36. ୩୬- ଜିସୁନେ ରୁପ୍ ବାଦ୍ଲା ଏରଣ୍ଡି
ଦିନେକ୍, ଜିସୁ ଅଣ୍ତୁନେ ସିସୁତୁଲୁଙ୍ଗ୍ ପେଲ୍ଟୁକ୍ ତିନ୍ଲକ୍ ପିତର୍, ଜାକୁବ ଆରେ ଜଅନୁଙ୍ଗ୍ ଅଣ୍ତୁନେ ମିସ୍ତେନ୍ ଆର୍ଗି ଉନଣ୍ତ୍। (ଜଅନ୍ ପିଦିର୍ଟଣ୍ତ୍ ଜିସୁନେ ସିସୁ ଆରେ ଜିସୁଙ୍ଗ୍ ବାପ୍ତିସ୍ମା ସିୟାକ୍ ଜଅନ୍ ଉକୁରି ଏରାଣ୍ତ୍ )ଆୟ୍ଲକ୍ ନିଜେନ୍ ପାର୍ତନା କେଗିଙ୍ଗ୍ ପାୟିଟ୍ ଉକୁଟ୍ ପେରିନ୍ ଉସାଟେ କପେଲ୍ ସେୟର୍।
ଜିସୁ ଏସେବେଲ୍ ପାର୍ତନା କେଗିନଣ୍ତ୍, ଅଣ୍ତୁନେ ପନ୍ଦ୍ ୱେଲେ ୱାଡିନ୍ ୱିଣ୍ତ୍ ଏନେ ଆରେ ଅଣ୍ତୁନେ ବସ୍ତର୍ ୱିଣ୍ତ୍ ୱାଡିନ୍ ୱିଲେଦ୍ ଏନେ, ଏଇର୍ ମେନ୍ ପୁର୍ତିନ୍ ମାନଣ୍ତି ଲକ୍ କେଗିଙ୍ଗ୍ ଅଡାର୍।
ଆଦିଙ୍ଗ୍ କୁଣ୍ତେଲ୍ ମସା ଆରେ ଏଲିୟ୍ ତଣ୍ତେର୍। ଇ ଜଡେକ୍ ଲକ୍ ଇ ଗଟନାଟେ ସହ ସହ ବରସ୍ ଆଗାଡି ଇ ପୁର୍ତିନ୍ ମାଟର୍। ଆୟ୍ଲକ୍ ଜିସୁନା ଆୟ୍ଲକ୍ନେ ସାୟଣ୍ତି ବିସୟରେନ୍ ପାର୍କିନର୍, ଏରେଦ୍ ଜିରୁସାଲମ୍ତୁନ୍ ଦାପ୍ରେନ୍ ଗଟ୍ଏରିଙ୍ଗ୍ ମାଟେ।
ଏସେବେଲ୍ ମସା ଆରେ ଏଲିୟ ଜିସୁନା ପାର୍କାପାର୍କି ଏରିନର୍, ପିତର୍ ଜିସୁଙ୍ଗ୍ ପକେଣ୍ତ୍, “ଆମ୍ଗୁଲ୍ ଜେ ଇମାନ୍ ମାୟାମ୍, ଇଦ୍ ନିୟା। ଆମ୍ଗୁଲ୍ ତିନ୍ଗଟା କୁଡ଼଼େଲ୍ ତିୟାର୍ କେଦାମ୍, ଇନୁଙ୍ଗ୍ ପାୟିଟ୍ ଉକୁଟ୍, ମସାଙ୍ଗ୍ ପାୟିଟ୍ ଉକୁଟ୍ ଆରେ ଏଲିୟଙ୍ଗ୍ ପାୟିଟ୍ ଉକୁଟ୍।” ପିତର୍ ଏନାଏନ୍ନଣ୍ତ୍ ଆଦ୍ ଅଣ୍ତ୍ ପୁନୁଟଣ୍ତ୍।
ଏସେବେଲ୍ ପିତର୍ ପାଟେ ପକୁନଣ୍ତ୍, ଉକୁଟ୍ ୱିଣ୍ତ୍ଟେ ମଗୁଲ୍ ମୁତୁଲ୍ ୱାନେ ଆରେ ଆୟ୍ଲକୁଙ୍ଗ୍ ଆଦ୍ ଡାବାସି କାରେଟେ ଆରେ ମଗୁଲ୍ଟୁକ୍ ଇ ପଲେ ୱାନେ, “ଏ ଆମେ ଲାଡ୍ଟେ ସେପାଲ୍ ଏଇରୁଙ୍ଗ୍ ଆମ୍ ଲାଡ୍ କେନମ୍। ଆଣ୍ତୁଙ୍ଗ୍ ପେଲ୍ ଆମେ କିର୍ଦେ। ଅଣ୍ତୁନେ ୱେଣ୍ତୁର୍।” ଇ ତିନ୍ଲକ୍ ସିସୁତୁଲ୍ ନାର୍ସି ସେଞ୍ଜି ବାସେନ୍ ଇଲିମାଟର୍।
ଆଦିଙ୍ଗ୍ କୁଣ୍ତେଲ୍ ଜିସୁ ଆୟ୍ଲକୁଙ୍ଗ୍ ମେର୍ତଣ୍ତ୍ ଆରେ ପକେଣ୍ତ୍ ନାରିସ୍ମେର୍। ସିଲ୍ପୁର୍। ଆୟ୍ଲକ୍ ଏସେବେଲ୍ ସାରିବେଡ୍ତେନ୍ ସୁଡେର୍, ଆୟ୍ଲକ୍ ଜିସୁଙ୍ଗ୍ ଇ ସୁଡେର୍।
ଜିସୁ ଆରେ ଅଣ୍ତୁନେ ତିନ୍ଲକ୍ ସିସୁତୁଲ୍ କପେ କିଡିନ୍ ଇଡିଗି ୱାନର୍। ଆଦିଙ୍ଗ୍ କୁଣ୍ତେଲ୍ ଜିସୁ ଆୟ୍ଲକୁଙ୍ଗ୍ ପକେଣ୍ତ୍ “ଇମାନ୍ ଏନାଦ୍ ଗଟ୍ଏନେ ଆଦ୍ ଏରୁଙ୍ଗ୍ ପକ୍ମେର୍। ଆନ୍ ଦାପ୍ରେନ୍ ସାଦାନ୍ ଆରେ ଆରେତରେକ୍ ଜିୱେ ଏଦାନ୍। ଆଦିଙ୍ଗ୍ କୁଣ୍ତେଲ୍, ଇମ୍ଗୁଲ୍ ଲକ୍ଗୁଲୁଙ୍ଗ୍ ପକୁର୍।”
ବାଇବଲ୍ଟେ ଉକୁଟ୍ କେରାଲ୍ : ମାତିଉ ୧୭:୧-୨; ମାର୍କ ୯:୨-୮; ଲୁକ ୯:୨୮
Free to use, adapt, and share under an open license (CC BY-SA 4.0).