43. ୪୩. ମଣ୍ଡଲୀନା ଆରାମ୍
ଯୀଶୁ ସରଗ୍ ବ ଇକୁନ୍ ତୁର୍ଗୁ,ଯୀଶୁ ମିରି ଆଦେଶ୍ ବେଡ ଡିଗା ଡିତିନା ଶିଷ୍ଲେ ଯିରୁଶାଲାମ୍ ବ ଡିଗା।ବିସ୍ବା ସିଲେ ଆର ପାର୍ତନା ଡେଡେମ୍ ପାଲାଇ ଗୁଲାଇ ବେଲା ମୁଇବ ଡେଡେମ୍ ଡେଙ୍ଗା।
ନିସ୍ତାର୍ପରବ୍ନା ୫୦ ଦିନ୍ ତୁର୍ଗୁ, ଗୁଲାଇ ବରସ୍ ଯିହୁଦୀଲେ ପେଣ୍ଟିକଷ୍ଟ ଅମିନା ମୁୟଙ୍ଗ୍ ଜବର୍ ଦର୍କାର୍ ବାଇ ଦିନ୍ ପାଲ୍ବାର୍ ଡେଙ୍ଗା। ପେଣ୍ଟିକଷ୍ଟ ଡେଙ୍ଗାନି ଗିତିନ୍ ବେଲା ଉଣ୍ତୋଇଲ କି ଯିହୁଦୀଲେ ତାସ୍ ଗଗନା ପରବ୍ ପାଲ୍ତ। ପେଣ୍ଟିକଷ୍ଟ ମୁଇବ ପଲ୍ବାର୍ ପାଲାଇ ଗୁଲାଇ ଜଗତ୍ ନାନେ ଯୀହୁଦୀଲେ ଯୀରୁଶାଲାମ୍ ବ ସାଗ୍ ଡିଗା। କନ୍ ବରଷ୍,ଯୀଶୁ ସରଗ୍ ବ ଇଗ୍ସେ ଆଟେକ୍ ତୁର୍ଗୁ, ପେଣ୍ଟିକଷ୍ଟ ଦିନ୍ ସାଗା।
ବିସ୍ବାସିଲେ ଉଣ୍ତଇଲ ମୁଇବ ଡିଗା,ଆରନା ଡିଅବ ମାଏଲେ ଡିଗା ଜବର୍ ଉଡିଆଗ୍ ନା ସବଦ୍ ସୁଗ ମୁଇ ସବଦ୍ ଡିଅବ ବର୍ତି ଡେଙ୍ଗା।ମାଇନା ତୁର୍ଗୁ ସୁଁଅ ସୁଗ ଅଲାଲେ ଗୁଲାଇ ବିସ୍ବାସିଲେନ୍ ବାଗ୍ବଗ୍ ଅସିଗା। ଗିତିନ୍ ଗିଲାଇ ପବିତ୍ର ଆତ୍ମାବ ବର୍ତି ଡେଙ୍ଗା ମାରି ପାଲ୍ ଭାଷା ବେରଙ୍ଗ୍ ଈଶ୍ପର୍ନା ସାର୍ଦା ଡ଼େମ। ମାଏଲେ ଗିତିନ୍ ଭାଷାଲେ ମାମାଗ୍ ଆଗଙ୍ଗ୍ତା, ମାତର୍ ପବିତ୍ର ଆତ୍ମାଆମାଏଲେ ଗିତିନ୍ ଭାଷା ଲେ ସୁସୁ ପାଲାଇ ସାଇଜ ଡ଼େମ,।
ଉଣ୍ତୋଇଲ ଯିରୁଶାଲାମ୍ ବ ଡିକୁନ୍ ରେମଲେ କନ୍ ସବଦ୍ ଅଙ୍ଗ,ମା ଘଟ୍ଗା ଗିତିନା ଜୁଜୁପାଲାଇ ରେମଲେ ରୁଣ୍ତ୍ଗା। ଈଶ୍ପର୍ନା ରାଗ୍ତିଗ୍ନା ଆକାମ୍ ଲେ ବିଶ୍ବାସ୍ସିଲେ ପର୍ଚାର୍ ଡେଙ୍କୁନ୍ ରେମଲେ ଅଙ୍ଗ। ମାଏଲେ ରାଗ୍ତିଇଗା ମାସାଡନା ମାଏଲେ ପାଲ୍ ପାଲ୍ ଦେଶ୍ ନାନେ ସାଡିଗା ମାରି ପଅପାଲ୍ ପାଲ୍ ଭାଷାବ କାତା ଡେଡେମ୍ ଡେଙ୍ଗ୍ନା ଲନା ମାଏଲେ ବୁଜ୍ବାର୍ ଡେଙ୍ଗା। ଶିଷ୍ଲେ ଇସ୍ରାଏଲ୍ ବ ଡିଗା, ମାରି ଆରାମିକ୍,ହିବ୍ରୁ ଆନ୍ଲ ଗ୍ରୀକ୍ ଭାଷା ସୁସୁ ଡେଙ୍ଗା
