24. ୨୪- ଜଅନ୍ ଜିସୁଙ୍ଗ୍ ବାପ୍ତିସନ୍ ସିନଣ୍ତ୍
ଜିକରିୟ ଆରେ ଇଲିସାବେତ୍ନେ ସେପାଲ୍ ଜଅନ୍ ବେର୍ଟଣ୍ତ୍ ଏରି ଉକୁର୍ ବାବବାଦି ଏନଣ୍ତ୍, ଅଣ୍ତ୍ ମରୁବାସେନ୍ ବାସେ ଏନଣ୍ତ୍, ବନ୍ଟେ ତିନ୍ ଆରେ ସିଟ୍କାଲ୍ ତିନିନଣ୍ତ୍, ଆରେ ଉଟ୍ ତଲ୍ନା ତିୟାର୍ ଏରଣ୍ତି ବସ୍ତର୍ ନୁଡୁନଣ୍ତ୍।
ପେଙ୍ଗୁର୍ତୁଲ୍ ଲକ୍ ଜଅନ୍ନେ ପାଟେ ୱେନିଙ୍ଗ୍ ମରୁବାସେଟୁକ୍ ୱାରିନର୍, ଅଣ୍ତ୍ ଆୟ୍ଲକୁଙ୍ଗ୍ ପର୍ସାର୍ କେଇ ପକେଣ୍ତ୍ ମନ୍ ମାଣ୍ତ୍ପୁର୍ ମାପ୍ରୁନେ ରାଜି କାକେଲ୍ ଏଦେଟେ”
ଲକ୍ଗୁଲ୍ ଏସେବେଲ୍ ଜଅନ୍ନେ ପାଟେ ୱେଟର୍, ଆୟ୍ଲକୁଙ୍ଗ୍ ପେଲ୍ଟୁକ୍ ପେଙ୍ଗୁର୍ତୁଲ୍ ପାପ୍ଟୁକ୍ ପରିବର୍ତନ୍ ଏନର୍, ଆରେ ଜଅନ୍ ଆୟ୍ଲକୁଙ୍ଗ୍ ବାପ୍ତିସ୍ମା ସିନଣ୍ତ୍। ପେଙ୍ଗୁର୍ତୁଲ୍ ଦରମ୍ ନେତାଲକ୍ମେନ୍ ଜଅନ୍ କାକେଲ୍ ବାପ୍ତିସ୍ମ ଉକୁଙ୍ଗ୍ ପାୟିଟ୍ ୱାନର୍, ମାତର୍ ଆୟ୍ଲକ୍ ମନ୍ ପରିବର୍ତନ୍ କେୟାମାଟର୍ ଆରେ ଆୟ୍ଲକ୍ନେ ପାପ୍ ସାକାରା ମାଟର୍।
ଜଅନ୍ ଆୟ୍ ଦରମ୍ ନେତାଲକୁଙ୍ଗ୍ ପକେଣ୍ତ୍, “ଏ ଏତ୍ବାମ୍ନେ କୁଲ୍ ମନ୍ମାଣ୍ତ୍ପୁର୍ ଆରେ ଇମ୍ଗୁଲ୍ନେ କାମେ ମନ୍ପରିବର୍ତନ୍ କେୟୁର୍, ଏରେମାରିନ୍ ବଲ୍ଟେ ପଲ୍ ପାତା ଆଦିଙ୍ଗ୍ କାତି କାରିଏଦା ଆରେ କିସ୍ତିନ୍ ସାଟି କାରିଏଦା।” ବାବବାଦି କିଲ୍ ଏନାଦ୍ ଏନାଦ୍ ଆଦିନ୍ ବିସୟରେନ୍ ପକିମାଟର୍ ଜଅନ୍ ଆଦ୍ ସପଲ୍ କେନଣ୍ତ୍, “ସୁର୍, ଆନ୍ ଇମ୍ଆଗାଡି ଆନ୍ ଦୁତ୍ଗୁଲୁଙ୍ଗ୍ ସୟୁକିଦାନ୍ ଏଇର୍ ଇନେ ପାୱ୍ ତିୟାର୍ କେଦାର୍।”
ଏଙ୍ଗୁର୍ତୁଲ୍ ଜିଉଦିଲକ୍ ଜଅନୁଙ୍ଗ୍ ଇନ୍ କିସ୍ଟ କି ଏଞ୍ଜି ପାସାର୍ତର୍, ଜଅନ୍ ଉତର୍ସିନଣ୍ତ୍, “ଆନ୍ କିସ୍ଟ ଏରାନ୍, ମାତର୍ ଆନ୍ କୁଣ୍ତେଲ୍ ଉକୁର୍ ୱାରିଦାଣ୍ତ୍, ଅଣ୍ତ୍ ପେରିନ୍ ବେର୍ଟଣ୍ତ୍ ଜେ ଅଣ୍ତୁନେ ପାଦ୍ଟେ ପାଣ୍ତୟ୍ନେ ତରୁ ପୁସ୍କୁଙ୍ଗ୍ ଜଗିୟ ଏରାନ୍।”
