28. ଧାନୀ ଜୁୱାନ ଶାସକ
Listen to this story Audio file · 3.7 MB
The words of this recording are below, in Kisan.
ଉଦୁଲ୍, ଅଣ୍ଟା ଧନୀ ଜୁୱାନ୍ ଶାସକସ୍ ଯୀଶୁସ୍ ଘି ଚାହାଁ ବାର୍ ଚାସ ହୁସିନ୍ ମେନ୍ଚାସ୍, “ହେ ବାନେ ଗୁରୁ, ଆନନ୍ଦ୍ ଜୀଉ ହାକ୍ ଖାଗେ ଏଂଗାନ୍ ଏନ୍ଦେର୍ କାମ୍ନା ପାଡ଼ରୋ ?“ ଯୀଶୁସ୍ ହୁସିନ୍ ଟେଂଗିୟାସ୍, “ନିନ୍ ଏଂଗାନ୍ ବାନେ ଏନ୍ଦେର୍ ଗେ ତେଙ୍ଗଦାସ୍ ? ଖାଲି ଅଣ୍ଟା ସିନ୍ ବାନେସ୍ ଆରୁ ହୁବୋନ୍ ପାରମେଶ୍ୱରସ୍ । ଲେକିନ୍ ନିନ୍ ଆନାନ୍ଦ ଜୀଉ ହାକ୍ ଖା ବେଦ୍ଦାୟ ହାଲେ ପାରମେଶ୍ୱରସ୍ ଘି ନିୟମ୍ ବୋନ୍ ମାନ୍ନା ।“
ଏଂଗାଗେ ଏନ୍ଦେର୍ ଏନ୍ଦେର୍ ଆଜ୍ଞାଗୁଠି ମାନାଗେ ପାଡ୍ରୋ?“ ହୁସ୍ ମେଂଚାସ୍ । ଯୀଶୁସ୍ ଜବାବ୍ ଚିଚ୍ ଚାସ୍, ହତ୍ୟା ଆମ୍କେ ପିଟା । ବ୍ୟବିଚାର୍ ଆମ୍କେ କାମା । ଆମ୍କେ ହାଡ଼ା । ଆମ୍କେ ଠାକା । ନିଜର୍ ଆୟାଂଗ୍ ଆରୁ ବୁଆସ୍ ଘି ଆଦର୍ କାମୋର୍, ଆରୁ ନିଜର୍ ପଡ଼ୋଶୀ ସିନ୍ ନିଜର୍ ସାମାନ୍ ପ୍ରେମ୍ କାମୋର ।“
ଲେକିନ୍ ହୁ ଜୁୱାନ୍ ଆଲାସ୍ ତେଙ୍ଗିୟାସ୍, “ଏନ୍ ନିଜର୍ ବାଳକ୍ ପନ୍ ସ୍ତିନ୍ ନିନ୍ ଇବ୍ଡ଼ା ଜାମା ଆଜ୍ଞା ପାଳନ୍ କାମ୍ତେ ବାରାଲ୍ ଦାନ୍ । ଏଂଗାନ୍ ସବୁଦିନ୍ ଲାଗାନ୍ ଉଜ୍ଜାଗେ ଆକ୍ କୁନ୍ ଭି ଏନ୍ଦେର୍ କମାଗେ ଦାର୍ କାର?“ ଯୀଶୁସ୍ ହୁସିନ୍ ଏରିୟାସ୍ ଆରୁ ହୁସିନ୍ ପ୍ରେମ୍ କାମ୍ଚାସ୍ ।
ଯୀଶୁସ୍ ଜାବାବ୍ ଚିଚାସ୍, “ଯଦି ନିନ୍ ଶୁଦ୍ଧ୍ ମାନା ବେଦ୍ ଦାୟ ହାଲେ କାଇକିରି ନିଜର୍ ସାଫାବୋନ୍ ବିଶାଁଚା ଆରୁ ହୁବ୍ଡ଼ା ଧାନ୍ ନୁନ୍ ଗରିବ୍ ରଗେ ହାଟ୍ଟାଚା, ଆରୁ ନିଂଗାଗେ ସରଗ୍ନୁ ଧାନ୍ନୁ ହାଖ୍ରୋ । ବାକେନ୍ ବାରିକିରି ଏଂଘାୟ୍ ପାଛ୍ଲି ମାନ୍ନା ।“
