43. କାଳିସିୟା ଘି ସୁରୁ
Listen to this story Audio file · 5.1 MB
The words of this recording are below, in Kisan.
ଯୀଶୁସ୍ ସ୍ୱରଗ୍ ଗେ କିରିୟାସ୍ ଘି ପାଛ୍ଲି, ଚେଲାର୍ ଯେରୁଶାଲମ୍ ନୁ କେରାର୍ ଯେସ୍କେ ଯୀଶୁସ୍ ହୁବ୍ଡ଼ାରିନ୍ କାମାଗେ ହୁକୁମ୍ ଚିଚ୍କାଚାସ୍ । ହିଆନ୍ନ୍ତାର୍ ବିଶ୍ୱାସୀ ଆଲାର୍ ଲାଗାତାର୍ ରୋଜ୍ ଅଣ୍ଟା ସାଙ୍ଗେନ୍ ପ୍ରାର୍ଥନା କାମାଗେ ଅନ୍ଠାଶ୍ ମାନାକିରି କାମାଲାର୍ ।
ସବୁ ବୋଛ୍ର, ଫସହ ଘି ପରବ ଘୀ ୫୦ ଉଲ୍ଲାଘି ପାଛ୍ଲି ଗେ , ଯହୁଦୀ ଆଲାର୍ ପିନ୍ଡେ କୁସତ୍ ନାମେ ଘି ଅଣ୍ଟା ମହୋତ୍ୱ ପୂର୍ଣ ଉଲ୍ଲା ବୋନ୍ ମାନାଲାର୍ । ପିନ୍ତେକୁସତ୍ ହୁ ସମୟ ରାଚାଦ୍ ଯେବାକେନ୍ ଇଦ୍ ଘି ଆଲାର୍ ଗହମ୍ ମୁର୍କା ନା ବୋନ୍ ମାନାଲାର୍ । ଜାମା ଦୁନିଆଁସ୍ତିନ୍ ଇହୁଦୀ ଆଲାର୍ ପିନ୍ତେକୁସତ୍ ଘି ଉଲ୍ଲାବନ୍ ଅଣ୍ଟା ସାଙ୍ଗେ ମାନା ବାଗେ ୟେରୁଶାଲମ୍ ଗେ ବରା ଲାର । ଇ ପେଛର୍ , ପିନ୍ତେ କୁସତ୍ ମାନା ବାନା ଘି ସମୟ ଯୀଶୁସ୍ ଘି ସ୍ୱରଗ ଗେ ବୁଙ୍ଗାନ୍ ଘି ଲାଗ୍ ଅଣ୍ଟା ହାଟେ ଘି ପାଛ୍ଲି ବାର୍ଚାଦ୍ ।
ଜେନ୍ ସମୟ ଜାମା ବିଶ୍ୱାସୀ ଆଲାର୍ ଅଣ୍ଟା ସଙ୍ଗେ ଅଠାଣସାନ୍ ରାଚାର୍, ଜେନ୍ ଏଡ଼ପାନୁ ହୁବ୍ଡ଼ାର୍ ରାଚାର୍ ଆହନା ସାରେନ୍ ସ୍ତିନ୍ ହୁଦ୍ ହୋର୍ ଧୁକା ଘି ଆୱାଜ୍ ତିନ୍ ନିନ୍ଦାରା କେରାଦ୍ । ବାକନ୍ ଚିଚୁ ଘି ଲେଖା ଏର୍ନା ଲେଖା କିଛି ଜାମା ବିଶ୍ୱାସୀର୍ ଘି କୁକ୍କୁ ଘି ମିଆଁ ପ୍ରଗଟ୍ ମାଞ୍ଚାଦ୍ । ହୁବ୍ଡ଼ା ଜାମାର୍ ପବିତ୍ର ଆତ୍ମା ସ୍ତିନ୍ ନିନ୍ଦ୍ରାର୍ କେରାର୍ ଆରୁ ହୁବ୍ଡ଼ାର୍ ଦୁସ୍ରା କାତ୍ଥା ଗୁଠିନୁ ନେକିନ୍ ତେଙ୍ଗନା ଗେଲାଗାନ୍ ହୁବ୍ଡ଼ାର୍ଗେ ପବିତ୍ର ଆତ୍ମାଦ୍ ଲାଏକ୍ ବାନା ବାଚାସ୍ ।
