۲۶- بِدَایِة خِدمِة يَسُوع

بَعدمَا ليَسُوع غَلَب علیٰ وُسوَاس الشِيطَان، رِجَع البِيته إبْجَلِيل، بكان لِچان يعيش بي. رُّوحِ القُدُس چان يِنطِي ليَسُوع قُوه عظيمه و هو خاطر يعَلِم الناس چان يِروح مِن مكان لِي مكان و لكل چانو يِبُون طَارِيِه بِزِنِیِه.

اليَسُوع رَاح النَّاصِرة، قَريِه الچان عَايش بِيهِ إبْزِغْرَه. بيوم لِشَبَّات رَاح لِلمَعبِد. شيوخ لدينيه إنطُو نُسخِه مِن كتاب نبي إِشَعْيَاء حتیٰ يِقرَا، اليَسُوع هِم فِتَح الكتاب و قَرَا قِسِم مِنِه لِلناس.

هو قَرَا: «الله إنطَاني من رُوحَه خاطر أبِشِر لِمَسَاكِين. هو وَدَاني خاطر أفُك لِمَحْبوسين و إشَافِي لِعُميَان و أفْرِج علیٰ لمَظلُومِين. چِه وصل وكت رَحمة الله علیٰ لإنسَان.»

گَعَد اليَسُوع و كلها چانت إتْبَاوُعلِه. الكل چانو يِدرُون هذا لِقِسِم إللي إنْقَرا مِن لكتاب المقدس، عَلَامِة لِلمَسِيح لمَوعُود. اليَسُوع گال: «كلام إللي قَرَتِه إلكم، يِتَحَقَق.» الناس كلها إتْعَجِبِت و سِئلوا: «هذا مو إبنِ يُوسف؟»

بَعدِين اليَسُوع گال: «حَقيقَتاً النبي مو مَقبُول إبْدِيرْتِه. بوكت إللي بِديرِة نبي إِيلِيَّا ثلث إسنين و نُص مَامُطرِت، و بإسرائيل چانن نِسوَان إعزَبْ، الله وَدِّه نبي إِيلِيَّا حتي يِسَاعد مَرَه عِزْبَه و وَحيدِه الچانت تعيش بِغير دِيرِه.»

و تالي گال: «إبزمان نبي ألِيْشَعْ ، ناس چيثيره بإسرائيل صَابَهُم مَرَض بِيِلدهُم. بس نبي ألِيْشَعْ ما شِافِه ولا وَاحِد مِنهُم. بس شِافِه شخص بِسِم نَعَمان لسُوري، الچان رئيس عَسكَرعِدوَان إسرائيل.» جمعيِّة اليَهُود السِمعُو الخَبَر وايِد عَصِبُو.

أهلِ النَّاصِرَة طِلعُو اليَسُوع من المَعبَد، و خَذو علیٰ صَخره عَاليِه خاطر يِذِبُونِه حَدِر و يِكتِلونِه. بس اليَسُوع إتْعَدِه مِن بِينَاتهُم و تَرَك دِيرِة النَّاصِرَة و رَاح.

و تالي اليَسُوع رَاح لكل بکان بِمَنطقه جَلِيل. عِدِّه مِن الأوَادِم چانو إيُون صوب اليَسُوع و چان وَيَّاهُم ناس مَرَضِه و بِينَاتهُم ناس عَلِيلِه، عِميَان، طِرشَان، و بَعِضهُم موگَادرِين يِمشُون و حتیٰ يِحچُون و اليَسُوع چان يِشافِيهُم.

اُو چانو يِبُون وَايِد ناس مِسكُونِين و اليَسُوع يِشَافيهُم و بأمره، چان يِطلَع مِنهُم هِل شي. أكثَرهُم صَاحوا: «أنتِ إبنِ الله!» و ناس چانت إبوكته مِتحَيرِه و تِحمِد الله.

وَ بَعدِين اليَسُوع إنْتَخَب إثنعش شخص و سَمَاهُم المُرسِلين. هُمَّا چانو يِسافرُون وَيِه اليَسُوع و يِتعَلِمون مِنِه.