ଯେନ୍ଟା ବୋନ୍ ଯୀଶୁସ୍ ତେଂଗିୟାସ୍ ଯେତେ ବାକେନ୍ ହୁ ଜୁୱାନ୍ ଆଲାସ୍ ମେନ୍ଚାସ୍ ତା ହୁସ୍ ମୁରୁଖ୍ ଉଦାସ୍ ମାନ୍ଚାସ୍ କେରାସ୍, ଏନ୍ଦେର୍ ଗେ କା ହୁସ୍ ମୁରୁକ୍ ଧାନୀ ରାଚାସ୍ ଆରୁ ହୁସ୍ ନିଜର୍ ସାଫ ଧାନୁନ୍ ବୋନ୍ ଚିୟା ମା’ ବେଦ୍ଦାଲାଗାସ୍ । ହୁସ୍ କିରିକିରି ଯୀଶୁସ୍ ଘି ଚାହାନ୍ତି ବୁଂଗେ ଚିଚ୍ ଚାସ୍ ।
ବାକେନ୍ ଯୀଶୁସ୍ ଚେଲାରିନ୍ ତେଂଗିୟାସ୍, “ପାରମେଶ୍ୱରସ୍ ଘି ରାଜିନୁ ଧାନି ଆଲାର୍ ଘି କର୍ନା ମୁରୁଖ୍ କଠିନ୍ ରାଇତ୍ ! ହଁ ଅଣ୍ଟା ଧାନୀ ଆଲାସ୍ ପାରମେଶ୍ୱରସ୍ ଘି ରାଜିନୁ କରାଗେ ତୁଲନାନୁ ଅଣ୍ଟା ଉଟ୍ ଘି ସୁଇନ୍ ନ୍ତା ମୁହିଁନ୍ତି ମାନିକିରି ଉର୍ଖନା ସହୋଜ୍ ଆତ୍ଲି ।“
ୟେନ୍ଟାବୋନ୍ ଯୀଶୁସ୍ ତେଂଗିୟାସ୍ ବାକେନ୍ ଚେଲାର୍ ମେନ୍ଚାର୍ ବାକେନ୍ ହୁବ୍ଡ଼ା ଚାକ୍ରାରା କେର୍କାଚାର । ହୁବ୍ଡ଼ା ତେଂଗିୟାର୍, “ଯଦି ଇବ୍ଡ଼ାଦ୍ ଏନ୍ନେଦ୍ ହାଲେତା ପାରମେଶ୍ୱରସ୍ ନେକାନ୍ ବାଚାବସ୍ ?“
ଯୀଶୁସ୍ ଚେଲାରିନ୍ ଏରିୟାସ୍ ଆରୁ ତେଂଗିୟାସ୍,“ ଆଲାର୍ଗେ ନିଜର୍ ଉଦ୍ଧାର୍ କାମ୍ନା ଅସମ୍ଭବ ରାଇଦ୍ । ଲେକିନ୍ ପାରମେଶ୍ୱରସ୍ ଘି ଲାଗାନ୍ ଏନ୍ଦେର୍ ଭି ଅସମ୍ଭବ ମାଲ୍ଲିଦ୍ ।“
ପାତ୍ରାସ୍ ଯୀଶୁସ୍ ସିନ୍ ତେଂଗେୟାସ୍ ,“ ଏମ୍ ଚେଲା ନିଜର୍ ଜାମାବୋନ୍ ଆମ୍ବିକିରି ନିଂଘାୟ୍ ପାଛ୍ଲି ମାନ୍ଚାକା ଦାମ୍ । ତା ଏମାଁୟ ପ୍ରତିଫଲ୍ ଏନ୍ଦେର୍ ମାନୋଦ୍ ?“
ଯୀଶୁସ୍ ଜବାବ୍ ଚିଚ୍ ଚାସ୍ ,“ଜାମା ଅଣ୍ଟା ଆଲ୍ ନେର୍ ଏଂଘାୟ ଲାଗାନ୍ ଏଡ଼୍ପା ଭାଇ, ବୁହୁଣୀ, ଆୟାଙ୍ଗ୍, ବୁଆଁ, ହାଦ୍ଦୁ, ୟା ଧାନ୍ନୁ ବୋନ୍ ଆମ୍ବକାନାର୍, ହୁସ୍ ହୁବ୍ଡ଼ାନ୍ ଶହେ ଗୁଣ୍ ବାଗ୍ଗେ ହାଖ୍ ଖୋସ୍ ଆରୁ ଆନାନ୍ତ ଜୀଉ ବୋନ୍ ହାକ୍ଖୋସ୍ । ଲେକିନ୍ ଅନ୍ ଜୁକର୍ ଆଘଲି ରାନାର୍ ହୁବ୍ଡ଼ାର୍ ପାଛ୍ଲି ମାନୋର୍, ଆରୁ ଆନ୍ ଜୁକ୍ କୁର୍ ପାଛ୍ଲି ରାନାର୍ ହୁବ୍ଡ଼ା ଆଘ୍ଲି ମାନୋର୍ ।“
मत्ती अध्याय 19:16-30; मरकुस 10:17-31; लूका 18:18-30 से एक बाइबल की कहानी
Free to use, adapt, and share under an open license (CC BY-SA 4.0).