45. ସ୍ତିପନୁସ୍ ଆରୁ ଫିଲିପୁସ୍

ପାହିଲା ମାସିହି ଆଗୁଆସ୍ ଗୁଠିର୍ ଘି ବିଚ୍‌ସ୍ତିନ୍ ସ୍ତିଫ୍‌ନୁସ୍ ନାମେ ଘି ଅଣ୍ଟା ଆଲାସ୍ ରାଚାସ୍ । ଜାମା ଆଲାର୍ ହୁସୀନ୍ ସମ୍ମାନ୍ କାମାଲାର । ପବିତ୍ର ଆତ୍ମାଦ୍ ହୁସିନ୍ ମୁରୁକ୍ ଶକ୍ତି ଆରୁ ବୁଦ୍ଧିଦାନ୍ ଚିଚାସ୍ । ସ୍ତିଫ୍‌ନୁସ୍ ଜୁକୁକେନ୍ ଚମତ୍କାର କାମ୍‌ଚ୍‌କାଚାସ୍ । ବାକେନ୍ ହୁସ୍ ଯୀଶୁସିନ୍ ଭାରସା କାମ୍‌ନା ଘି ବାରେନୁ ହୁବ୍ଡ଼ାରିନ୍ ଶିକ୍ଷା ଚିଚ୍‌ଚାସ୍ ତା ଜୁକ୍‌କୁ କେନ୍ ଆଲାର୍ ଗୁଠିର୍ ହୁସ୍ ଘି ମିଆଁ ବିଶ୍ୱାସ୍ କାମ୍‌ଚାର୍ ।

ଉନ୍ଦୁଲ୍, ସ୍ତିଫନୁସ୍ ଯୀଶୁସ୍ ଘି ବାରେନୁ ଶିକ୍ଷା ଚିଇୟାଲାସ୍, ଆରୁ କିଛି ଏନ୍ନେ ୟହୂଦୀ ହୁବ୍ଡ଼ାର୍ ଯୀଶୁସିନ୍ ବିଶ୍ୱାସ୍ ମା’ କାମ୍‌ଚ୍‌କାଚାର ଆରୁ ହୁସ୍ ଘି ସାଙ୍ଗେନୁ ଝାଗଡ଼ା – ଝାଟି କାମ୍‌ନା ସୁରୁ କାମ୍‌ଚେଚାର୍ । ହୁବ୍ଡ଼ାର୍ ମୁରୁଖ୍ ଖିଇସାରାର୍ କେରାର୍, ଇଦ୍ ଘି ଲାଗାନ୍ ହୁବ୍‌ଡ଼ାର୍ ଧରର୍ମୀ ଆଗୁୱାସ୍ ଘି ଚାହାଁ କେରାର୍ ଆରୁ ହୁସ୍ କି ବାରେନୁ ଝୁଠା ତେଙ୍ଗିୟାସ୍ । ହୁବ୍‌ଡ଼ାର୍ ତେଙ୍ଗିୟାର୍, “ ଏମ୍ ସ୍ତିଫ୍‌ନୁସ୍ ମୁଶା ଆରୁ ପାରମେଶ୍ୱରସ୍ ଘି ବାରେ ନୁଁ ଖାରାପ୍ କାଥା ଗୁଠି ତେଙ୍ଗନା ମେଞ୍ଚ୍‌କାଦାମ୍ ।” ଇଦ୍ ଘି ଲାଗାନ୍ ଧରର୍ମୀ ଆଗୁୱୱାର୍ ସ୍ତିଫ୍‌ନୁସ୍ ସିନ୍ ଗିରାଫ୍ ତାର୍ କାମ୍‌ଚାର୍ ର୍ ହୁସିନ୍ ମହାୟାଜକ ଆରୁ ୟହୂଦୀର୍ ଘି ଦୁସ୍‌ରା ଆଗୁଆସ୍ ଘି ଚାହାଁଗେ ଅନ୍ଦରିକିରି ବାର୍‌ଚାର୍ । ଆରୁ ହିଁ ଝୁଠା ଗାୱାର ବାର୍‌ଚାର୍ ଆରୁଁ ହୁବ୍ଡ଼ାର୍ ସ୍ତିଫ୍‌ନୁସ୍ ଘି ବାରେ ନୁ ଝୁଠା ତେଙ୍ଗିୟାର୍ ।