“ କନ୍ ରେମଲେ ନାନେ ଆଇଜା ରେମ ସୁନ୍ ଜେ, ଶିଷ୍ ଲେ ଲନା ସାଗୁର୍ ଉଡତା ! ମାତର୍ ପିତର୍ ତଙ୍ଗ୍ ସେ ସୁନ, “ନିଙ୍ଗ୍ ନା କାତା ଅଙ୍ଗ୍, କନ୍ ରେମଲେ ସାଗୁର୍ ଉଡ଼ ଆଡ଼ିତା। କନ୍ ବାଦୁଲ୍,ପେ ମା ଜୁଲପେନି ଗିତିନା କନ୍ ଯୋୟେଲ୍ ବାବାଜୀ ଡ଼େମକୁନ୍ ଆଗ୍ତୁନ୍ କାତା ସତ୍ ଡେଙ୍ଗା,ଆରି ଈଶ୍ପର୍ ସୁନଡିଗା, “ଡ଼ଡମ୍ ବେଲା,ନେ ତର ଇନା ଆତ୍ମା କିବ୍ତନେ।
“ହ ଇସ୍ରାଏଲ ନା ରେମଲେ ଅଙ୍ଗ୍, ଯୀଶୁ ମାଇ ଜା ଗିତିନ୍ ପର୍ମାନ୍ ଡେଡେମ୍ ପାଲାଇ ମାଇ ଈଶ୍ପର୍ନା ଶକ୍ତି ବେରଙ୍ଗ୍ ଜବର୍ ମୁନା ମାରି ରାଗ୍ତିଗ୍ ନା କାମ୍ ଗୁଲାଇ ଡ଼େମ,ଆରନା ପେଲେ ଜୁଲପେନି ମାରି ମାଗପେନି। ମାତର୍ ପେଲେ ଆମାଇ କୁରୁସ୍ ବ ଅଡାଇସପେ !”
“ ଯୀଶୁ ଗଇନାସା, ଡେଙ୍ଗ୍ନାସା ଈଶ୍ପର୍ ଆମାଇ ଗଇକୁନ୍ ନାନେ ଅମୁରାଗ୍। କନା ଗିତିନ୍ ଆଗ୍ତୁନ୍ କାତା ସତ୍ ଡେଙ୍ଗା,ଆର୍ନା ଲେକା ଡ଼ିତା, ପେ ପେନା ପବିତ୍ର ଆରେମ ରେସାଙ୍ଗ୍ ବ ନଷ୍ଟ ଡେଡେମ୍ସା ଆବେତପେ।”ଈଶ୍ପର୍ ଜେ ଆଯୀଶୁ ମାର୍ମୁସ ଜୀବନ୍ ଡ଼େମତା,ନେଲେ ମାଇନା ସାକି।”
“ବା ଈଶ୍ପର୍ ଆଇକା ଆଯୀଶୁ ମାଇନା ସୁସୁମ୍ ଗାର୍ ଲେଗ୍ସେ ସନ୍ମାନ୍ ଡ଼େମତା। ମାରି ଯୀଶୁ ମିରିକି ଆପବିତ୍ର ଆତ୍ମାବେଟାଇତ ଡସେ ପର୍ମାନ୍ ଡ଼େମଡିଗା,ସତ୍ ଗିତିନ୍ ସୁଗ ଆପବିତ୍ର ଆତ୍ମାବେଟାୟ। ଆଇକା ପେଲେ ଆର୍ନା କାତା ଜୁଲପେନି ମାରି ଅଙ୍ଗପେନି ଗିତିନ୍ ଗୁଲାଇ ପବିତ୍ର ଆତ୍ମାଡ଼େମତା।
“କନା ଆଯୀଶୁ ପେଲେ କୁରୁସ୍ ବ ଅଡାଇତପେ। ମାତର୍ ସତଇସେ ମାଗେ ଜେ ଈଶ୍ପର୍ ଆଯୀଶୁ ଗୁଲାଇ ବିଷୋଇ ବ ଉମ୍ବାରଙ୍ଗ୍ ଈଶ୍ପର୍ ମାରି କିସ୍ଟ ଡ଼େମତା!”
