۲۸- شاب إلغني
فرد يوم وَاحد غني ايه يم اليسُوع وَ سئله: «يَا استاذي الطيب ، شسوي خاطر احصل حَيَاة أَلأبَدِيه؟» اليسُوع گله: «ليش اتگلي أَنا طيب؟ غير الله ماكو طيب. لوتريد تصير عندك عيشه أَبَدِيه، اتبع أوامر الله.»
هُو سئله: «يَا أوامر اتْبَعْهِن؟» اليَسُوع جاوب: «لاتكتل نفس، لاتزني، لاتبوگ، لاتچذب، احترم وَالديك، وَ حب يارك مثل ماتحب نفسك.»
بِس الشاب گال: «أَنا مِن زغري چنت حافظ هلقوانين، هسه لازم شسوي خاطر احصل عيشه أَلأبديه؟» اليسُوع إبْكل مَحَبْته ظل يباوعله.
وَ جاوبه: «أحسن شي، رَوح وَ بيع كلشي العندك وَ انطي افلوسك للمحتازين خاطر ثروتك تنجمع بلملكوت مو علي الگاع! تالي تعال و اتبعني!»
الشاب مِن سمع حچي اليسُوع، وَايد إنْعِكَر، چه هُو چان عنده ثروه زايده وَ ماراد ينطي ثروته المجَمِعها وَ دار ويهه مِن اليسُوع وَ رَاح.
اليسُوع گل لصحابه: «لازم تدرون وَايد صعبه الغني يدخل ملكوت الله. بَعَد مرّه اگول، اليمل لو يتعده مِن مَزِگ الأبره اسهل مِن دشت الغني بملكوت الله!»
أصحاب اليَسُوع اتعجبو مِن حچيه وَ سئلو، «يَاهُو اليگدر ينجي حاله؟»
اليسُوع بَاوع لصحابه وَ گال: «البشر مايگدر ينجي حاله، بِس عند الله مو بعيده.»
بُطرُس گِل اليسُوع: «شنهو أجرنا احنا اليزنه مِن كلشي وَتبعناك؟»
اليسُوع جاوب: «كلمن الخاطري يغمض عينه مِن إختَه و اخو، اُمه و أبو، وَأولاده وَ بيته وَ حلاله، ميّت نوبه يحوُش ازياده وَ اكثر و يحَصّل العيشه أَلأبدِيه. بِس وَايد مِن النّاس البلأول ایصیرون بلآخر وَ وَايد منهُم الچانو بلآخر ایصیرون بلأول.»
قُصَةْ مَأخوذِهْ مِنْ کِتابِ الْمُقِدِّسْ: إنجیل متی فصل ۱۹ آیات ۱۶ إلیٰ ۳۰، إنجیل مرقس فصل ۱۰ آیات ۱۷ إلیٰ ۳۱، إنجیل لوقا فصل ۱۸ آیات ۱۸ إلیٰ ۳۰
مجاني للاستخدام والتعديل والمشاركة بترخيص مفتوح (CC BY-SA 4.0).