ମହାୟାଜକ୍ ସ୍ ସ୍ତିଫ୍‌ନୁସ୍ ସିନ୍ ମେଞ୍ଚାସ୍ ,“ ଏନ୍ଦେର୍ ଇ ଆଲାର୍ ନିଙ୍ଘାଏ ବାରେନୁ ସଥେନ୍ ତେଙ୍ଗାଲ୍‌ନାର୍ ?” ସ୍ତିଫ୍‌ନୁସ୍‌ସ୍ ମହାୟାଜକ୍ ସିନ୍ ଜାବାନ୍ ଚିଇନାଘି ଲାଗାନ୍ ଜୁକୁକେନ୍ କାଥା ଗୁଠିବୋନ୍ ତେଙ୍ଗାଗେ ସୁରୁ କାମ୍‌ଚେଚାସ୍ । ହୁସ୍ ତେଙ୍ଗିୟାସ୍ କା ଆବ୍ରାହାମ୍‌ସ୍ ଘି ସମୟ ସ୍ତିନ୍ ଯୀଶୁସ୍ ଘି ସମୟ ତୋକ୍ ପାରମେଶ୍ୱରସ୍ ଇସ୍ରାଏଲ୍ ଆଲାର୍ ଘି ଲାଗାନ୍ କିମତି ନାଲ୍‌ଖୁ କାମ୍‌ଚ୍‌କାଦାସ୍ । ଲେକିନ୍ ଆଲାର୍ ସବୁ ବାକେନ୍ ପାରମେଶ୍ୱରସ୍ ଘି ଆଜ୍ଞା ଗୁଠିବୋନ୍ ମା’ ମେନ୍‌ଚାର୍ । ସ୍ତିଫ୍‌ନୁସ୍ ତେଙ୍ଗିୟାସ୍, “ ନିମ୍ ଗୁଠି ପାରମେଶ୍ୱରସ୍ ଘି ବିରୁଦ୍ଧ୍ ନୁ କଠୋରତା ଆରୁ ଝାଗ୍‌ଡ଼ା କାମନା ବାଲାର୍ । ନିମ୍ ସବୁ ବାକେନ୍ ପବିତ୍ର ଆତ୍ମା ବୋନ୍ ଅସ୍ୱୀକାର୍ କାମ୍‌ଚ୍‌କାର ଦାର , ଯେ ଲେଖା କା ନା ମାହାଏଁ ପୁର୍‌ଖାର ଗୁଠିର ସବୁବାକେନ୍ ପବିତ୍ର ଅସ୍ୱୀକାର୍ କାମ୍‌ଚ୍‌କାଚାର୍ ଆରୁ ସବୁ ବାକେନ୍ ହୁସ୍ ଘି ଭବିଷ୍ୟତବକ୍ତାରିନ୍ ପିଟ୍‌ଟାର ଚିଚ୍‌ଚାର୍ । ଲେକିନ୍ ଯେନ୍‌ବୋନ୍ ହୁବ୍ଡ଼ାର୍ କାମ୍‌ଚ୍‌କାଚାର୍ ହୁଦ୍‌ଘୀ ତୁଳନାନୁ ନିମ୍ ଆରୁ ହିଁ ଖାରପ୍ କାମଚାକାଚାର୍ ! ନିମ୍ ମାସିହିସିନ୍ ପିଟ୍‌କାର୍ ଚିଇଚ୍‌କାର ।”

