25. ୨୫- ସୟତାନ୍ ଜିସୁଙ୍ଗ୍ ପରିକିୟା କେନେ
ଜିସୁ ବାପ୍ତିସନ୍ ଏଦାନ୍ ଦାପ୍ରେନ୍ ପବିତ୍ର ଆତ୍ମା ଅଣ୍ତୁଙ୍ଗ୍ ମରୁବାସେନ୍ ପାତିସେଣ୍ତେ, ଆମାନ୍ ଅଣ୍ତ୍ ସାଲିସ୍ଦିନ୍ ସାଲିସ୍ ରାତି ଉପବାସ୍ କେନଣ୍ତ୍, ଆଟେଲ୍ ସୟତାନ୍ ଜିସୁନ୍ କାକେଲ୍ ୱାରି ଅଣ୍ତୁଙ୍ଗ୍ ପାପ୍ କେଗିଙ୍ଗ୍ ଆସା ତଟ୍ତେ।
ସୟ୍ତାନ୍ ଇଦ୍ ପକି ଜିସୁଙ୍ଗ୍ ଆସାକେନେ, “ଜଦି ଇନ୍ ମାପ୍ରୁନେ ସେପାଲ୍, ଇ କାଣ୍ଡ୍କିଲିଙ୍ଗ୍ ରୁଟି ଏରିଙ୍ଗ୍ ଆଦେସ୍ସି!”
ଜିସୁ ଉତର୍ ସିନଣ୍ତ୍ ମାପ୍ରୁନ୍ ବାକିୟନ୍ ଲେକା ମା, ନର୍ଲକ୍ ମାତର୍ ରୁଟିନାଟ୍ ପିୟାର୍ ମାତର୍ ମାପ୍ରୁନେ ସଲୁଟୁକ୍ ପେପଣ୍ତି ପାଟିନ୍ ବାକିୟ ଟୁକ୍ ପିୟିଦାଣ୍ତ୍।
ଆଦିଙ୍ଗ୍ କୁଣ୍ତେଲ୍ ସୟ୍ତାନ୍ ମନ୍ଦିର୍ ପୟ୍ତାନ୍ ଉୟି ଅଣ୍ତୁଙ୍ଗ୍ ପକେଟେ, “ଇନ୍ ଜଦି ମାପ୍ରୁନେ ସେପାଲ୍ ଆଟେକଡ୍ କିଡିନ୍ ୱାଲ୍, ମାତର୍ ଲେକାମା ଇନେ ପାଦିଙ୍ଗ୍ ଏଟେନ୍ କି କାଣ୍ତ୍କିଲ୍ତିନ୍ ପାରିଙ୍ଗ୍ ମାନା ପାୟିଟ୍ ଆୱ୍ଗୁଲ୍ ଇନୁଙ୍ଗ୍ କି ନା ତେଟ୍ସି ପାତିଙ୍ଗ୍ ମାପ୍ରୁ ଦୁତ୍ଗୁଲୁଙ୍ଗ୍ ଆଦେସ୍ ସିଦାଣ୍ତ୍।
ମାତର୍ ଜିସୁ ଶାସ୍ତର୍ଟେ ପେଲ୍ଟୁକ୍ ସୟ୍ତାନିଙ୍ଗ୍ ଉତର୍ ସିନଣ୍ତ୍। ଅଣ୍ତ୍ ପକେଣ୍ତ୍ ମାପ୍ରୁନେ ବାକିୟନ୍, ଅଣ୍ତ୍ ଅଣ୍ତୁନେ ଲକ୍ଗୁଲୁଙ୍ଗ୍ ଆଦେସ୍ ସିଦାଣ୍ତ୍। ଇମେ ମାପ୍ରୁଙ୍ଗ୍ ପରିକିୟା କେମେର୍।
ଆଦିଙ୍ଗ୍ କୁଣ୍ତେଲ୍ ସୟ୍ତାନ୍ ଜଗତ୍ଟେ ପାଟିନ୍ ରାଜିଙ୍ଗ୍ ଆରେ ଆୱ୍ଗୁଲ୍ ପାଟିନିଙ୍ଗ୍ ତଟ୍ସି ପକେଣ୍ତ୍, “ଇନ୍ ଜଦି ୱାଙ୍ଗୁସୁଲ୍ କୁଟି ଜୁଆର୍ କେଦାଟ୍ ଆଟେଲ୍ ଆନ୍ ଇ ପାଟିନ୍ ଇନୁଙ୍ଗ୍ ସିଦାନ୍।”
ଜିସୁ ଉତର୍ ସିନଣ୍ତ୍, “ଦୁର୍ ଏରେ ସୟ୍ତାନ୍! ମାପ୍ରୁଙ୍ଗ୍ ବାକିୟନ୍ ଲକୁଙ୍ଗ୍ ପକିଏରିମା ଇମ୍ ଇମେ ମାପ୍ରୁଙ୍ଗ୍ ଇ ଉପାସନା କେୟୁର୍ ଆରେ ଅଣ୍ତୁନେ ସେବା କେୟୁର୍।”
ଜିସୁ ସୟ୍ତାନ୍ନେ ଲାଲ୍ସାଙ୍ଗ୍ ନିଜେନିଙ୍ଗ୍ ସର୍ପାଏରୁଟଣ୍ତ୍, ଆଦିଙ୍ଗ୍ ସୟତାନ୍ ଅଣ୍ତୁଙ୍ଗ୍ ସାକାରି ପେସିସେଣ୍ତେ। ଆଦିଙ୍ଗ୍ କୁଣ୍ତେଲ୍ ଦୁତ୍ଗୁଲ୍ ୱାରି ଜିସୁଙ୍ଗ୍ ସେବା କେନେୱ୍।
ବାଇବଲ୍ଟେ ଉକୁଟ୍ କେରାଲ୍ : ମାତିଉ ୪: ୧-୧୧; ମାର୍କ ୧:୧୨-୧୩; ଲୁକ ୪:୧-୧୩
Free to use, adapt, and share under an open license (CC BY-SA 4.0).