4. ଅବ୍ରାହାମ ତଲେ ମାହାପୁରୁତି କାତା

କ୍ଡ଼ୁପ୍ନି ୱାରୁତି ହାରେକା ବାର୍ଷା ଡାୟୁ ଦାର୍ତିତା ହାରେକା ଲୋକୁ ଡ଼ୟାଲି ମାଠ୍ହେରି ଅଡ଼େ ଏଲୋକୁ ରଣ୍ଡିଏ ବାଷା ତଲେ କାତା ଆହିମାଚେରି । ମାହାପୁରୁ ଜଲିତି ଲେହେଁ ଦାର୍ତିଇଁ ଏପା କିନି ବାଟା, ଏ ଲୋକୁ ବାରେ ରଣ୍ଡି ଆହାଁ ର ଗାଡ଼ା ତିଆର୍ କିହାଲି ମାଠ୍ହେରି ।

ଏଲୋକୁ ହାରେକା ଗର୍ବି ମାଚେରି ଅଡ଼େ ମାହାପୁରୁତି କାତାତି ମନ ହିହାଲାଃତେରି । ଏୱାରି ଲାକପୁରୁ ଏଗା ହାଜାଲି କାଜା ଗାଡ଼ା ତିଆର୍ କିହିମାଚେରି । ମାହାପୁରୁ ମେସ୍ତେସି ଯେ, ଏୱାରି ଲାଗେଃ କାମା କିହିଁ ଡ଼ଇନେରି, ଆତିସାରେ ଏୱାରି ହାରେକା ପାପୁଗାଟି କାମା କିନେରି ।

ଏଦାଆଁ ତାକି ମାହାପୁରୁ ତାମି ଜକଡ଼ିଇଁ ହାରେକା ଜକଡ଼ିତା ବାଦ୍ଲି କିତେସି ଅଡ଼େ ଦାର୍ତିତି ହାରେକା ଟାୟୁତା ଏୱାରାଇଁ ଏପା କିତେସି । ଆମ୍ନିଗାଟି ଗାଡ଼ା ଏୱାରି ଗାଡ଼ି କିହାଲି ମାଠ୍ହାମାଚେରି, ଏ ଦରୁ ବାବିଲ୍ ମାଚେ । ଏଦାନି ଅର୍ତ “ତିରି ଆଆ ଗାଟାଇ” ।

ମାଣା ମାଣା ବାର୍ଷା ଡାୟୁ, ର ଲୋକୁ, ଅବ୍ରାମ ତଲେ ମାହାପୁରୁ କାତା ଆତେସି ମାହାପୁରୁ ତାଂଗେ ଜଲିତେସି, “ନିନୁ ନି ଇଜତି ଲୋକୁ ଅଡ଼େ ନି ଦେଶା ପିସାନାଁ ନାନୁ ଏମିନି ଦେଶା ତସ୍ତାଇଁ, ଏ ଦଶାତା ହାଲାମୁ । ନାନୁ ନିଂଗେ ବର ହିୟାଇଁ ଅଡ଼େ ନିଙ୍ଗ କାଜା ଦେଶା କିୟାଇଁ । ନାନୁ ନି ଦରୁଇଁ ୱେଙ୍ଗି କିଇଁ ଆମିନି ଗାଟାରି ନିଂଗେ ବର ହିୟାନେରି, ନାନୁ ଏୱାରାଇଁ ବର ହିଇଁ, ଆମିନିଗାଟାରି ବାକା ଇଟାନେରି, ଏୱାରାଇଁ ବାକା ହିଇଁ । ମି ତାକି ଦାର୍ତିତି ଲୋକୁ ବାରେ ବର ବେଟା ଆନେରି ।”