ଯେତେବାକେନ୍ ୟେରୁଶାଲେମ୍ନୁ ରାନା ବାଲା ଆଲାର୍ ହୁ ଚିର୍ରାରାନା ବୋନ୍ ମେଞ୍ଚାର୍, ତା ହୁବ୍ଡ଼ାର୍ ଭୀଡ଼୍ ବୋନ୍ ଏରାଗେ ଲାଗାନ୍ ଗେ ଅଣ୍ଟା ସାଙ୍ଗେନୁ ବାର୍ଚାର୍ କା ଏନ୍ଦେର୍ ମାନାଲାଦ୍ । ହୁବ୍ଡ଼ାର୍ ବିଶ୍ୱାସିର ପାରମେଶ୍ୱରସ୍ ତାରିତି କାମ୍ଚ୍କା ବାଡ଼୍କା – ବାଡ଼କା ନାଲ୍ଖୁ ଘି ଡିକ୍ଲା କାମ୍ନା ପେଞ୍ଚାର । ହୁବ୍ଡ଼ାର୍ ଚକ୍ରାର୍ କେର୍ କା ଚାର୍ ଏନ୍ଦେର୍ ଗେ କା ନାଲ୍ଖୁ ଗୁଠିଦ୍ ନିଜର୍ ହିଁ ଭାଷା ଗୁଠିନୁ ମେନା ଲାର୍ ।
ଇନ୍ନିନ୍ତିର୍ କିଛି ଆଲାର୍ ତେଙ୍ଗିୟାର୍ କା ହୁବ୍ଡ଼ାର୍ ଚେଲାର୍ ନାଶା ନୁ ରାଚାର୍ । ଲେକିନ୍ ପାତ୍ରାସ୍ ଇଜ୍ଜାସ୍ ଆରୁ ହୁବ୍ଡ଼ାରିନ୍ ତେଙ୍ଗିୟାସ୍, “ ଏଙ୍ଘାଏ ” କାତ୍ଥାନ୍ ଗନା ! ଇବ୍ଡ଼ା ଆଲାର୍ ନାଶାନୁ ମଲ୍କାର୍ ! ଇଦ୍ଘି କାରମ ଜେନ୍ ନିମ୍ ଏରାଲ୍ଦାର୍ ହୁସ୍ ହୁସିନ୍ ଜେନ୍ ଯୋଏଲ୍ ଭବିଷ୍ୟବକ୍ତାସ୍ ତେଙ୍ଗାଚାସ୍ କା ମାନୋଦ୍ ପାରମେଶ୍ୱରସ୍ ତେଙ୍ଗିୟାସ୍, ଆଖିରି ଘି ଉଲ୍ଲାନୁ , ଅନ୍ ନିଜର୍ ଆତ୍ମାନ୍ ତୁନ୍ଦୋଚେନ୍ ।”
“ ହେ ଇସ୍ରାଏଲି ମେତାରୋର୍ , ଯୀଶୁସ୍ ଅଣ୍ଟା ଏନ୍ନେ ଆଲାସ୍ ରାଚାସ୍ ନେର୍ ଇଦାନ୍ ଏରାଗେ ଲାଗାନ୍ କା ହୁସ୍ ନେର୍ ରାଚାର୍ ଜୁକ୍କୁ ମା’ ଶୋଚ୍କା ନାଲ୍ଖୁ କାମ୍ଚ୍କାଚାସ୍ । ହୁସ୍ ପାରମେଶ୍ୱରସ୍ ଘି ଶକ୍ତି ସ୍ତିନ୍ ଜୁକ୍କୁ ଅଦ୍ଭୂତ୍ ନାଲ୍ଖୁ ଗୁଠି କାମ୍ଚ୍କାଚାସ୍ । ନିମ୍ ଇଦାନ୍ ଆହାଲ୍ଦାର୍, ନ୍ଦେର୍ ଗେ କା ଇ ନାଲ୍ଖୁ ଗେନ୍ ଏର୍କାଦାର୍ । ଲେକିନ୍ ନିମ୍ ହୁସିନ୍ କ୍ରୁସ୍ନୁ ଆର୍ତା ବାଚ୍କାର୍ ଚିଇଚ୍କାର୍ ।”
