34. ଯୀଶୁସ୍ ଦୁସ୍‌ରା କାହାନୀ ଗୁଠିର୍ ଘି ଶିକ୍ଷା ଚିଇୟାଲା ଦାସ୍

ଯୀଶୁସ୍ ପାରମେଶ୍ୱରସ୍ ଘି ରାଜି ଘି ବାରେନୁ ଦୁସ୍‌ରା ଜୁକୁନନ୍ତି କାହାନୀ ମେନ୍ତାଚାସ୍ । ଉଦାହରଣ ଘି ଲାଗାନ୍, ହୁସ୍ ତେଙ୍ଗିୟାସ୍,“ ପାରମେଶ୍ୱରସ୍ ଘି ରାଜି ଅଣ୍ଟା ମାନି ଘି ମାଞ୍ଜି ଘି ସାମାନ୍ ରାଇଦ୍ ଇବନ୍ ନେଦିନ୍ ନିଜର୍ ହାଲ୍ଲୁନୁ ଚାହିଁୟାର୍ ଚିଚାର୍ । ନିମ୍ ଆହାଲଦାର୍ କା ମାନି ଘି ମାଞ୍ଜି ଜାମା ମାଞ୍ଜିନ୍‌ନ୍ତି ଜାମାସ୍ତିନ୍ ଛୋଟେ ରାଇଦ୍ ।

“ଲେକିନ୍ ମାନି ଘି ମାଞ୍ଜି ପାର୍‌ଦି କାଇଦ୍ ତା ହୁ ବାଟ୍‌କି ଘି ଜାମା ମାନୁସ୍ତିନ୍ ବାଡ଼କା ମାନି କାଇଦ୍, ଏତ୍‌କୋ ବଡ଼୍‌କା ଅଡ଼ା ବାରିକିରି ହୁଦ୍‌ଘି ଡ଼ାତାନୁ ଆରାମ୍ କମ୍‌ନାର ।”

ଯୀଶୁସ୍ ଅଣ୍ଟା ଦୁସ୍‌ରା କାଥ୍‌ନୀ ତେଙ୍ଗିୟାସ୍,“ ପାରମେଶ୍ୱରସ୍ ଘି ରାଜି ଖାମିର ଘି ସାମାନ୍ ରାଇଦ୍ ହୁବୋନ୍ ଆକିରି ଅଣ୍ଟା ଅଟାଘି ଲାଡ଼ୁନୁ ମିଲାବିଚିଦ୍ ବାକେନ୍ ହୁଦ୍ ଜାମା ଲାଡ଼ୁ ନୁ ମିଶ୍‌ରା କାଇଦ ।”

ସ୍ୱରଗ ଘି ରାଜି ହୁ ଧାନୁ ଘି ସାମାନ୍ ରାଇଦ୍ ହୁବନ୍ ନେରିନ୍ ହାଲ୍ଲୁନୁ ନୁଡ଼ନାର୍ ଚିନାର୍ । ଦୁସ୍‌ରା ଆଲାର୍ ଗେ ହୁଧାନୁ ହାକ୍‌ଖର କେରାର୍ । ଆରୁ ହୁସ୍ ହୁବାନ୍ ହାଖାଗେ ମୁରୁଖ୍ ଚାହାଲାସ୍ । ଇଦ୍ ଘି ଲାଗାନ୍ ହୁସ୍ ହୁବୋନ୍ ଆରୁହିଁ ସ୍ତିନ୍ ମାଡ଼େଇ ଚାସ୍ । ହୁସ୍ ଏତ୍‌କୋ ଖୁସିନ୍ ନିନ୍ଦର୍ କାଦାସ୍ କା ହୁସ୍ କାଇକିରି ନିଜର୍ ଜାମା କିଛି ବୋନ୍ ବିଶ୍‌ଦା ଚିଦାସ୍ ବାକେନ୍ ହୁସ୍ ହୁ ହାଲ୍ଲୁବୋନ୍ ହେଦାଗେ ଅଙ୍ଗସ୍ ଏକାସନ୍ ହୁ ଖାଜାନା ରାଇଦ୍ ।”

“ସ୍ୱରଗ ଘି ରାଜି ଅଣ୍ଟା ଜୁକୁ କିମ୍‌ତି ଶୁଧ୍ ମୋତୀ ଘି ସାମାନ ଭି ରାଇଦ୍ । ଯେବାକେନ୍ ନେଦିନ୍ ମୋତୀ ଗୁଠିବୋନ୍ ବେପାରୀର୍ ହୁବନ୍ ହଖ୍‌ନାର୍ କାନାର୍ ତା ହୁସ୍ ହୁବନ୍ ହେନ୍ଦାଗେ ନିଜର୍ ଜାମା ବୋନ୍ ବିଶ୍‌ଦାସ୍ ଚିଦାସ୍ ।”

