23. ୨୩. ଯୀଶୁ ନା ଜନମ୍
ମରିୟମ୍ ଯୋଷେଫ ଅମିନା ମିଣ୍ଡା ଦରମ୍ବାଇ ରେମ ବେରଙ୍ଗ୍ ମାଙ୍ଗିନି ଡେଙ୍ଗା। ଉଣ୍ଡୋଇଲ ଯୋଷେଫ ଅଁଙ୍ଗ ଜେ ମରିୟମ୍ ଗାଗ୍ଡେ ଡିତା, ମାଇ ମାଗଡିଗା ଜେ କନା ମାଇନା ‘ଅଅଁ’ ଆଣ୍ଡା। ମାତର୍,ମାଇ ଆମରିୟମ୍ ଲାଜ୍ ମଡେଡେମ୍ ପାଲାଇ ମନ ଆଡିତା,ଗିତିନ୍ ସା ମାଇ ଆମାଇ ଆଲାଦ୍ ଡେଡ଼େମ୍ସା ମାରି ମ ମାମାଗ୍ ସୁଗ ଅନ୍ତୁର୍ବାର୍ସା ଏତାୟ। ମାତର୍ ମାଇ ଗିତିନ୍ ଡେଡେମ୍ ନା ଆଗ୍ତୁ, ମୁସୁଡିଙ୍ଗ୍ ବ ମିଣ୍ଡା ଦୁତ୍ ମାଇନ୍ ବ ସାଗ୍ ସେ ମାଇ ବେରଙ୍ଗ୍ କାତା ଡେଙ୍ଗା।
ଦୁତ୍ ସୁନ,“ଯୋଷେଫ, ଆମରିୟମ୍ ନନ୍ କୁନି ଡସେ ସୁଁ ନ ଆବୁତୁଙ୍ଗା। ମାଇନା ସୁଲଇ ବ ଡିକୁନ୍ ଗୁ ପବିତ୍ର ଆତ୍ମାନାନେ ଡେଙ୍ଗିତା, ମାଇ ମୁଇ ରଙ୍ଗେର୍ ଗୁ ଜନମ୍ ଡ଼େନ୍ତା, ମାଇନା ଅମି ଯୀଶୁ ବେତ ପେ। ଜାନା ଅରତ୍ ଡେଙ୍ଗା ନି,( ଈଶ୍ପର୍ ରକିୟା ଡେମ୍ତ),ମାସାଡନା ମାଇ ଆରେମଲେ ମାଇନା ପାପ୍ ନାନେ ରକିୟା ଡେମ୍ତ।”
ଗିତିନ୍ ସା ଯୋଷେଫ୍ ଆମରିୟମ୍ ବିବା ଡ଼େମମାରି ଆମାଇ ମାଇନା କୁନି ସୁଗ ମାନ୍ଗା,ମାତର୍ ଉଣ୍ଡୋଇଲ ଗିତିନ୍ ଗୁ ଜନମ୍ ଆଡେଙ୍ଗ୍କୁନ୍ ଜାକ ମାଇନ୍ ବେରଙ୍ଗ୍ ଲେମ ଆଡିତା।
ଉଣ୍ଡୋଇଲ ମରିୟମ୍ ଜନମ୍ ବେବେନା ବେଲା ଲଗେ ସାଗା, ମାଇ ମାରି ଯୋଷେଫ୍ ବେଥ୍ଲିହିମ୍ ସହର୍ବ ମୁଇ ସୁଲୁଙ୍ଗ୍ ଗାରି ଉରିଙ୍ଗ ଇଗା,। ମାଏଲେ ଆର ଇ ପାଲାଇ ଡିଗା, ମାସାଡନା ରୋମିୟ ଶାସନ୍ ଡେଡେରେମ୍ ଇସ୍ରାଏଲ୍ ଦେଶ୍ବ ରେମଏଜ୍ବାର୍ ନା ନିୟମ୍ ଡେମଡ଼ିଗା। ଗୁଲାଇ ରେମ ନିଜର୍ ନିଜର୍ ନା ଆନିଦାଦିଲେ ଡିକୁନ୍ ଟାନ୍ବ ଇ ଡିଗା। ଦାଉଦ ରାଜା ଗିତିନ୍ ବେଥ୍ଲିହିମ୍ ବ ଜନମ୍ ଡ଼େମଡିଗା ମାରି ମାଇ ଉମ୍ବାୟଙ୍ଗ୍ ମରିୟମ୍ ନା ମାରି ଯୋଷେଫ ନା ଆନିଦାଦି ଡିଗା।