ଯେବାକେନ୍ ହୁ ଧରର୍ମୀ ଆଗୁଆର୍ ଇଦାନ୍ ମେଞ୍ଚାର୍, ତା ହୁବ୍‌ଡ଼ାର୍ ଏତ୍‌କୋ ଖିଇସାରାର୍ କେରାର୍ କା ହୁବ୍‌ଡ଼ାର୍ ନିଜର୍ ହେବ୍‌ଦାବୋନ୍ ମୁଧ୍‌ରାର୍ ଚିଚ୍‌ଚାର୍ ଆରୁ ଉଚା ଆୱାଜ୍ ତି ଚିର୍‌ରାରାଚାର୍ । ହୁବ୍ଡ଼ର୍ ସ୍ତିଫ୍‌ନୁସ୍ ସିନ୍ ଘେସ୍‌ରିକିରି ପାଡ଼ାନ୍‌ନ୍ତି ବାହାରି ଅଚାର କେରାର୍ ଆରୁ ହୁସିନ୍ ପିଟ୍‌ମ୍‌ଚୋ ମ୍ ବୁଲିକିରି ହୁସିନ୍ ଚାଚାତି ଲେବ୍‌ଡିୟାର୍ ।

ବାକେନ୍ ସ୍ତିଫ୍‌ନୁସ୍ ଖିୟାଲାସ୍, ହୁସ୍ ଚିର୍‌ରାରାସ୍ ଚିଚାସ୍,ହେ ଯୀଶୁ ଏଙ୍ଘା ଆତ୍ମାବୋନ୍ ଗ୍ରହଣ୍ କାମା !“ ବାକେନ୍ ହୁସ୍ ନିଜର୍ ମୁକାନ୍ତିନ୍ ହାଠୁଆରାସ୍ ଆରୁ ଚିର୍‌ରାରାସ୍ ଚୋଚାସ୍, “ ହେ ପ୍ରଭୁ, ଇ ପାପ୍‌ବୋନ୍ ହୁବ୍ଡ଼ାର୍ ଘି ମିୟାଁ ଆମ୍ବକେ ଲାଗାବା । “ ବାକେନ୍ ହୁସ୍ କେଚାସ୍ କେରାସ୍ ।

ହୁ ଉଲ୍ଲା, ୟେରୁଶାଲମ୍ ନୁଁ ରାନା ବାଲାର୍ ଜୁକ୍‌କୁ ଆଲାର୍ ଗୁଠି ଯୀଶୁସ୍ ଘି ଅନୁଯାୟି ଆଲାରିନ୍ ସାଧାଗେ ସୁରୁ କାମ୍‌ଚେଚାର୍, ଇଦ୍ ଘି ଲାଗାନ୍ ବିଶ୍ୱାସୀ ଆଲାର୍ ଦୁସ୍‌ରା ଆଡ଼ାଗେ ବୁଙ୍ଗାର ଚିଇଚାର୍ । ଲେକିନ୍ ଇଦ୍‌ଘି ବାବ୍‌ଜୁଜ୍ ଭି, ଏକାସାନ୍ ଭି ହୁବ୍ଡ଼ାର୍ କେରାର୍ ହୁବ୍ଡ଼ାର୍ ଯୀଶୁସ୍ ଘି ବାରେ ନୁ ପ୍ରଚାର୍ କାମ୍‌ଚାର୍ ।