ହୁସାନ୍ କିଛି ଆଲାର୍ ରାଚାର୍ ନଦ୍ ସୋଚାଲାର୍ କା ପାରମେଶ୍ୱରସ୍ ହୁବ୍‌ଡ଼ାରିନ୍ ଇଦ୍‌ଘି ଲାଗାନ୍ ଗ୍ରହଣ୍ କାମୋସ୍ ଏନ୍ଦେର୍ ଗେକା ହୁସ୍ ବାନେ ନାଲ୍‌ଖୁଗୁଠିକାମାନାର୍ । ଇବ୍ଡ଼ା ଆଲାର୍ ଏନେ ଆଲାରିନ୍ ତୁଛ୍ ମାନ୍‌ନାଲାର୍ ଯେନ୍ ହୁ ବାନେ ନାଲ୍‌ଖୁବନ୍ ମ’ କା ମାଲାର୍ । ଇଦ୍‌ଘି ଲାଗାନ୍ ଯୀଶୁସ୍ ହୁବ୍‌ଡ଼ାରିନ୍ ଇ କାଥନୀ ବୋନ୍ ତେଙ୍ଗିୟାସ୍ : “ ଜୋଡ଼େ ଆଲ୍ ରାଚାର୍ ଆରୁ ଦି ଲୋକ୍‌ରିନ୍ ବିନ୍ତି କାମଗେ ମନ୍ଦିର୍‌ଗେ କେରାର୍ । ହୁସ୍‌ସ୍ତିନ୍ ଅଣ୍ଟାସ୍ ମାଲ୍‌ଗୁଜାରୀ ହୁ ବାଲା ରାଚାସ୍, ଆରୁ ଦୁସ୍‌ରାସ୍ ଅଣ୍ଟା ଧରମୀ ଆଗୁଆସ୍ ରାଚାସ୍ ।”

ହୁ ଧରର୍ମୀକ୍ ଆଗୁୱାସ୍ ଏନ୍ନେଏ ଲେଖାନୁ ବିନ୍ତି କାମ୍‌ଚାସ୍, “ ହେ ପାରମେଶ୍ୱର୍, ନିଙ୍ଗାଏ ଧନ୍ୟବାଦ୍ ମାନୁ କା ଏନ୍ ଦୁସ୍‌ରା ଆଲାର୍ ଘି ସାମାନ୍ – ଯସ୍‌କେ କା ଡାକୁ, ଅନ୍ୟାଇ ଆଲ୍, ରାଣ୍ଡି ବାଦ୍‌ଇସାନ୍ ଏତ୍‌ତକ୍ କ ଇସାନ୍ ରାନାବାଲାର୍ ହୁ ମାଲ୍ ଗୁଜାରି ହନାସ୍‌କି ଲେଖା ଅଣ୍ଟା ପାପୀ ମାଲ୍ ଦାନ୍ ।”

“ଉଦାହରଣ୍ ଘି ଲାଗାନ୍, ଏନ୍ ଜାମା ହାଟେନୁ ଦୁଇ ଥର ଉପାସ୍ ଉଇଦାନ୍, ଆରୁ ଏନ୍ ଏଙ୍ଘାଗେ ହାଖ୍‌ରାନା ବାଲା ଧାନୁ ଆରୁ ସାମାନ ଘି ଦଶମାଂସ୍ ଭାଗ୍‌ବୋନ୍ ନିଙ୍ଘାଗେ ଚିଦାନ୍ ।”

“ଲେକିନ୍ ହୁ ମାଲ୍‌ଗୁଜାରି ହୁ ବାଲାସ୍ ହୁସ୍ ଧରର୍ମୀ ଆଗୁସ୍ତିନ୍ ଡେରଗେଛା ନୁ ଇଜ୍‌କାଚାସ୍ । ହୁସ୍‌ ମିଆଁ ସରଗ୍ ତାରା ହାନ୍‌ନୁ ହି ମା’ ଉଠାବାଚାସ୍ । ଇଦ୍‌ଘି ଲାଗାନ୍, ହୁସ୍ ନିଜର୍ ମୁଠିନ୍‌ସ୍ତିନ୍ ନିଜର୍ ଏହୁବୋନ୍ ଡେମ୍‌ଚାସ୍ ଆରୁ ବିନ୍ତି ନାଚାସ୍,“ ହେ ପାରମେଶ୍ୱର, ଦାୟା କାମିକିରି ଏଙ୍ଘାଏ ମିଆଁ ଦାୟା କାମ୍ ଏନ୍ଦେର୍ ଗେକା ଏନ୍ ଅଣ୍ଟା ପାପୀନ୍ ।”

ଫିର୍ ଯୀଶୁସ୍ ତେଙ୍ଗିୟାସ୍,“ ଏନ୍ ନିମାରିନ୍ ସାଥେନ୍ ତେଙ୍ଗାଲ୍‌ଦାନ୍, ପାରମେଶ୍ୱରସ୍ ହୁ ମାଲ୍‌ଗୁଜାରୀ ହୁ ଆଲାସ୍‌କି ବିନ୍ତିବୋନ୍ ମେଞ୍ଚାସ୍ ଆରୁ ହୁସିନ୍ ଧାରର୍ମୀସ୍ ବୋଲିକିରି ଡିବ୍‌ଡ଼ିବି ଚିଚେସ୍ ଲେକିନ୍ ହୁସ୍ ଧାରର୍ମୀକ୍ ଆଗୁଆସ୍ କୀ ବିନ୍ତିବୋନ୍ ପସନ୍ଦ ମା’ ନାଞ୍ଚା ପାରମେଶ୍ୱରସ୍ ହାର୍ ଅଣ୍ଟା ଲେଖା ଘି ଘାମାଣ୍ଡିର୍ ଘି କୁକ୍‌କୁବୋନ୍ କିଆଁ କାମସ୍, ଲେକିନ ହୁସ୍ ଜାମା ହୁବ୍ଡ଼ା ଆଲାରିନ୍ ଇଜତ୍ ଚିୟସ୍ ନେର୍ ଖୁଦ୍ ବନ୍ ନମ୍ର କାମ୍‌ନାର୍ ।”