ମରିୟମ୍ ମାରି ଯୋଷେଫ୍ ବେଥ୍ଲିହିମ୍ ବ ଇଗା, ମାତର୍ ଆର୍କଣ୍ଡେ ଗଇତାଙ୍ଗ୍ ଲେ ତୁଲଡିଗା ଆତିନ୍ ଟାନ୍ ଅନ୍ତୁର ସେ ମାରି ଆରିସା ଟାନ୍ ଆଡ଼ିତା। ଗିତିନ୍ ଗଇତାଙ୍ଗ୍ ସାଲୁବ ମରିୟମ୍ ଆମାଇନା ଗୁ ଜନମ୍ ବେଡ। ମାଇନ୍ ସା ବେସାଗ୍ ପାଲାଇ ସେଙ୍ଗ୍ଲା ସା ଆଡିତା, ମାଇ ଆତିନ୍ ଗୁ ଆଗଇତାଙ୍ଗ୍ ଲେ ସୁସୁମ୍ ସା ବେବେନା ଡ଼ଙ୍ଗାବ ଅଲେମଡ। ମାଏ ଗିତିନ୍ ଗୁ ନା ଅମି ଯୀଶୁ ବେଡ।
ଗିତିନ୍ ମିଣ୍ଡି, ଆତ୍କଣ୍ଡେ ଗଇତାଙ୍ଗ୍ ଚାରାଇବାର୍ ରେମଲେ ଆର ଗଇତାଙ୍ଗ୍ ମାରି ଗିମେଲେ ଜାଗ୍ଲ ଡିଗା। ସନେକ୍ ବ ଗିତିନ୍ ତାରାଗ୍ବାଇ ଦୁତ୍ ଆମାଏ ଅସିଗା ସା ମାଏ ବୁତୁଙ୍ଗ୍ ଇଗା। ଗିତିନ୍ ଦୁତ୍ ସୁନ, “ଆ ବୁତୁଂଙ୍ଗା, ମାସାଡନା ନିଙ୍ଗ୍ ପେ ପାଲାଇ ଅୟ୍ ବାନିବାଇ କବର୍ ରୁଙ୍ଗତିଙ୍ଗ୍ କିସ୍ଟ ଈଶ୍ପର୍ ବେଥ୍ଲିହିମ୍ ବ ଜନମ୍ ଡେଙ୍ଗ୍ ଗିତା!” “ଆତିନ୍ ଗୁ କଜ୍ବାର୍ ୟା, ମାରି ପେ ମାଇନ୍ ୟଙ୍ଗ୍ ବେରଙ୍ଗ୍ ଉମ୍ପ କୁକୁଇସେ ମାରି ଡ଼ଙ୍ଗାବ ଆଲେମଡ଼ କୁନ୍ ଯୁତ ପେ”। ସନେକ୍ ବ ବାଦଲ୍ ନାନେ, ଦୁତ୍ଲେ ଜର୍ସେ ଈଶ୍ପର୍ ନା ସାର୍ଦା ଡେଡେମ୍ ଡେଙ୍ଗା। ମାଏ ସୁଁସୁଡେଙ୍ଗା,“ଗୁଲାଇ ସନମ୍ମାନ୍ ମାରି ଆଦର୍ ସରଗ୍ ନା ଈଶ୍ପର୍ ନା ଡେମେ। ଆଜା ମାଇ ଆଷିର୍ବାଦ୍ ଡ଼େମତ ଦର୍ତନି ବ ଡିକୁନ୍ ମାଇନା ଆଗୁଲାଇରେମ ବ ଶାନ୍ତି ଡେମେ।
“ଆତିନ୍ ଗୁ କଜ୍ବାର୍ ୟା, ମାରି ପେ ମାଇନ୍ ୟଙ୍ଗ୍ ବେରଙ୍ଗ୍ ଉମ୍ପ କୁକୁଇସେ ମାରି ଡ଼ଙ୍ଗାବ ଆଲେମଡ଼ କୁନ୍ ଯୁତ ପେ”। ସନେକ୍ ବ ବାଦଲ୍ ନାନେ, ଦୁତ୍ଲେ ଜର୍ସେ ଈଶ୍ପର୍ ନା ସାର୍ଦା ଡେଡେମ୍ ଡେଙ୍ଗା। ମାଏ ସୁଁସୁଡେଙ୍ଗା,“ଗୁଲାଇ ସନମ୍ମାନ୍ ମାରି ଆଦର୍ ସରଗ୍ ନା ଈଶ୍ପର୍ ନା ଡେମେ। ଆଜା ମାଇ ଆଷିର୍ବାଦ୍ ଡ଼େମତ ଦର୍ତନି ବ ଡିକୁନ୍ ମାଇନା ଆଗୁଲାଇରେମ ବ ଶାନ୍ତି ଡେମେ।
