44. ୪୪. ପିତର୍ ମାରି ଯୋହନ୍ ଆମୁଇ ବିକ୍ ଲୁଲୁରେମ୍ ବାନିଡେମ୍ତ
ମିସିଙ୍ଗ୍, ପିତର୍ ମାରି ଯୋହନ୍ ଉଣ୍ଡି ଇଡେଙ୍ଗା। ଉଣ୍ତୋତଇଲ ମାଏଲେ ଉଣ୍ଡିନା ଗାରିବ କେଟ୍ଲ,ମାଏଲେ ମୁଇ ଆଚଟା ରେମ୍ ବିକ୍ ଲୁଲୁ ନା ଜୁଲ।
ପିତର୍ ଆଗିତିନ୍ ଚଟାରେମ୍ ଗାରି ଜୁଲସେ ସୁନ, “ବେବେ ପାଲାଇ ନିଙ୍ଗ୍ ବ ଡାବୁ ଆଣ୍ତା। ମାରି ନିଙ୍ଗ୍ନା ମାଡିତା ଗିତିନ୍ ନିଙ୍ଗ୍ ଆନ ବେଡ ନିନିଙ୍ଗ୍। ନାଜରିତିୟ ଜିସୁନ୍ ଅମିବ ତଙ୍ଗ୍ସେ ଉରିଙ୍ଗ୍ !”
ସୁରି ସୁରି,ଈଶ୍ପର୍ ଗିତିନ୍ ଆଚଟା ରେମ୍ ବାନିଡ଼େମ,ମାରି ମାଇ ଚାରବେର୍ତି ଡଗାସେ ଉରିଙ୍ଗ୍ ବାର୍ ମୁଲାୟ। ଉଣ୍ଡିନା ସାର୍ମବ ଡିକୁନ୍ ରେମଲେ କାବା ଡେଙ୍ଗା।
ଆର୍ନା ରେମ ବାନି ଡେଙ୍ଗ୍ ଡିଙ୍ଗା ଆମାଇ ଜୁଜୁ ପାଲାଇ ରେମଲେ ରୁଣ୍ଡ୍ ସେ ସାଗା। ପିତର୍ ଆମାଏଲେ ସୁନ୍, “କନ୍ ରେମ ବାନିଡେଙ୍ଗ୍ କୁନ୍ ସା ପେଲେ ମାପାଲାଇ ଅକନା କାବା ଡେଙ୍ଗ୍ ପେନି? ତୋରଇନା ଶକ୍ତି ମାରି ତରୋଇନା ବାନି ବାଇ କାମ୍ ବେରଙ୍ଗ୍ ନେଲେ ଆଗିତିନ୍ରେମ ବାନି ଡ଼େମ ଆଡିତ୍ନେ। ମାତର୍ କନା ଯୀଶୁ ଜା ମାଇନା ଶକ୍ତି ବେରଙ୍ଗ୍ ଆକନ୍ ରେମ ବାନି ଡ଼େମତା,ମାସାଡନା ନେ ମାଏନ୍ବ ବିସାସ୍ ଡ଼େମ ନେନେ।”
“ପେଲେ ଆକା ଆଯୀଶୁ ଅଗୋଇ ପାଲାଇ ରୋମିୟ ଆଶାସନ୍ ଡେଡେମ୍ ରେମ୍ ସୁନ ଡିଗ୍ପେ। ପେଲେ ଆଜିବନ୍ ବେବେ ରେମ୍ ଅଡାବ ପେ। ମାତର୍ ଈଶ୍ପର୍ ଆମାଇ ଗୋଇକୁନ୍ ନାନେ ତଗ୍ଡ଼ାଗ। ପେଲେ ମାମାଡେମ୍ ଡେଙ୍ଗ୍ ପେ ଗିତିନ୍ ଡେଙ୍ଗ୍ ନାସା ମାମାଗ୍ ଆଗଙ୍ଗ୍ ଡେଙ୍ଗ୍ ପେ, ଡେଙ୍ଗ୍ ନାସା କିସ୍ ଟ ଜେ ଦୁକ୍ ବାଙ୍ଗ୍ ସେ ଗୋଇତା କନ୍ ଆଗ୍ ତୁନ୍ କାତଲେ ସତ୍ ଡେଡେମ୍ ପାଲାଇ ଈଶ୍ପର୍ ଡିକନ୍ ସୁଗ ଡ଼େମ।ଗିତିନ୍ ସା ଅଇକା, ପସ୍ତାଇ ମାରି ଇଶ୍ପର୍ ବ ଲେଉଟ୍ ସାଗା ମିରିକି ପେନ୍ ପାପ୍ ପବିତ୍ର ଡେମ୍ତ।
