32. ଯୀଶୁସ୍ ଖରାପ୍ ଆତ୍ମାନ୍ତି, ପିଡିତ୍ ଆଲାସିନ୍ ଆରୁ ଅଣ୍ଟା ବେମାର୍ ଆଲ୍ଲିବନ୍ ଚାଙ୍ଗା କାମ୍ଦାସ୍ ।
Listen to this story Audio file · 6.8 MB
The words of this recording are below, in Kisan.
ଯୀଶୁ ଆରୁ ଦୁସ୍ଘି ଚେଲାର୍ ନିଜର୍ ଡଙ୍ଗାନୁ ହୁ ଆଡ୍ଡ଼ା କେରାର୍ ଏକାସନ୍ ଗିରାସେନି ଆଲ୍ଲାର୍ ରାଲ୍ଗାର୍ । ହୁବ୍ଡାର୍ ହୁ ଆଡ୍ଡ଼ା ଆଣ୍ସିକିରି ଡଙ୍ଗାନ୍ତି ଏତୟାର୍ କେରାର୍ ।
ହୁସାନ୍ ଅର୍ତୁ ଆଲ୍ ରାଚାସ୍ ନେର୍ ଦୁଷ୍ଟାତ୍ମାନ୍ତି ପିଡ଼ିତ୍ ରାଚାସ୍ ।
ଇ ଆଲ୍ଲାସ୍ ଏତ୍କୋ ତାକୋତ୍ ରାଚାକା ନେର୍ ଭି ହୁସିନ୍ କାବୁନ୍ କାମ୍ ପଲ୍ଲାର୍ଗାର୍ । ଇୟଁଥର୍ ଆଲ୍ଲାର୍ ହୁସ୍ଘି ହେକ୍ଖା ଆରୁ ହେଡ଼ୁବୋନ୍ ସିକ୍ଡିନ୍ତି ହିଜ୍କାଚାର୍, ଲେକିନ୍ହୁସ୍ ହୁବନ୍ ଖିଣ୍ତା ଚାଲ୍ଗାସ୍ ।
ହୁ ଆଲ୍ଲାସ୍ ହୁ ଆଡ୍ଡ଼ାନ୍ତା ମାସ୍ଣାନୁ ରାଲ୍ଗାସ୍ ଇ ଆଲ୍ଲାସ୍ ପୁରା ଉଲ୍ଲା ଆରୁ ପୁରା ମାହାଁ ଚିର୍ରା ରାଲ୍ଗାସ୍ । ହୁସ୍ ଚିଢ଼ା ମା ଆଢ୍ତାଲ୍ଗାସ୍ ଆରୁ ଏକାଏକା ବାକେନ୍ ନିଜର୍ବନ୍ ଚାଚାନ୍ତି ଖାଦି କାମାଲ୍ଗାସ୍ ।
ହୁ ଆଲ୍ଲାସ୍ କୁଦିୟାରିକିରି ଯୀଶୁସ୍ ଘି ଚାହାଁ ବାର୍ଚାସ୍ ଆରୁ ହୁସ୍ଘି ଆଘ୍ଲି ଆଣ୍ଠୁ ଆରାସ୍ । ବାକେନ୍ ଯୀଶୁସ୍ ହୁ ଆଲ୍ଲାସ୍ ଘି ଉଲ୍ତା ଦୁଷ୍ଟାତ୍ମା ଗାନେ କାତ୍ଥା କାମଚାସ୍ ଆରୁ ତେଙ୍ଗିୟାସ୍,“ ଇ ଆଲ୍ଲାସ୍ଥି ବାହାରି ଉର୍ଖୁବାର୍ ।”