ଆରେକୁଟ୍ ସିରିସ୍ ଜଅନୁଙ୍ଗ୍ ପେଲ୍ ବାପ୍ତିସ୍ମ ଏରିଙ୍ଗ୍ ପାଇଟ୍ ଜିସୁ ୱାନଣ୍ତ୍, ଜନ୍ ଏସେବେଲ୍ ଅଣ୍ତୁଙ୍ଗ୍ ସୁଡେଣ୍ତ୍, ଅଣ୍ତ୍ ପକେଣ୍ତ୍, “ଇଦି ସୁର୍! ମାପ୍ରୁନେ ମେଣ୍ତାପାପ୍ ଏଣ୍ଡ୍ କି ଜଗତ୍ଟେ ପାପ୍ ପାଟିନ୍ କାଞ୍ଜି ପାତିସେୟାଣ୍ତ୍।
ଜଅନ୍ ଜିସୁଙ୍ଗ୍ ପକେଣ୍ତ୍, “ଇନୁଙ୍ଗ୍ ବାପ୍ତିସ୍ମ ସିଗିଙ୍ଗ୍ ପାୟିଟ୍ ଆନ୍ ଜଗିୟ୍ ଏରାନ୍। ମାତର୍ ଇନ୍ ଆନୁଙ୍ଗ୍ ବାପ୍ତିସ୍ମ ସିଗିଙ୍ଗ୍ ଦର୍କାର୍।” ମାତର୍ ଜିସୁ ପକେଣ୍ତ୍, “ଇନ୍ ଆନୁଙ୍ଗ୍ ବାପ୍ତିସ୍ମ ସିଗିଙ୍ଗ୍ ଦର୍କାର୍, ଇ ୱାଡିନ୍ ପାଟିନ୍ ଦରମ୍ ପୁରା ଏଦା ଆଦିଙ୍ଗ୍ ପାୟିଟ୍ ଜଅନ୍ ଜିସୁଙ୍ଗ୍ ବାପ୍ତିସ୍ମ ସିନଣ୍ତ୍, ମାପ୍ରୁ ଏସେଲ୍ମେନ୍ ପାପ୍ କେୟାଣ୍ତ୍।”
ବାପ୍ତିସ୍ମ ଉଦାନ୍ କୁଣ୍ତେଲ୍ ଏସେବେଲ୍ ଜିସୁ ନିର୍ଟୁକ୍ ସିଲ୍ସି ୱାନଣ୍ତ୍, ମାପ୍ରୁନେ ଆତ୍ମା ଉକୁଟ୍ ପାରାୱେ ୱାଡିନ୍ ତଟ୍ସି ଏନେ ଆରେ ଆଦ୍ ମୁତୁଲ୍ ଇଡ୍ଗି ୱାରି ଜିସୁଙ୍ଗ୍ ପୟ୍ତାନ୍ ଉଣ୍ତେଟେ। ଆୟ୍ ସମୟ୍ରେନ୍, ମାପ୍ରୁନେ ଆୱ୍ଲି ମଗୁଲ୍ଟୁକ୍ ୱେଞ୍ଜିଏନେ ଆରେ ପକେଣ୍ତ୍, “ଇନ୍ ଆମେ ଲାଡ୍ଟେ ସିଣ୍ତ୍ ଇନ୍ ପେଲ୍ ଆମେ ପେରିନ୍ କିର୍ନ୍ଦେ।”
ମାପ୍ରୁ ଜଅନୁଙ୍ଗ୍ ପକିମାଟଣ୍ତ୍, “ଇନ୍ ଏଇରୁଙ୍ଗ୍ ବାପ୍ତିସ୍ମ ସିଦାଟ୍ ଅଣ୍ତୁଙ୍ଗ୍ ପେଲ୍ ପବିତ୍ର ଆତ୍ମା ୱାଦା ଆରେ ସେୟ୍ଦା। ଆୟ୍ ଲକ୍ ମାପ୍ରୁନେ ସିଣ୍ତିଲ୍। ମାତର୍ ଉକ୍ଟି ମାପ୍ରୁ ମାୟାଣ୍ତ୍। ମାତର୍ ଜଅନ୍ ଏସେବେଲ୍ ଜିସୁଙ୍ଗ୍ ବାପ୍ତିସ୍ମ ସିନଣ୍ତ୍, ଅଣ୍ତ୍ ମାପ୍ରୁନେ ପାର୍କଣ୍ତି ୱେଟଣ୍ତ୍, ମାପ୍ରୁନେ ସିଣ୍ତ୍ ଜିସୁଙ୍ଗ୍ ସୁଡେର୍, ଆରେ ପବିତ୍ର ଆତ୍ମାଙ୍ଗ୍ ସୁଡେର୍।
ବାଇବଲ୍ଟେ ଉକୁଟ୍ କେରାଲ୍ : ମାତିଉ ୩; ମାର୍କ ୧: ୯-୧୧; ଲୁକ ୩: ୧-୨୩
Free to use, adapt, and share under an open license (CC BY-SA 4.0).