ରେମଲେ ପିତର୍ ନା କାତା ଅଙ୍ଗ ମାରି ମାଇ ସୁନକୁନ୍ କାତା ପାଲାଇ ଜବର୍ ଆମାଏ ବାଦ୍ଇଗା।। ଗିତିନ୍ସା ମାଏଲେ ପିତର୍ ମାରି ପାଲ୍ ଆଶିଷ୍ଲେ ପାଚାର୍ଲ, “ବିୟଙ୍ଗ୍ଲେ, ନାଇଲେ ମାଡେଡେମ୍ ଡ଼େନ୍ତା?”
ପିତର୍ ଆମାଏଲେ ଉତର୍ ବେଡ,“ପାପ୍ କେମା ପାଲାଇ ପେ ଆଗାଇରେମ ଈଶ୍ପର୍ନା ଦର୍କାର୍ ଡିତା। ଗିତିନ୍ସା ଗୁଲାଇରେମ ମନ୍ ବାଦଲାୟ ସେ ଯୀଶୁ କିସ୍ଟନା ଅମିବ ଡୁବନ୍ ରୁଙ୍ଗେ। ଆଇତିନ୍ଲ ଈଶ୍ପର୍ ଲନା ଆପେଲେ ପବିତ୍ର ଆତ୍ମାବେତ।
୩୦୦୦ ରେମଲେ,ପିତର୍ ସୁନକୁନ୍ କାତା ବିସ୍ବାସ୍ ଡ଼େମସେ ଯୀଶୁନା ଶିଷ୍ ଡେଙ୍ଗା। ମାଏଲେ ଡୁବନ୍ ରୁଙ୍ଗା ମାରି ଯିରୁଶାଲାମ୍ ବ ଡିକୁନ୍ ମଣ୍ଡଲୀନା ମୁଇ ବାଗ୍ ଡେଙ୍ଗା।
ଶିଷ୍ଲେ ମିରି ଶିକିଆ ବେଡ ବିସ୍ବାସିଲେ ଗୁଲାଇ ବେଲା ଗିତିନ୍ ଶିକ୍ବାର୍ ଡେଙ୍ଗା। ମାଏଲେ ଚନେକ୍ ଚନେକ୍ ମୁଇବ ରୁଣ୍ଡ୍ ବାର୍ ଡେଙ୍ଗା,ମାରି ମୁଇବ ସୁସୁମ୍ ଡେଙ୍ଗା ମାରି ଚନେକ୍ ଚନେକ୍ ପାର୍ତନା ଡେଡେମ୍ ଡେଙ୍ଗା। ମାଏଲେ ମୁଇବ ଈଶ୍ପର୍ନ ପୁଜା ଡେଡେମ୍ବ ସାର୍ଦା ଡ଼େମ, ମାରି ମାଏନା ମାମା ଡିଗା ଗିତିନ୍ ମାଏନ୍ ମାଏନ୍ ଭିତ୍ରେ ବାଟାଲ। ସହର୍ ନା ଗୁଲାଇ ରେମ ଆମାଏ ବାନି ଡସେ ସୁସୁ ଡେଙ୍ଗା। ଦନ୍ କ ଦିନ୍ ଜବର୍ ରେମଲେ ଯୀଶୁନ୍ବ ବିସ୍ବାସ୍ ଡେଡେମ୍ଡେଙ୍ଗା।
ବାଇବଲନା ମୁଇ ଉସାରାମ୍ ;ପ୍ରେରିତ ୧;୧୨-୧୪;୨.
Free to use, adapt, and share under an open license (CC BY-SA 4.0).