ଅଡ଼େ ଅବ୍ରାମ ମାହାପୁରୁତି କାତା ମାନ ଆତେସି । ଏୱାସି ତାନି ଡକ୍ରୀ ସାରୀଇଁ ଅତେସି, ତାନି ହଲିଆଣି ଅଡ଼େ ଆମ୍ନିଗାଟାଇ ତାନିୱାଇ ମାଚେ ଏୱା ବାରେ ଅହାଁ ମାହାପୁରୁ ଆମ୍ନି ଗାଟି ଦେଶା ତସାମାଚେସି, ଏ “କିଣାନ” ଦେଶାତା ହାଚେସି ।

ଏଚିବେଲା ଅବ୍ରାମ କିଣାନ ଏତେସି, ମାହାପୁରୁ ଜଲିତେସି, “ନି ସାରିୱାକି ସିନିକିମୁ । ଆମିନାଣି ନିନୁ ମେସାଲି ଆଡିଞ୍ଜି, ଇ ବାରେ ଟାୟୁ ନାନୁ ନିଙ୍ଗେ ଅଡ଼େ ନି କୁଟୁମି ତାକି କିନିଲେ ହିୟାଇଁ । ଏଦାଆଁ ଜେଚ ଅବ୍ରାମ ଏ ଟାୟୁତା ବାସା କିତେସି ।

ର ଦିନା, ଅବ୍ରାମ କାଜା ମାହାପୁରୁତି ଯାଜକ, ମଲକୀସେଦକଇଁ ବେଟା ଆତେସି । ମଲକୀସେଦକ ଅବ୍ରାମଇଁ ବର ହିତେସି ଅଡ଼େ ଏଲେଇଚେସି, ଲାକପୁରୁ ମାନି ମାହାପୁରୁ ଆମ୍ବାଃଆସି ଲେକପୁରୁ ଅଡ଼େ ଦାର୍ତିତି ବାରେ ଗାଡ଼ି କିତାସି, ଅବ୍ରାମଇଁ ବର ହିପେସି । ତାନିଜେଚ ଅବ୍ରାମ ତାନି ବାରେତି ଦଶମାଂଶ ମଲକୀସେଦକଇଁ ହିତେସି ।

ହରେକା ବାର୍ଷା ହାଚେ, ମାତ୍ର ଇ ପାତେକା ଅବ୍ରାମ ଅଡ଼େ ସାରୀଇଁ ମାସ୍କାମିର୍କା ହିଲାଃତୁ । ମାହାପୁରୁ ଅବ୍ରାମଇଁ ୱେଣ୍ଡେଏ କାତା ଇଟାହାଁ ଜଲିତେସି ଯେ ତାନି ର ମିର୍ଏସି ଆନେସି ଅଡ଼େ ତାନି ଗଚି ହାଗୁତି ହୁକାଁ ଲେହେଁ ଆନେରି । ମାହାପୁରୁତି କାତାଇଁ ଅବ୍ରାମ ନାମିତେସି । ମାହାପୁରୁ ଅବ୍ରାମଇଁ ଦାର୍ମୁଗାଟାସି ଇଞ୍ଜି ୱେଙ୍ଗି କିତେସି, ଏନାଆତାକି ଇଚିସାରେ ଏୱାସି ମାହାପୁରୁତାଣା ନାମିତେସି ।

ଅଡ଼େ, ମାହାପୁରୁ ଅବ୍ରାମ ତଲେ ର ମେରା କେପିତେସି । ରି ଦଲ ବିତ୍ରା ର କାତା ଇଟାଲି ତାକି ର ମେରା । ମାହାପୁରୁ ଜଲିତେସି, ନି ଆଂଗାଟି ନାନୁ ନି ତାକି ର ମିର୍ଏଣାଇଁ ହିୟାଇଁ । ମି ଗଚିତାରାଇଁ ନାନୁ “କିଣାନ” ଦେଶା ହିୟାଇଁ । ମାତ୍ର ଏ ପାତେକା ଅବ୍ରାମ ମିର୍ଏସି ହିଲାଃତେସି ।