“ ଯୀଶୁସ୍ କେଚାସ୍ କେରାସ୍ ଲେକିନ୍ ପାରମେଶ୍ୱରସ୍ ହୁସିନ୍ କେଚ୍କାସ୍ତିନ୍ ଭୀ ଉଜ୍ତା ଚିଇଚାସ୍ । ହୁସ୍ ହୁ କାତ୍ଥା ବୋନ୍ ପୁରା କାମ୍ଚାସ୍ ଜେନ୍ ଅଣ୍ଟା ଭବିଷ୍ୟତବକ୍ତାସ୍ ଲେଖ୍ଚ୍ଚସ୍; ନିନ୍ ନିଜର୍ ପବିତ୍ର ଆଲାରିନ୍ ମାଶ୍ଣାନୁ କିତ୍ତା ଗେ ମା’ ଚିଦାଏ ।‘ ଏମ୍ ଗାୱାହାରାଦାମ୍ କା ପାରମେଶ୍ୱରସ୍ ଯୀଶୁସିନ୍ ଫିର୍ ସେ ଉଜ୍ତାଚାସ୍ ।”
ପାରମେଶ୍ୱରସ୍ ବୁଆସ୍ ଆକ୍କୁନ୍ ଯୀଶୁସିନ୍ ନିଜର ତିନାତାରା ଆକ୍ତି କରି ହୁସିନ୍ ଆଦର୍ ଚିଚ୍କାଚାସ୍ । ଆରୁ ଯୀଶୁସ୍ ନାମା ଲାଗାନ୍ ପବିତ୍ର ଆତ୍ମା ତାଇୟାସ୍ ଚିଚ୍କ ଦାସ୍ ଯେନ୍ତା କା ହୁସ୍ ୱାଦା କାମ୍ଚ୍କାଚସ୍ କା ହୁସ୍ ତାଇୟୋନ୍ । ପବିତ୍ର ଆତ୍ମାଦିହି ହୁ ନାଲ୍ଖୁ ବନ୍ କାମାଗେ ଚିୟାଲ୍ଦାସ୍ ଇଦିନ୍ ନିମ୍ ଏରାଲ୍ ଦାର୍ ଆରୁ ମେନଲ୍ ଦାର୍ ।”
“ନିମ୍ ହୁ ଆଲାସିନ୍, ଯୀଶୁ ସିନ୍ କ୍ରୁସ୍ ମିଆଁ କା ପାରମେଶ୍ୱରସ୍ ଯୀଶୁସ୍ ଚିଚ୍କାର୍ । ଲେକିନ୍ ସାଥେନ୍ ରୂପ୍ସ୍ତିନ୍ ଆହାକାଲା କା ପରମେଶ୍ୱରସ୍ ଯୀଶୁସ୍ ସିନ୍ ଜାମା ଜିନିଷ ନୁଁ ପ୍ରଭୁ ଆରୁ ମାସିହି ଜୋଡ଼ାନୁ ଠାହାର୍କା ଦାସ୍ !”
ପାତ୍ରସ୍ ଘି କାତ୍ଥା ମେନା ବାଲାର୍ ଆଲାର୍ ହୁସ୍ କୀ ଚାଲ୍ତେ ଚିଚ୍କା କାଥାସ୍ତିନ୍ ଉଲାତୋନ୍ ହିଲ୍ରାର୍ କେରାର୍ । ଇଦ୍ଘି ଲାଗାନ୍ ହୁବ୍ଡ଼ାର୍ ପାତ୍ରାସ୍ ଆରୁ ଚେଲାରିନ୍ ବୋନ୍ ଚାସ୍ ,“ ହେ ଭାଇ ଗୁଠିର୍ , ଏନା ଏନ୍ଦେର୍ କାମନା ପାଡ଼ରୋଦ୍ ?”