ପିତର୍ ମାରି ଯୋହନ୍ ମା ସୁସୁ ଡେଙ୍ଗା ଗିତିନ୍ ଅଙ୍ଗ ସେ ମନ୍ଦିର୍ବନ୍ ନେତାଲେ ରିସା ଡେଙ୍ଗା। ଗିତିନ୍ସା ମାଏଲେ ଆମାଏଲେ ସବସେ ବନ୍ଦିଶାଲ୍ ବୁଙ୍ଗ। ମାତର୍ ଜବର୍ ରେମ ପିତର୍ ନା କାତା ଅଙ୍ଗସେ ବିସ୍ବାସ୍ ଡ଼େମ ମାରି ଆଯୀଶୁ ବିସ୍ ବାସ୍ ଡେଡେମ୍ ନା ରେମଲେ ୫୦୦୦ବ କେଟ୍ଗା।
ତୁର୍ଗୁନ୍ ଦିନ୍ ପିତର୍ ଆଯୋହନ୍ ମୁନା ପୁଜାରି ମାରି ପାଲ୍ ଦରମ୍ ଗୁରୁନ୍ ବ ରୁଙ୍ଗ। ମାଏଲ ଆତିନ୍ ରେମଲନା ରୁଙ୍ଗ ଜା ଚଟାନାନେ ପୁରାପୁରି ବାନି ଡେଙ୍ଗ୍ ଡିଗା। ମାଏଲେ ପିତର୍ ମାରି ଆଯୋହନ୍ ପାଚାର୍ଲ,“ଆର୍ ନା ଶକ୍ତି ବେରଙ୍ଗ୍ ପେଲେ ଆକନ୍ ଚଟାରେମ୍ ବାନି ଡ଼େମପେ।”
ପିତିର୍ ଆମାଏଲେ ଉତର୍ ବେଡ,“କନ୍ ରେମ ଯୀଶୁ କିସ୍ଟ ନା ଶକ୍ତି ବେରଙ୍ଗ୍ ବାନି ଡେଙ୍ଗ୍ସେ ତଙ୍ଗ୍ ଗିତା। ପେଲେ ଆଯୀଶୁ କୁରୁସ୍ ବ ଅଡ଼ାଇସପେ,ମାତର୍ ଈଶ୍ପର୍ ଆମାଇ ମାର୍ମୁସ ଜୀବନ୍ ଡ଼େମତା। ପେଲେ ଆମାଇ ଆମାନ୍ତପେ୍ ମାତର୍ ରକିଆ ବାବାଙ୍ଗ୍ ପାଲାଇ ଯୀଶୁନା ଶକ୍ତି ଅନ୍ତୁରସେ ମାରି ଆର୍ନାସା ଗାରି ଆଣ୍ଡା।
ପିତରମାରି ଯୋହନ୍ ଅକନ୍ ବପୁଗ୍ସେ କାତା ସୁଁସୁଁନ୍ ଜୁଲସେ ନେତାଲେ କାବା ଡେଙ୍ଗା ମାସାଡନା ମାଏଲେ ଜୁଲ ଜେ କନେ ଗୁବ୍ସୁବାଇ ରେମଲେ ଜାଲେ ଅଶିକିତ୍ ଡିଗା।ମାତର୍ ତୁର୍ଗୁ ମାଏଲେ ମାଗ ଜେ କନେଲେ ଯିଶୁନ୍ ବେରନ୍ ଡିଗା। ମାଏଲେ ପିତର୍ ମାରି ଆଯୋହନ୍ ଦମ୍ କାୟ ସେ ସୁନ,“ ଯଦି ଆରେମଲେ ଯୀଶୁନା ଅମିବ ଶିକିଆ ବେ ଡିତିନ୍ଲ ଆପେଲେ ଦଣ୍ଡ୍ ବେତ।” ଡିକନ୍ ସୁଗ ଜବର୍ କାତା ସୁନସେ ଆମାଏଲେ ମାଏ ଆନ୍ ତୁର ବେଡ଼।
ବାଇବଲ୍ନା ମୁଈ ଉସାରାମ୍ ପ୍ରେରିତ ୩-୪:୨୨
Free to use, adapt, and share under an open license (CC BY-SA 4.0).