25. ସୈତାନ୍ ଯୀଶୁସିନ୍ ପରିକ୍ଷା କାମିଦ୍ ।
Listen to this story Audio file · 2.9 MB
The words of this recording are below, in Kisan.
ଯୀଶୁସ୍ ଘି ବାପ୍ତିସ୍ମା ମାନ୍ନା ଘି ଜାଲ୍ଦିନ୍ସ୍ତିନ୍, ପବିତ୍ର ଆତ୍ମା ହୁସିନ୍ ଜଙ୍ଗଲନୁ ଅଚା କେରା । ଯୀଶୁସ୍ ହୁସାନ୍ ଚାଳିଶଟା ଉଲ୍ଲା ଆରୁ ଚାଳିଶଟା ମାହାଁ ରାଚା । ହୁ ସମୟନୁ ହୁସ୍ ଉପାସ୍ କମ୍ଚାସ, ଆରୁ ସୈତାନ୍ ଯୀଶୁସ୍ ଘି ଚାହାଁ ବାରି କିରି ପାପ କାମାଗେ ହୁସ୍ଘୀ ପରିକ୍ଷା କାମ୍ଚା ।
ଆଘ୍ଲି, ସୈତାନଦ୍ ଯୀଶୁସିନ୍ ତେଙ୍ଗିୟାଦ୍, “ଯଦି ନିନ୍ ପାରମେଶ୍ୱରସ୍ ଘି ହାଦୁଇ ତା ଇ ଚାଚାବୋନ୍ ଆସ୍ମା କାମାଚା ହାଲେ ନିନ୍ ମୋହାଁ ଅଙ୍ଗୟ !“
ଲେକିନ୍ ଯୀଶୁସ୍ ସୈତାନ୍ ବୋନ୍ ତେଙ୍ଗିୟାସ୍, “ପାରମେଶ୍ୱରସ୍ ଘି ବାଚନ ଇ ଲେଖାରାଇ, ଉଜ୍ନା ଘି ଲାଗାନ୍ ଆଲାର୍ଗେ ଆସ୍ମା ଘି ଦାର୍କାର୍ ମାଲା, ଲେକିନ୍ ହୁବ୍ଡ଼ାର୍ ଗେ ଜାମା ହୁ କାତ୍ଥା କାମ୍ନା ଦାର୍କାର୍ ରାଇଦ୍ ଜେନ୍ଟ ପରମେଶ୍ୱରସ୍ ହୁବ୍ଡ଼ାରିନ୍ ତେଙ୍ଗ୍ଦାସ୍ !”
ବାକେନ୍ ସୈତାନ୍ ଯୀଶୁସିନ୍ ମନ୍ଦିର୍ ଘି ଜାମାସ୍ତିନ୍ ଆଗିଇ ଗେ ଅଚାକେରା । ହୁଦ୍ ହୁସିନ୍ ତେଙ୍ଗିୟାଦ୍, “ଯଦି ନିନ୍ ପାରମେଶ୍ୱରସ୍ ଘି ହାଦୁଇତା ଇସ୍ତିନ୍ତି କିୟାଁ ଡେଗ୍ଚା, ଏନ୍ଦେର୍ ଗେ କା ଲେଖା ଆତ୍ଲିଦ୍,“ ପାରମେଶ୍ୱରସ୍ ନିଙ୍ଗାନ୍ ଟେଗାଗେ ନିଜର୍ ସ୍ୱର୍ଗଦୂତ୍ ଗୁଠିରିନ୍ ଅନୁମତି ଚସ୍ କା ନିଙ୍ଘାଏ ହେଡ଼ୁନୁ ଚାଚାନ୍ତି ଠେସ୍ ମା’ ଲାଗିଦ୍ ।“
ଲେକିନ୍ ଯୀଶୁସ୍ ହୁବୋନ୍ ମା କାମ୍ଚାସ୍ ଯେନ୍ଟା ବୋନ୍ ସୈତାନ୍ କାମାଗେ ତେଙ୍କିଚା । ଇଦ୍ଘି ଲାଗାନ୍, “ହୁସ୍ ତେଙ୍ଗିୟାସ୍,“ ପାରମେଶ୍ୱରସ୍ ଜାମାରିନ୍ ତେଙ୍ଗ୍ଦାସ୍, “ନିନ ପ୍ରଭୁ ନିଜର୍ ପାରମେଶ୍ୱରସ୍ ଘି ପରିକ୍ଷା ଆମା କାମା ।”
ଆରୁ ସୈତାନ୍ ବୋଦ୍ ହୁସ୍ ସିନ୍ ଦୁନିଆଁନ୍ତା ଜାମା ରାଜି ବୋନ୍ ଏଦିୟାଦ୍ । ହୁଦ୍ ହୁ ସିନ୍ ଏଦିୟାଦ୍ କା ହୁଦ୍ କେତ୍କୋ ଶାକ୍ତିଶାଳୀ ରାଇଦ୍, ଆରୁ ହୁଦ୍ କେତ୍କୋ ସମ୍ପନ୍ନ ରାଇଦ୍ । ହୁଦ୍ ଯୀଶୁ ସିନ୍ ତେଙ୍ଗିୟାଦ୍,“ଏନ୍ ନିଘାଁଗେ ଇବ୍ଡ଼ା ଜାମାନ୍ ଚିୟନ୍ ଯଦି ନିନ୍ ଆଣ୍ଠୁ ଟେକଏ ଆରୁ ଏଙ୍ଘାଏ ଉପାସନା କାମ୍ଏଁ ।”
ଯୀଶୁସ୍ ତେଙ୍ଗିୟାସ୍, “ହେ ସୈତାନ୍, ଏଙ୍ଘାଏ ସ୍ତିନ୍ ବୁଙ୍ଗୁକାଲ୍ । ପାରମେଶ୍ୱରସ୍ ଘି ବଚନନୁ ହୁଦ୍ ଆଲ୍ଲାରିନ୍ ଆଦେଶ୍ ଚି,“ ଖାଲି ନିଜର୍ ପ୍ରଭୁ ପାରମେଶ୍ୱରସ୍ ସିନ୍ ଆରାଧାନା କାମା । ପାରମେଶ୍ୱରସ୍ ଘି ରୂପ୍ନୁ ଖାଲି ହୁସ୍ କି ଆଦର୍ କାମା ।“
ଯୀଶୁସ୍ ସୈତାନ୍ ଘି ପରିକ୍ଷାନ୍ତି ହାର ମା ମାନ୍ଚାସ୍, ଇଦ୍ ଘି ଲାଗାନ୍ ସୈତାନ୍ ହୁସ୍ ସ୍ତିନ୍ ବୁଙ୍ଗା ଚିଚ୍ଚାଦ୍ । ବାକେନ୍ ସ୍ୱର୍ଗଦୂତ୍ ବାରିକିରି ଯୀଶୁସ୍ ଘି ସେବା କାମା ଲାଗ୍ନାର୍ ।
ମାଥିଉ ୪:୧-୧୧;ମାର୍କ ୧:୧୨-୧୩;ଲୁକ ୪:୧-୧୩ ସ୍ତିନ୍ ଅଣ୍ଟା ବାଇବେଲ ଘି କାଥ୍ ନୀ
Free to use, adapt, and share under an open license (CC BY-SA 4.0).