ଗିତିନ୍ ତୁର୍ଗୁ ଦୁତ୍ ଲେ ଡୁଙ୍ଗା। ଗୁଲାଇ ଗୋଉଡ଼ଲେ ଆମାଏନ୍ ଗଇତାଙ୍ଗ୍ ଗିମେଲେ ଅନ୍ତୁରସେ ଆତିନ୍ ଗୁ ଜୁଜୁ ପାଲାଇ ଉର ଇଗା। ମାଏ ଚନେକ୍ ବ ଯୀଶୁ ଡିକୁନ୍ ବ କେଟ୍ଲ ମାରି ମାଏ ଜୁଲ କି, ଆତିନ୍ ଗୁ ଉମ୍ପ କୁକୁୟସେ ଡ଼ଙ୍ଗାବ ଲେମକୁନ୍ ଜୁଲ, ମିରି ଦୁତ୍ ଆମାଏ ସୁନ ଡିଗା ଡିତିନ୍ ଡେଙ୍ଗା। ମାଏ ଜବର୍ ସାର୍ଦା ଡେଙ୍ଗ୍ ଡିଗା। ଗିତିନ୍ ତୁର୍ଗୁ ଗୋଉଡ଼ଲେ, ମାଏନା ଗଇତାଙ୍ଗ୍ ଗିମେ ଡିକୁନ୍ ବ ଇଗା। ମାଏ ମା ଜୁଲ ଡିଗା,ମାରି ମା ଅଙ୍ଗଡିଗା, ଗିତିନ୍ ସା ମାଏ ଆଈଶ୍ପର୍ ସାରଦା ଡେଡେମ୍ ଡେଙ୍ଗା।
ତୁର୍ସିଂ ଗାରିନା ମୁଇ ଦେଶ୍ ବ ଏନ୍ତୁ ଇଙ୍ଗେରେ ଡିଗା। ମାଏ ତାରାଲେ ଜୁଲସେ ମା ମା ଡ଼େନ୍ତା ମାରି ମାମା ଡେଙ୍ଗା ମାରି ମାଏ ଜବର୍ ବୁଦିରେମ୍ ଡିଗା। ମାଏ ବାଦଲ୍ ବ ମୁଇ ଉଣ୍ଡୋୟ ମଜୁଲକୁନ୍ ତାରା ଜୁଲ। ମାଏ ସୁନ କି, କନଙ୍ଗ୍ନା ଅରତ୍ ଡେଙ୍ଗାନି ଯିହୁଦୀରେମଲେନା ମୁଇ ତିମେ ବାଇ ରାଜା ଜନମ୍ ଡେଙ୍ଗ୍ଗିତା। ଗିତିନ୍ ସା ମାଏ ଆତିନ୍ ଗୁ ଜୁଜୁ ପାଲାଇ ମାଏନ୍ ଦେଶ୍ ନାନେ ଇପାଲାଇ ମନ୍ ଡ଼େମ। ଜବର୍ ସୁଲୁଙ୍ଗ୍ ଗାରି ଉରିଙ୍ଗ କୁନ୍ ତୁର୍ଗୁ ମାଏ ବେଥ୍ଲିହିମ୍ ବ ସାଗ୍ସେ ଆଯୀଶୁ ମାରି ୟଙ୍ଗ୍ ବା ଡିକୁନ୍ ବ ଜୁଲ।
ଉଣ୍ଡୟଲ ମାଏ ଆଯୀଶୁ ୟଙ୍ଗ୍ ଡ଼େଙ୍ଗ୍ ବେରଙ୍ଗ୍ ଜୁଲ, ମାରି ମାଏ ଆମାଇ ଜୁଆର୍ ଡ଼େମ। ମାଏ ଆଯୀଶୁ ଜବର୍ ଦାମ୍ ବାଇ ଭେଟି( ଉପହାର୍ ବେଡ)। ଗିତିନ୍ ତୁର୍ଗୁ ମାଏ ମାଏନ୍ ଡିଅ ଗାରି ଡୁଙ୍ଗା।
ବାଇବଲ୍ନା ମୁଈ ଉସାରାମ୍:ମାଥିଉ ୧-୨;ଲୁକ ୨।
Free to use, adapt, and share under an open license (CC BY-SA 4.0).