11. ନିସ୍ତାର ପାର୍ବୁ

ମାହାପୁରୁ ଫାରୋଇଁ ତେଲ୍ହାଲି ୱେସ୍ତେସି ଯେ ଏୱାସି ଇସ୍ରାଏଲ ଲୋକୁଣି ହାଜାଲି ହିୟାଃଆସାରେ, ଆତିସାରେ ଏୱାସି ଲୋକୁ ଅଡ଼େ ପଶୁଁତି ବାରେ ନକେଏ ଜାର୍ନା ଆନାଣୀଇଁ ପାୟିନେସି । ଫାରୋ ଏଚିବେଲା ଇଦାଣି ୱେଚେସି ଏୱାସି ଆତିହିଁ ଜିକେଏ ନାମାଲି ଅଡ଼େ ମାହାପୁରୁତି କାତା ତଲେ ତାକାଃଦୁ ଇଚେସି ।

ତାନି ତାଣା ଏମିନିଗାଟାରି ନାମିତେରି ମାହାପୁରୁ ଏୱାରାଇଁ ନକେଏ ଜାର୍ନା ଆନାଇଇଁ ଗେଲ୍ପିନି ର ସୁତ୍ର ହିତେସି । ବାରେ ଇଲୁ କୁଟମିଇଁ ର ମେଣ୍ଡାଇଁ ଆଚାହାଁ ତାଂଗେ ପାୟାଲି ଲାଗିତେ ।

ମାହାପୁରୁ ଇସ୍ରାଏଲ ଲୋକୁଣି ମେଣ୍ଡା ଡାଲୁତି କାସା ଚାଚାହାଁ ତାମି ଇଲୁ ଦୁୱେର୍ ବନ୍ଦୁତି ସାରିୱାକି ଉସ୍ପାଲି ଜଲିତେସି, ଅଡ଼େ ଉଙ୍ଗା ହୁଡାହାଁ ଅଡ଼େ ରୁଟି ଜିକି ଚିଞ୍ଜାଲି ଏଲେଇଚେସି । ଏୱାରି ଚିଞ୍ଜାଲି ଆଡିତି ଜେଚ ମିଶରତି ପିସାଲି ତାକି ତିଆର୍ ଆହାଲିତାକି ୱେସାମାଚେସି ।

ମାହାପୁରୁ ଏନିକି ଏୱାରାଇଁ କିହାଲି ତାକି ହୁକୁମ୍ ହିହାମାଚେସି ଇସ୍ରାଏଲ ଲୋକୁ ବାରେ କାମା କିତେରି । ମାଜା ନେକେରିତା, ମାହାପୁରୁ ମିଶରଟିଏ ହାଜାହାଁ ନକେଏ ଜାର୍ନା ଆତି ବାରେଇଁ ପାଇତେରି ।

ଇସ୍ରାଏଲ ଲୋକୁ ଇଲୁତି ଦୁୱେର୍ ବନ୍ଦୁ ସାରିୱାକି କାସା ଆହାମାଚେ, ଏଦାଆଁ ତାକି ମାହାପୁରୁ ଏଦାଣୀ ପିସ୍ତୁସ୍ତେସି । ଇଲୁ ବିତ୍ରା ବାରେ ଗେଲ୍ପିଆତେରି । ମେଣ୍ଡାତି କାସା ତାକି ଏୱାରି ଗେଲ୍ପି ଆହାମାଚେରି ।

ମାତ୍ର ମିଶରତି ଲୋକୁ ମାହାପୁରୁଇଁ ଅଡ଼େ ତାନି ହୁକୁମ୍ ଇଁ ନାମାଃତେରି । ମାହାପୁରୁ ମିଶରତିଲୋକୁଣୀ ବାରେ ନକେଏ ଜାର୍ନା ଆତାରାଇଁ ପାଇତେରି ।

ବାରେ ମିଶରତିଲୋକୁ ବାରେ ନକେଏ ଜାର୍ନା ଆତି ନର ହାତେରି, ଜେଲିତା ନକେଏ ଜାର୍ନା ଆତିଟିଏ ଫାରୋତି ନକେଏ ଜାର୍ନା ଆତାରି ବାରେ ହାତେରି । ହାରେକା ମିଶରତାରି ତାମି ହାରେକା ଦୁକୁ ତାକି ଡ଼ିତେରି ଅଡ଼େ ହାରେକା ଦୁକୁ କିହାମାଚେରି ।

ଏ ଲାଆଁ ଫାରୋ ମୋଶା ଅଡ଼େ ହାରଣଇଁ ହାଟାହାଁ ଏଲେଇଚେସି,” ଇସ୍ରାଏଲତି ଲୋକୁଣି ଅହାଁ ଜିକି ମିଶର ପିସାହାଁ ହାଜୁ !” ମିଶରତି ଲୋକୁ ଜିକେଏ ଇସ୍ରାଏଲତିଲୋକୁଣି ରେଟୁଏ ହାଜାଲିତାକି ଜଲିତେସି ।