ହୁ ଦୁଷ୍ଟାତ୍ମା ଯୋର୍ସେ ଚିର୍ରାରାଚାଦ୍,“ ହେ ଯୀଶୁ,ପରମ ପ୍ରଧାନ୍ ପର୍ମେଶ୍ୱରସ୍ ଘି ହାଦ୍ଦୁ, ନିଙ୍ଗାଏ ଏଙ୍ଗାସ୍ଥି ଏନ୍ଦେର୍ ନାଲ୍ଖୁ ? ଦୟାକାମିକିରି ଏଙ୍ଗାନ୍ ଆମା ସାତାବା !” ବାକେନ୍ ଯୀଶୁସ୍ ହୁ ଦୁଷ୍ଟାତ୍ମା ବୋନ୍ ମେନ୍ଚାସ୍,” ନିଙ୍ଗାଏ ନାମେ ଏନ୍ଦେର୍ ?” ହୁଦ୍ ତେଙ୍ଗିଆଦ୍ “ଏଙ୍ଗାଏ ନାମେ ସେନା, ଇନ୍ଦେର୍ ଗେକା ଏମ୍ ଅନ୍ଜୁକୁ ଆତ୍ଲ୍ଦାମ୍ ।” ( ରୋମ୍ ସେନାନୁ ଇୟୋଁ ହଜାର୍ ସେନାର୍ ଘି ଅନ୍ଟା ଗୁଠି ଅନ୍ଟା “ସେନା“ ରାଲ୍ଗା ।)
ଡୁବ୍ଡ଼ା ଖରାପ୍ ଆତ୍ମାଗୁଠି ଯୀଶୁ ସିନ୍ ବିନ୍ତି କାମ୍ଚାଦ୍, “ଦାୟା କାମିକିରି ଏମାରିନ୍ ଇ ଆଡ୍ଡ଼ାନ୍ନ୍ତି ବାହାରି ଆମା ତାଇୟା !“ ହୁ ଚାହାନ୍ତା ପାର୍ତ୍ତାନୁ କୀସ୍ସୁ ଘି ଗୁଠି ମେନ୍ନାଲ୍ ଗା । ଇଦ୍ ଘି ଲାଗାନ୍ ହୁ ଖରାପ୍ ଆତ୍ମା ଗୁଠିଦ୍ ଯୀଶୁସିନ୍ ବିନ୍ତି କାମ୍ଚାଦ୍ କା, “ଦାୟାକାମିକିରି ଏମାରିନ୍ ହୁ କିସ୍ସୁନୁ ତାଇୟା ଚା !”ଯୀଶୁସ୍ ତେଙ୍ଗିୟାସ୍, “ଠିକ୍ ରାଇଦ୍, ହୁବ୍ଡାନୁନ୍ ବୁଙ୍ଗା କାଲା !“
ବାକେନ୍: ହୁବ୍ଡା ଖରାପ୍ ଆତ୍ମାଦ୍ ହୁ ଆଲ୍ଲାସ୍ ସ୍ତିନ୍ ଉର୍ଖି କିରି ହୁ କିସ୍ସୁନୁ କର୍ଚାକେରା । ହୁବ୍ଡ଼ା କିସ୍ସୁ କୁଦିୟାରା କିରି ଅନ୍ଟା ଇଜ୍କା ପାର୍ତ୍ତାନ୍ନ୍ତି ଜଡୁନୁ କୁଦ୍ୟାରାଚାଦ୍ ଆରୁ ମୁଲ୍ଲିଁହା କେଚାଦ୍ । ହୁ ଗୁଠି ଲଗ୍ଭଗ୍ ୨,୦୦୦ କିସ୍ସୁ ରାଚାର୍ ।
ହୁସାନ୍ ହୁ କିସ୍ସୁ ଘି ଏରା ହୋଜ୍ଜଗେ ଆଲ୍ ରାଚାର୍ । ବାକେନ୍ ଏନ୍ଦ୍ରିନ୍ଭି ମାନ୍ଚ୍କିଚା ହୁବ୍ଡାର୍ ଏରିୟାର୍ ବାକେନ୍ ହୁବ୍ଡାର୍ ପାଡ଼ାନୁ ବୁଙ୍ଗାର୍ଚିଚାର୍ । ଯୀଶୁସ୍ ଯାହା କାମ୍ଚ୍କାଚାସ୍ ହୁସାନ୍ ହୁବ୍ଡାର୍ ଜାମା ବୋନ୍ ତେଙ୍ଗିୟାର୍ । ହୁ ପାଡ଼ାନ୍ତା ଆଲାର୍ ଉର୍ଖିୟାର୍ ବାର୍ଚାର୍ ଆରୁ ହୁ ଆଲାସିନ୍ ଏରିୟାର୍ ନେଖାନୁ ଖରାପ୍ ଆତ୍ମା ରାଚା । ହୁସ୍ ଶାନ୍ତିନୁ, ଚିଢା ଆତିକିରି, ଆରୁ ଅନ୍ଟା ସାଧାରଣ ଆଲ୍ଘି ଲେଖା ବ୍ୟବହାର୍ କାମିକିରି ଅକାଚାସ୍ ।