ପାତ୍ରାସ୍ ହୁବ୍ଡ଼ାରିନ୍ ଚିଚ୍ଚାସ୍,“ ସ୍ତିନ୍ ଜାମା ଅଣ୍ଟା ନିଜର ପାପ୍ ଘି ଲାଗାନ୍ ପାଛ୍ତାରା ଯେନ୍ଟା ପାରମେଶ୍ୱରସ୍ ନିମାଏଁ ପାପ୍ ବୋଛିମା ମାପ୍ କାମୋସ୍ ଆରୁ ଯୀଶୁ ମାସିହିସ୍ ଘି ନାମେନ୍ତି ବାତ୍ତିସ୍ମା ହୁଆଁ । ବାକେନ୍ ହୁସ୍ ନିମାଗେ ବାର୍ଦାନ୍ ଲେଖାନୁ ପବିତ୍ର ଆତ୍ମା ବୋନ୍ ଚୋସ୍ ।”
ପାତ୍ରାସ୍ ଜେନ୍ବୋନ୍ ତେଙ୍ଗିୟାସ୍ ହୁ ମିଆଁ ଲାଗ୍ଭାଗ୍ ୩,୦୦୦ ଆଲାର୍ଗୁଠି ବିଶ୍ୱାସ୍ କାଥାମ୍ଚାର୍ ଆରୁ ଯୀଶୁସ୍ ଘି ଚେଲା ମାଞ୍ଚାର୍ କେରାର୍ । ହୁବ୍ଡ଼ାର୍ ବାତ୍ତିସ୍ମା ଅଚାର୍ ଆରୁ ଯେରୁସାଲେମ୍ ଘି ମାଣ୍ଡଳି ଘି ହିସ୍ସା ମାଞ୍ଚାର୍ କେରାର୍ ।
ବାକେନ୍ ଯୀଶୁସ୍ ଘି ଆଗୁଆର୍ ହୁବ୍ଡ଼ାରିନ୍ ଶିକ୍ଷା ଚିଚ୍ଚାର ତ ବିଶ୍ୱାସ୍ ଗିଠିର୍ ସବୁ ବାକେନ୍ ମେଞ୍ଚାର୍ । ହୁବ୍ଡ଼ାରିନ୍ ସବୁ ବାକେନ୍ “ ମିଲ୍ରାଲାଲର୍ ଆରୁ ହୁବ୍ଡ଼ାରା ସବୁବାକେନ୍ ଏକ୍ ଦିସ୍ରେ ଘି ଲାଗାନ୍ ପ୍ରାର୍ଥନା କାମ୍ଚର୍ । ହୁବ୍ଡ଼ାର୍ ମିଲ୍ରକିରି ପାର୍ମେଶ୍ୱରସ୍ ଘି ସ୍ତୁତି କାମ୍ଚାର୍ ଆରୁ ଯେନ୍ଟା ଭି ହୁବ୍ଡ଼ାର୍ ଘି ରାଚାଦ୍ ହୁବ୍ଡ଼ାର୍ ଏକ୍ ଦୁସ୍ରେନ୍ ସାଧ୍ଝା କାମ୍ଚାର୍ ପାଡ଼ାନ୍ତିର୍ । ରୋଜ୍ ଉଲ୍ଲା, ବାଗ୍ଗେ ସ୍ତିନ୍ ବାଗ୍ଗେ ଆଲାର୍ ବିଶ୍ୱାସୀ ମାନ୍ତେ କେରାର୍ ।
प्रेरितों के काम 2 से एक बाइबल की कहानी
Free to use, adapt, and share under an open license (CC BY-SA 4.0).