۱۰- عَشْر بِلاوي

أَلله نَبَّه موسي وهارون بأن فرعون شخص عنيد. موسي وهارون راحو عِد فرعون و گالو: «هذه الخبرإلِک إنتِه من رب إسرائيل: عُوفْ شعبي حتي إيرحون.» بس فرعون ما إهتم لِحچيهم و بدال مایِفرجِلهم، جُبرهم أکثر من گبُل يشتغلون.

فرعون بَعْدَه چان يعاند و مايفك بني إسرائيل. إلهَايِه الله نِزِّلْ عَشِر بِلاوي علیٰ مَصر. ومن الطِريقْ هِل بلاوي الله راوا فرعون بإن قوتِه أکثر من فرعون و کل آلاهات مصر.

الله بِدِلْ مَاي شط النِيلْ بِدِّم. أمَّانْ فرعون مَا فَکْ بني إسرائيل.

الله خِله كل أرض مَصر تِنْتِرسْ من عَگْروگ. فرعون طَلَبْ مِن موسى إيْخِلي مصر من بلوَت العروگ. من مصر خَلَت من هاي البلوه، گَلَب فرعون عصیٰ و مَاخِلِه بني إسرائيل إيطِلعُون مِن المَصر.

بعدين أَلله نزَّل عليهم بِلوِة البُگ والذِبان. فرعون گِل لِموسي و هارون لو يرفعون هذا البلا، يخليهم إیطلعون من المصر. من بعد ما موسي إندعا، الله دفع البَلاوي، بس فرعون اردود عصیٰ و ماخلاهم إيطلعون.

مِن بَعَدهِه، الله خِله كِل إلبَهایِم تُمْرَضْ او إتموت. أمان فرعون من قساوت گلبه هِل مره هِم ماخلاهم إيطلعون.

الله گِلِلْ موسی إتْرِسْ إیدِکْ رَمِل و رشها جِدامْ فرعون. من موسى سَوّا هِچْ، غیر بني إسرائیل كِل أهل مصر صابْهُم الفالول. أمان فرعون بعد نوب عصي و ماخلاهم إيطلعون.

بَعدِين الله نَزِّلْ عَلِیْهُم بلوة الحالوب و دَمِرْاكثر محصولهم و الحِيوانات. بَعدِين فرعون طَلَب موسى و هارون و گلهم: «أنَا هِل مَرّه خِطَت، إنتُم أحرار و إتْگِدرون تِرحون.» بَعدِين موسى دَعاء و وُگُفْ الحَالوب.

أمَّانْ فرعون بعد مره ذِنِبْ و گَلْبه عصي و ماخِلِه بني إسرائيل إيْطِلعون.

إلهَايِه الله نِزِلْ كومِة يِرادْ علیٰ المَصر، و اليِراد كِلَه کل شي البَقيٰ مِن بَعد بلوة الحَالوب.

بعدين الله نزّل ثلث تيام بِلوتِه الظلام. او فردشكل ظلمت الدنيا، إلمَصریه ماگدروا إيطلعون من إبيوتهم. بس مَكان إللي بني اسراييل عايش چان ضاوي.

حتىٰ مِن بَعَد هل تِسعَ بِلاوي ، فرعون ماخِلِه بني إسرائيل يِرحون. او چه فرعون مَاچان يِسْمَع كِلام موسى، الله نِزِل آخِر بِلاء علیهم. هذا البِلاء خِله فرعون إيْغَير رَإیِه.