ହୁବ୍ଢା ଆଲାର୍ ମୁରୁକ୍ ଏଲ୍ଚିୟାର୍ କେର୍କାର୍ଚାର୍ ଆରୁ ହୁବ୍ଡା ଯୀଶୁସିନ୍ କାଲାଗେ ତେଙ୍ଗିୟାର୍ । ଲେକିନ୍ ଯୀଶୁସ୍ ଡଙ୍ଗାନୁ ଆର୍ଗିୟାସ୍ । ହୁ ଆଲାସ୍ ଘିନୁ ଯେନ୍ ଖରାପ୍ ଆତ୍ମା ରାଚା ହୁଦ୍ ଯୀଶୁସ୍ ଗାନେ କଲାଗେ ବିନ୍ତି କାମ୍ଚାଦ୍ ।
ଲେକିନ୍ ଯୀଶୁସ୍ ହୁ ସିନ୍ ତେଙ୍ଗିୟାସ୍ ,“ମାଲ୍ଲା । ଏନ୍ ଚାହାଲ୍ଦାନ୍ କା ନିନ୍ ଏଡ୍ପା କାଇକିରି ଜାମାରିନ୍ ତେଙ୍ଗା କା ପାର୍ମେଶ୍ୱରସ୍ ନିଘା ଲାଗାନ୍ ଏନ୍ଦେର୍ କାମ୍ଚକାଦାସ୍ । ହୁବ୍ରିନ୍ ତେଙ୍ଗା କା ଏସ୍କେ ପାର୍ମେଶ୍ୱରସ୍ ନିଙ୍ଗାନ୍ ଦାୟା କାମ୍ଚକାଚାସ୍ ।”
ଇଦ୍ଘି ଲାଗାନ୍ ହୁ ଆଲାସ୍ ବୁଙ୍ଗାସ୍ ଆରୁ ଜାମାରିନ୍ ଇବାରେନୁ ବାତାବାଚାସ୍ ଜେନ୍ଟା ଯୀଶୁସ୍ ହୁସ୍ ଘି ଲାଗାନ୍ ଏନ୍ଦେର୍ କାମ୍ଚାକାଚାସ୍ । ହୁସ୍ ଘି କାଥ୍ନି ବନ୍ ମେନ୍ନାବାଲାର୍ ଜାମା ଅନ୍ଟା ଆଲାର୍ ଚାକ୍ରାରାର୍କେରାର୍ ।
ଯୀଶୁସ୍ ଜଡୁଘି ଦୁସରା ତାରା କିର୍ୟାସ୍ ବାର୍ଚାସ୍ । ହୁସ୍ ଘି ହୁସାନ୍ ଆଣସ୍ନାଘିପାଛଲି, ଅନ୍ଟା ବାଡ଼କା ଗୁଠି ହୁସ୍ଘି ଆଖେ ପାଖେ ଜାମା ମାନ୍ଚାର୍ ଆରୁ ହୁସିନ୍ ଆର୍ବା ଲାଗିୟାଦ୍ । ହୁ ଗୁଠି ନୁ ଅନ୍ଟାମୁକ୍କା ରାଚାଦ୍ ଯେନ୍ଟା ବୋଦ୍ ବାର ବଛର୍ସ୍ତିନ୍ ହେସୁଁ ବାହାନାଘି ସମସ୍ୟାନ୍ତି ତାକ୍ଲିପ୍ ରାଚାଦ୍ । ହୁଦ୍ ନିଜର୍ ଜାମା ଧାନ୍ନୁନ୍ ଗୁଠିନ୍ ଗୁନିୟାର୍ଗେ ଚିଚା ଲାକ୍କିଚା ହୁଦ୍ଘି ଲାଗାନ୍ ହୁବ୍ଡାର୍ ହୁବନ୍ ଠିକ୍ କାମାଗେ ଅଙ୍ଗର୍, ଲେକିନ୍ ହୁଦ୍ଘି ବେମାର୍ ଆରୁ ଭି ବାଢର୍ତେ କେରାଦ୍ ।
