରି ଉରଖିୟାର୍ ହୁବଡାରିନ୍ ପିଟ୍ ଟେଚାସ୍ । ଫିରୋନ୍ ମୁସା ଆରୁ ହାରୁନ୍ ସିନ୍ ମେହିୟାସ୍ ଆରୁ ହୁବ୍ଡ଼ାରି ତେଂଗିୟାସ୍, “ଏନ୍ ପାପ୍ କାମଚ୍ କାଦାନ୍ । ନିମ୍ ଗୁଠିର୍ କାଲା ଅଂଗଦାର୍ ।“ ବାକେନ୍ ମୁସାସ୍ ବିନ୍ତି କାମଚାସ୍ ,ଆରୁ ଆକାଶ ସ୍ତି ନ୍ ଚିଚ୍ ଚୁ ଘି ଚିନକାରିଦ୍ ଖାତରନା ବନ୍ଦ ମାନଚା କେରାଦ୍ ।

ଲେକିନ୍ ଫିରୋନସ୍ ଆରୁ ହି ପାପ୍ କାମଚାସ୍ ଆରୁ ନିଜର୍ ମୋନ୍ ବୋନ୍ କୋଠୋର୍ କାମଚେ ଚାସ୍ । ହୁସ୍ ଇସ୍ରାଏଲିଗୁଠିରିନ୍ ସୁରଷିତ୍‌ନୁ କଲା ଗେ ମା ଚିଚାସ୍ ।

ବାକେନ୍: ପାରମେଶ୍ୱରସ୍ ମିସ୍ରି ଘି ମିୟାଁ ବୋକ୍ ଖୋ ଗୁଠିବୋନ୍ ତାଇଏ ଚିଚ୍ ଚାସ୍ ଇ ବୋକ୍ ଖୋ ଗୁଠିଦ୍ ଜାମା ଚାଚ୍ କାମ୍‌ଚକା ଗୁଠିନ୍ ମୋଖା ଚିଚାଦ୍ ଯେ ବୋନ୍ ଚିଚ୍‌ଚୁ ଘି ଚିନ୍‌କାରିନ୍ତି ନଷ୍ଟ ମା’ ମାନ୍‌ଚାଦ୍ ।

ଫିର୍ ଆରୁ ପାରମେଶ୍ୱ ରସ୍ ମାହାଁ କାମ୍‌ଚେ ଚାସ୍ ଯେନ୍ ଟା ତିନ୍ ଦିନ୍ ତୋକ୍ ରା ଚାଦ୍ । ଇଦ୍ ଏତ୍ କୋ ଜୋର୍‌ସେ ମାହା ରାଚା କା ମିସ୍ରି ଆଲାର୍ ନିଜର୍ ଏଡ଼୍‌ପାନ୍ତି ଉର୍‌ଖା ଗେ ହି ପଲ୍ଲିୟାର୍ । ଲେକିନ୍ ଏକାସାନ୍ ଇସ୍ରାଏଲ୍ ଆଲାର୍ ରାଚାର୍ ହୁସାନ୍ ଉଲ୍ଲା ରାଚାଦ୍ ।

ଇ ନୋ ବିପତ୍ତି ଘି ବାଦନୁ ଭି ଫିରୋନସ୍ ଇସ୍ରାଏଲ୍ ରିନ୍ ସୁରଖିତ୍ ନୁ କାଲାଗେ ଇନକାର୍ କାମଚେ ଚାସ୍ । ଏନ୍ଦେର୍ ଗେ କା ଫିରୋନ୍ ସ୍ ମାଲ୍ଲା ମେନୁସ୍ ବାକେନ୍ ପାରମେଶ୍ୱରସ୍ ଅଣ୍ଟା ଆନ୍ତିମ୍ ବିପଦ୍ ବୋନ୍ ତାଇୟା ଗେ ଯୋଜୋନା କାମକା ଦାସ୍ । ଇ ବୋଦ୍ ଫିରୋନସ୍ ଘି ମୋନ୍ ବୋଦ୍ ବାଦ୍‌ଲତ୍ ଚୋଦ୍ ।