5. ૦૫. વચનનો પોહો

દશ વરી પાઠી ઈબ્રામ ને સારાય કનાન દેશમાં પોહચને તીયાહા હજુ પુણ પોહે નાય હતે ઈબ્રામની ડોહડી સારાય તીયા આયખા આજુ હુધી પરમેશ્વરે માં પોહે દેધેલે નાય ને હવે મે પોહા જનમ ઓફી શકે તી માટે બો ડોહી ઊય ગુવી આય ઈ માણી નોકરાણી હાગાર આહે તુ તાણે હાથે લગન કર કા તાણે થી માણે હારુ પોહે ઊવે

માટે ઈબ્રામ હાગારા હાથે વેવા કયરા પોહે ઊને ને ઈબ્રામે તાણા નામ ઈશ્માયેલ પાયડા પુણ સારાય હાગારની ઈર્ષા કરુ લાગની જ્યાર ઈશ્માયેલ ૧૩ વરી નો ઊનો ત્યાર પરમેશ્વર પાછો ઈબ્રામ હાથે બોલનો

પરમેશ્વરે આયખા મે સર્વશક્તિમાન પરમેશ્વર આહે મે તુણે હાથે વાત કરી તેર ઈબ્રામ જમીન હુધી નમનો પરમેશ્વરે ઈબ્રામા પુણ આયખા તુ ઘણી દેશજાતિઓનો બાહ બની મે તુવા ને તુણા વંશજોહા ઈયા કનાન દેશ તીયાહા વારસા તરીકે દી ને મે સદાકાળ માટે તીયાહો પરમેશ્વર ઊવી તુણે તુણા પરીવારના બધા પુરુષની સુજાત કરુની

તુણે ડોહાડી સારાય યે પોહે ઊવે તો વચનનો પોહો ઊવી તાણા નામ ઈશાહક રાખી જો માણો કરાર તાણી હાથે રાખી ને તો એક મહાન દેશજાતિ બની મે ઈશ્માઈલા પુણ મોટો દેશ જાતિ બનાવી પુણ માણો કરાર ઈસાહક હાથે ઊવી તેરે પરમેશ્વરે ઈબ્રામના નામ બદલી ને ઈબ્રાહિમ થયવા જાણો અર્થ કા ઘણાહો બાહ પરમેશ્વરે સારાય ના નામ બદલી ને સારા પાયડા જાણો અર્થ રાજકુમારી ઊવે

તે દી ઈબ્રાહિમે પોતાયા ઘરના બધા પુરુષોની સુ gGત કરવી એક વષ પાઠીં જેર ઈબ્રાહિમ ૧૦૦ વર્ષનો ને સારા ૯૦ વર્ષની ઊની સારાયે ઈબ્રાહિમના પોહા જનમ ઓયફો તીયાહી તેણા નામ ઈસહાક પાયડા જહા પરમેશ્વરે આખેલા હતા

જ્યાર ઈસહાક જુવાન ઊનો ત્યાર અહા આખી ને ઈબ્રાહિમની પરીક્ષા કયરી તુણો એકનો એક પોહો ઈસહાકા લે ને તીયા માણે હારુ બલીદાન કર પાછી ઈબ્રાહિમે પરમેશ્વરની આજ્ઞા માયની ને પોતાયા પોહા યા બલિદાન માટે તૈયાર ઊનો

જ્યાર ઇબ્રાહિમ ને ઈસહાક બલિદાન ની જગા પાર જાય હતા ત્યાર ઈસહાકે પુયછા બાપા પાહે બલિદાન માટે લાકડા આહે પુણ ઘેટા કા આય ઈબ્રાહિમે જવાબ ઓયફો માણા પોહા પરમેશ્વર બલિદાન હારુ ઘેટા પુરા પાડી

જેર તે બલિદાનની જગા પાર ગુવા ઈબ્રાહિમે તાણા પોહા ઈસહાકા બાયધો ની તીયા વેદી પાર નીધાયડો જ્યાર તો તાણો પોહા મારુ લાગ જાય હતો ત્યારીજ પરમેશ્વરે આયખા ઊભો ર પોહા કાંઈ કરે નખે હવે મે જણે તાય કા તુ માણો થી બીયે તાય ને તુવે પોતાયો એકનો એક પોહો માણેથી પાછો નાય રાયખો

તાંજ ઈબ્રાહિમા પાહે ઝાડીમાં ફસાયેલા ઘેટા હેયરા પરમેશ્વરે ઈસહાકાઈ જગાયે ઘેટા બલિદાન તરીકે પુરા પાયડા ઈબ્રાહિમ ખુશીથી ઘેટા બલિદાન રીતે માયના

તેજ પરમેશ્વરે ઈબ્રાહિમા આયખા કારણ તુ માં બધા ઓફુલાગ ઈચ્છા રાખે તાય તા હુધી કા તુણો એક એકનો પોહો માટે મે તુવા આશીર્વાદ કરુના વચન દેય તાય તુણા વંશજો આકાશ ના તારા કરતા અધિક ઊવી કારણ કા તુવે માણી આજ્ઞા માયની જગતને બધે પરીવાર તુણે પરીવાર થી આશીર્વાદ ઊવી