ହୁଦ୍ ମେନ୍ଚିକିଚା କା ଯୀଶୁସ୍ ହାର୍ ପ୍ରାକାର୍ ବେମାର୍ ଆଲାରିନ୍ ବାନେ କାମଚ୍କାଚାସ୍ ଆରୁ ହୁଦ୍ ସୋଚାଦ୍, “ଏନ୍ ସଥେସ୍ତିନ୍ ହିଁ ଯୀଶୁସ୍ ଘି ଚିଢବୋନ୍ଏସ୍ରନ୍ ତା ଏନ୍ ଭି ବାନେ ମାନନ୍କୋନ୍ !” ଇଦ୍ଘି ଲାଗାନ୍ ହୁଦ୍ ଯୀଶୁସ୍ ଘି ପାଛ୍ଲତିନ୍ ବାର୍ଚାଦ୍ ଆରୁ ହୁସ୍ଘି ଚିଢାବୋନ୍ ଏସରିୟାଦ୍ । ଏସ୍କେ ହୁଦ୍ ହୁସିନ୍ ଏସ୍ରିୟାଦ୍ ,ହେସୁଁ ବାହାନା ବନ୍ଦ୍ ମାନ୍ଚାକେରା ।
ଜାଳ୍ଦି ହି , ଯୀଶୁସ୍ ଆଖାସ୍ଚିଚାସ୍ କା ହୁସ୍ତିନ୍ ଶାକ୍ତି ଉର୍ଖିୟା । ଉଦ୍ଗି ଲାଗାନ୍ ହୁସ୍ ପାଛ୍ଲି କିରିକିରି ମେନ୍ଚାସ୍ , “ଏଙ୍ଗାନ୍ ନେର୍ ଏସ୍ରାର୍ ?” ଚେଲାର୍ ତେଙ୍ଗୟାର୍,“ ଇସାନ୍ ଏତ୍କୋ ଅନ୍ ଜୁକ୍କୁ ଆଲ୍ଲାର୍ ନିଙ୍ଘାଏ ଚାର୍ହି ତାରାନ୍ ଗୁଠି ଲାକ୍କିଚି ,ଆରୁ ନିଙ୍ଘାନ୍ତୁକାଲ୍ନାର୍ । ତା ନିନ୍ ଏନ୍ଦେର୍ ଗେ ମେନ୍ଚକାୟକା ଏଙ୍ଘାନ୍ ନେର୍ ଏସ୍ରାର୍ ?”
ହୁ ଆଲିଦ୍ ଯୀଶୁସ୍ ଘି ଚାହାଁ ଥାର୍ଥାର୍ତେ ଆରୁ ମୁରୁକ୍ ଏଲ୍ଚ୍ତେ ନିଜର୍ ହାଠୁଆରାଦ୍ ଅକ୍ୟାଦ୍ କେରାଦ୍ ବାକେନ୍ ହୁଦ୍ ହୁସିନ୍ ତେଙ୍ଗିୟାଦ୍ କା ହୁଦ୍ ଏନ୍ଦେର୍ କାମ୍ଚିକିଚି, ଆରୁ ଇବୋନ୍ ଭି କା ହୁଦ୍ ବାନେ ମାନ୍ଚାଦ୍ କେର୍କିଚି , ଯୀଶୁସ୍ ହୁଦିନ୍ ତେଙ୍ଗିୟାସ୍, “ନିଙ୍ଘାୟ୍ ବିଶ୍ୱାସ୍ ନିଙ୍ଘାନ୍ ଚାଙ୍ଗା କାମ୍ଚାଦ୍ ! ଶାନ୍ତି ସେ କାଲ୍ ।”
मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 से एक बाइबल की कहानी
Free to use, adapt, and share under an open license (CC BY-SA 4.0).