ଫିଲିପୁସ୍ ନାମେ ଘି ଯୀଶୁସ୍ ଘି ଅଣ୍ଟା ବିଶ୍ୱାସୀ ରାଚାସ୍ । ଯେସେକେ କା ଦୁସ୍‌ରା ଜୁକୁକେନ୍ ବିଶ୍ୱାସୀର୍ ଗୁଠି କାମ୍‌ଚ୍‌କାଚାର୍ ହୁର୍‌ହିଁ ୟେରୁଶାଲେମ୍ ସ୍ତିନ୍ ବୁଙ୍ଗାର୍ ଚିଇଚାର୍ । ହୁର ସାମରିୟା ଘି ଜାଗାଗେ ବୁଙ୍ଗାର ଚିଚ୍‌ଚାର୍ । ହୁସାନ୍ ହୁବ୍ଡ଼ାର୍ ଆଲାର ସାନ୍ ଯୀଶୁସ୍ ଘି ବାରେନୁ ପ୍ରଚାର କାମ୍‌ଚାର୍ । ଜୁକୁକେନ୍ ଆଲାର୍ ଗୁଠି ହୁସ୍ ଘି ମିୟାଁ ବିଶ୍ୱାସ୍ କାମ୍‌ଚାର୍ ଆରୁ ଉଧାର୍ ଆକ୍‌ଖିୟାର୍ ।ଉନ୍ଦୁଲ୍, ଫିଲିପୁସ୍ ଘି ଚାହା ପାରମେଶ୍ୱରସ୍ ଘି ତାର୍‌ତିନ୍ ଅଣ୍ଟା ସ୍ୱର୍ଗଦୂତ୍ ବରଚା ଆରୁ ହୁସିନ୍ ଜଙ୍ଗଲ୍‌ଗେ କାଲାଗେ, ଆରୁ ଅଣ୍ଟା ପାବୁନୁ ଏକାଗେ ତେଙ୍ଗିୟାଦ୍ । ଫିଲିପୁସ୍, ହୁସାନ୍ ବୁଙ୍ଗା ଚିଚ୍‌ଚାସ୍ । ଯେବାକେନ୍ ହୁସ୍ ହୁ ପାବୁନୁ ଏକାଲାସ୍, ତା ହୁସ୍ ଅଣ୍ଟା ଆଲାସିନ୍ ନିଜର ଶଗଡ଼ନୁ କାନାନ୍ ଏରିୟାସ୍ । ଇ ଆଲାସ୍ କୁଶ୍ ରାଜି ଘି ଅଣ୍ଟା ମହତ୍ତ୍ୱ ପୁର୍ଣ୍ ଅଧିକାରୀ ରାଚାସ୍ । ପବିତ୍ର ଆତ୍ମାଦ୍ ଫିଲିପୁସ୍ ସିନ ତେଙ୍ଗିୟଦ୍ କା କାଇକିରି ହୁ ଆଲାସ୍ ଘି ସାଙ୍ଗେ ସାଙ୍ଗେ କାଲା ।

ଇଦ୍ ଘି ଲାଗାନ୍ ଫିଲିପୁସ୍ ଶଗଡ଼ ଘି ଚାହାଁ କେରାସ୍ । ହୁସ୍ ମେଞ୍ଚାସ୍ କା କୁଶୀ ପାରମେଶ୍ୱରସ୍ ଘି ବଚନ୍ ପାଢାଲାସ୍ । ଜେନ୍‌ଟା ୟଶାୟାହ ଭବିଷ୍ୟତବକ୍ତାସ୍ ଲେଖ୍‌ଚ୍‌କା ଚାସ୍ ହୁସ୍ ହୁବୋନ୍ ପାଢ଼ା ଲାସ୍ । ହୁସ୍ ପାଢ଼ା ଲାସ୍ କ,ହୁସ୍ ହୁ ପିଟନା ଘି ସାମାନ୍ ଅଚାର୍ କେରାର୍, ଆରୁ ଯେସ୍‌କେକା ଅଣ୍ଟା ଭେଡ଼ି ଶାନ୍ତିନୁ ରାଇଦ୍ , ହୁସ୍ ଅଣ୍ଟା ଆୱାଜ ଭି ମା’ ବାଇଦ୍ । ହୁବ୍ଡ଼ାର୍ ହୁସ୍ ଘି ସାଙ୍ଗେ ବାନେ ବ୍ୟବହାର ମା କାମ୍‌ଚାର୍ ଆରୁ ହୁ ସିନ୍ ଆଦର୍ ମା’ କାମ୍‌ଚାର୍ । ହୁବ୍ଡ଼ାର୍ ହୁସ୍ ଘି ଜିଆ ଅଚ୍ଚାର୍ କେରାର୍ ।”

ଫିଲିପୁଷ୍ ହୁ କୁଶୀସିନ୍ ମେଞ୍ଚାସ୍,“ ଜେନ୍ ନିନ୍ ପାଢ଼ାଲ ଦାଏ ଏନ୍ଦେର ନିନ୍ ହୁବୋନ୍ ବୁଝ୍‌ରାଲ୍‌ଦାଏକା ?” ହୁ କୁଶୀସ୍ ଜାବାବ୍ ଚିଇଚାସ୍,“ ମାଲ୍ଲା । ଯେ ତୋକ୍ ନେର୍ ଭି ଇଦିନ୍ ଏଙ୍ଗାନ୍ ମା’ ବୁଝାବୋର୍, ତାବ୍ ଏନ୍ ଇବୋନ୍ ମା’ ବୁଝୁର୍ ଦାନ । ଦାୟା କାମିକିରି ଏଘାଁ ଚାହାଁନୁ ଅକ୍‌କା । ୟାଶାୟାହ ଏବୋନ୍ ନିଜର୍ ବାରେନୁ ଲେଖାଲାସ୍ ଆରୁ ନେକାନ୍ ଅର୍ ତି ?”

