۵- إبْنِ إلْوَعَدْ

عَشْرِ اِسْنینْ مِنْ بَعَد هِجْرَتْ ابرام و ساراي لِأرض کَنْعَانْ، بعدهم ما چانْ عِدْهُمْ خَلْفَا. بَعْدِین سارایْ مَرَت اِبْرامْ گِلِّتْلِه: «هِسِهْ إللي الله ما فَضّل عليه أَخَلُف و أنا هم شٍيّبِتْ و بَعَدْ ما أگْدِرْ أحْبِلْ، أحسِن إتعَرِسْ وَیِّهْ خَادمْتیْ هاجَرْ، حَتِی إتْییبْلي خَلْفا.»

هيچي إبْرامْ عَرَسْ وَیِّهْ هاجَرْ.هاجَرْ یابِتْ وِلَدْ وَ إبْرامْ سَمّا إسْماعیلْ. بِسْ سَارا چَانِتْ تِحْسِّدْ هاجَرْ. مِنْ صارْ إسْماعیلْ عُمْراْ ثَلِثْطعَشْ سِنِهْ، بَعَدْ مَرَه الله حِچِهْ ويا إبْراهيمْ.

الله گالْ: «أنا الْقادِرِ عَلیٰ كِلْشِي و اواعدك، وعد.» بَعدِین اِبْرامْ سِجِدْ وَ الله گِلِه: «أنا أوَرْثِكْ إنْتِ و نَسْلِكْ أرُضْ كَنْعَان و إتْصیرْ اُبو طُوایِفْ چِثیرِه و أنا رَبْكُمْ لِلْأبَدْ و لازِمْ إتْطَهْرونْ أولادْكُمْ.»

«مَرْتِکْ سارای، إتییبْ وَلِدْ و هو إیصیرْ إبْنِ الْوَعَدْ الي واعدتك بي و سِمِّي إسْحاقْ. أنا اشد وعد ويا ابنك واتصير مِنِّه ذِرِيَّة عَظیمِه و راحْ إيصيرْ مِنْ إسمَاعيلْ هَمْ طايِفِه چِبيرِه. بَسْ وَعْدِي يتحقق اويَا إسْحَاقْ.» مِنْ بَعْدِه، الله غَيَّرْ إسِمْ إبْرامْ لِإبْراهيمْ، و معناته أُبو طُوایِفْ چِثيرِه و غَیَّرْ إسِمْ سارایْ لِسارِه يعني «أمیرة.»

إبْذِك اليوم إبْراهیمْ طَهَّرْ کِلْ أوْلادْ طایِفْتِهْ. مِنْ بَعَدْ حَوالیْ سِنِهْ، وَكْتْ إللي چانْ إبْرَاهيمْ مِيَّة سِنِه عمره و سَارِه تِسْعين، سَارِه يَابَتْ وَلَدْ. مِثِلْ ما الله چانْ گایل، سِمُّو إسْحَاقْ.

وَكْتْ إللي إسْحَاقْ صَارْ شَاب، الله إمْتَحَنْ إيمَانْ إبْراهيمْ و گال: «ضَحِيلي إبْنَكْ اِلْوَحيدْ إسْحَاقْ.» إبْراهيمْ بَعَدْ مَرَه طَاعْ رَبَّه وَ حَضَّرْ حاله حَتی إيْضَحِي إبْنِه.

وَكْتْ إللي إبراهيمْ وَ إسْحَاقْ چَانواْ إیروحونْ صُوبْ إلْمَذْبَحْ، إسْحَاقْ سَئَلْ: «بویِه، الحُطُبْ جاهز؛ بس وين الذبيحه ؟» إبْراهيمْ رِدْ عَلِیه: «یِا إولدي، الله يجهز الذبيحه.»

مِن وُصْلَو لِلْمَذْبَحْ، إبْرَاهيمْ شِدْ إسْحَاقْ بِلْحَبِلْ و حَطا عَلیٰ الْمَذْبَحْ. لَمٰنْ إبْراهيمْ راد إيضَحِي إبْنِه، الله گالْ: «إصْبُرْ، لاتِضر إبْنَكْ! هِسِّه شِفِت إنْتَ مِنْ کِل گَلْبَكْ إتْخافْ مِنّي، لِأَنْ ماقصرت بإبْنَکِ الْوَحیدْ مني.»

إبْراهیمْ جِریبْ للمذبح شافْ خُروفْ مگیّر ابعشبه. الله چان إمْحَضُر الْخُروفْ ضَحِيه بِدالْ إسْحاقْ. إبْراهيمْ فَرَحْ و ذبح الْخُروفْ إلويه الله.

بَعْدِین الله گِلْ لِإبْراهيمْ: «لِأنْ إنْتَ چِنِتْ حاضِرْ تِطینیْ كِلْشِي لعندك حَتِیْ إبْنَکِ إلْوَحیدْ، أنا هِمْ إواعْدَكْ إللي إبارْكِكْ و نَسْلِکْ ايِزود، أکثَرمِن نِیومِ السِمِهْ. لِأَنْ طِعِتْنِي، و کِل الناس البدنيه ، يِتْبارَكونْ مِن طَريقْ أهْلِكْ.»