ଫିଲିପୁସ୍ ଶଗଡ଼ ନୁ ଆର୍‌ଗି କିରି ଅକ୍‌କିୟାସ୍ ଚିଇଚାସ୍ । ବାକେନ୍ ହୁସ୍ ହୁ କୁଶୀ ଆଲାସିନ୍ ତେଙ୍ଗିୟାସ୍ ଜେନ୍ ୟଶାୟାହସ୍ ଯୀଶୁସ୍ ଘି ବାରେନୁ ଲିଖିଚ୍‌କା ଚାସ୍ । ଫିଲିପୁସ୍‌ସ୍ ପାରମେଶ୍ୱରସ୍ ଘି ବଚନ୍ ଘି ଜୁକୁସ୍‌ତିନ୍ ତିଇ ଦୁସ୍‌ରା ଭାଗୁନୁ ପ୍ରଚାର୍ କାମ୍‌ଚ୍‌କାଚାସ୍ । ଇଦ ଘି ଲେଖାନୁ, ହୁସ୍ ହୁ ଆଲାସିନ୍ ଯୀଶୁସ୍ ଘି ବାରେନୁ ଶୁଭ ବାଚାନ ମେନ୍ତାଚାସ୍ ।

ଫିଲିପୁସ୍ ଆରୁ କୁଶୀ ଏକ୍‌ତେ କିରି ଆମ୍ମୁ ଘି ଚାହାଁ କେରାର୍ । ହୁ କୁଶୀସ୍ ତେଙ୍ଗିୟାସ୍,“ ଏରା! ଇସାନ୍ ଆମ୍ମୁ ରାଇ ! ଏନ୍ଦେର ଏନ୍ ବାତ୍‌ସ୍ମା ହୁଆ ଗେ ଅଙ୍ଗନ୍ ?” ଆରୁ ହୁସ୍ ଶଗଡ଼ ଚାଲା ବାନା ଆଲାସିନ୍ ରୋକାଗେ ତେଙ୍ଗିୟାସ୍ ।

ଆଖ୍‌ରିନୁ, ହୁ ଆମ୍ମୁ ଗେ କେରାସ୍, ଆରୁ ଫିଲିପୁସ୍ ହୁ କୁଶୀସିନ୍ ବାତ୍‌ତିସ୍ମା ଚିଚ୍‌ଚାସ୍ । ଯେ ବାକେନ୍ ହୁ ଆମ୍ମୁ ନ୍ତିନ୍ ବାହାରି ଉର୍‌ଖିୟାର୍ ତା ପବିତ୍ର ଆତ୍ମା ଅହନା ସାରେନ୍‌ନ୍ତିନ୍ ଫିଲିପୁସ୍‌ସିନ୍ ଉଠାବା କିରି ଏକା ଦୁସ୍‌ରା ଆଡ଼ଡ଼ାଗେ ଅଚ୍ ଚାସ୍‌କେରା । ହୁସାନ୍ ଫିଲିପୁସ୍ ଆଲାରିନ୍ ଯୀଶୁସ୍ ଘି ବାରେନୁ ତେଙ୍ଗାଗେ ସୁରୁ ଉଇୟାର୍ ।

ହୁ କୁଶୀ ନିଜର୍ ଏଡ଼୍‌ପା କାଲାଗେ ଆଘ୍‌ଲି ବାଡ଼୍‌ରାସ୍ । ହୁସ୍ ଖୁସି ରାଚାସ୍ କା ହୁସ୍ ଆକ୍‌କୁନ୍ ଯୀଶୁସିନ୍ ହାକ୍‌ଖିୟାସ୍ ।