44. ପିତର ଅଡ଼େ ଯୋହନ ର ରିସ୍ପା ତିନାଣାଇଁ ନେହି କିନେରି

ର ଦିନା, ପିତର ଅଡ଼େ ଯୋହନ ମନ୍ଦିରତା ହାଜି ମାଚେରି । ଏୱାରି ଏଚିବେଲା ମନ୍ଦିର ଡୁକୁ ନକିତା ହାଚେରି, ଏୱାରି ର ଶଟାଇଁ ରିସିମାନାଣୀଁଇଁ ମେସ୍ତେରି ।

ପିତର ପଙ୍ଗୁ ଗାଟାଣା ୱାକି ମସ୍ତେସି “ହିହାଲି ତାକି ନା ତାଣା ଡାବୁଁ ହିଲାଃଉ । ମାତ୍ର ନା ତାଣା ଏନାଇ ମାନେ ଏଦାଆଁ ନାନୁ ହିହି ମାଞ୍ଜାଇଁ । ନାଜରିତତି ଯୀଶୁ ଦରୁ ତଲେ ନିଙ୍ଗା ତାକାମୁ!”

ସାଣେକା ତାକି, ମାହାପୁରୁ ଏ ପଙ୍ଗୁଗାଟାଣାଇଁ ନେହି କିତେସି ଅଡ଼େ ଏୱାସି ଶାରିୱାକି ଡେଂୱାଲି ମାଠ୍ହେସି । ମନ୍ଦିର ଦୁୱେରିତା ମାନି ଲୋକୁ କାବା ଆହା ହାଚେରି ।

ଏମିନି ଗାଟାସି ନେହି ଆହାମାଚେସି ତାଙ୍ଗେ ମେସାଲି ତାକି ଲୋକୁ ମାନ୍ଦା ଆତେରି । ପିତର ଏୱାରାଇଁ ଏଲେଇଚେସି “ଇ ଲକୁ ନେହି ଆହାଲିଏ ମିରୁ ଏନାଆତାକି ଇଚେକା କାବା ଆହି ମାଞ୍ଜେରି ? ମା ବ୍ଡ଼ାୟୁ ଅଡ଼େ ମାମ୍ବୁ ନେହିତମି ତାକି ନେହିଁ କିହାଲଃମି । ଏନାଆଁତାକି ଇଚିସାରେ ଯୀଶୁତି ବ୍ଡ଼ାୟୁ ଅଡ଼େ ଯୀଶୁ ହିହାମାଞ୍ଜାନି ନାମୁ ଏମିନିଗାଟାଇ ଏୱାଣାଇଁ ନେହି କିତେ ।”

“ମିରୁଏ ଯୀଶୁଇଁ ପାୟାଲି ତାକି ରୋମୀୟତାରି ତାକିକିନାରାଇଁ ୱେସାମାଚେରି । ମିରୁ ଜୀୱୁତି ମାହାପୁରୁଇଁ ପାଇତେରି, ମାତ୍ର ମାହାପୁରୁ ତାଙ୍ଗେ ହାକିଟି ନିଟ୍ହା ମାନେସି । ମିରୁ ଏନା ଏନାଆଁ କିହିମାଞ୍ଜେରି ଏଦାଆଁ ତେଲ୍‌ହାଲି ଆଡାଃତିମାଁ, ଖ୍ରୀଷ୍ଟ ଯେ ଦୁକୁ ବେଟା ଆନେସି ଅଡ଼େ ଇ ଭାବବାଣୀୟାଁ ସଫଳ ଆହାଲି ତାକି ମାହାପୁରୁ ମି କାମାଇଁ ଲେମ୍ବିତେସି । ଏଦାଆଁତାକି, ନେଏ, ଅଣପା କଡାଦୁ ଅଡ଼େ ମାହାପୁରୁତାଣା ୱେଣ୍ଡାଦୁ ଏନିକିକି ମି ପାପୁଟି ଗେଲ୍‌ପି ଆହାଲି ଆଡିଦେରି ।”

ପିତର ଅଡ଼େ ଯୋହନ ଏନାଆଁ ଜଲିମାଚେରି ଏଦାଆଁ ୱେଞ୍ଜାହାଁ ମନ୍ଦିରତି ନେତାଁୟାଁ କିଲିବିଲି ଆହାହାଜା ମାଚେରି ।ଏଦାଆଁ ତାକି ଏୱାରାଇଁ ଏୱାରି ଦସ୍ପା ଅହାଁ ଜେଲତା ଇଟିତେରି । ମାତ୍ର ହାରେକା ଲୋକୁ ପିତରତି କାବ୍ରୁ ୱେଞ୍ଜାହାଁ ନାମିତେରି, ଅଡ଼େ ଯୀଶୁଇଁ ନାମିତି ଲୋକୁମାଚେରି ୫୦୦୦ତା ଏତେ ।

ଡାୟୁତି ଦିନା ଯିହୂଦୀ ନେତାୟାଁ ପିତର ଅଡ଼େ ଯୋହନଇଁ ମହାଯାଜକ ଅଡ଼େ ଏଟ୍କା ଧର୍ମଗୁରୁଁ ତାଣା ତାତେରି । ଏୱାରି ପିତର ଅଡ଼େ ଯୋହନଇଁ ୱେଚେରି “ଏମିନିଗାଟି ବ୍ଡ଼ାୟୁ ତଲେ ମିରୁ ଇ ତାକାଲି ଆଡାଃଗାଟାଣାଇଁ ନେହି କିତେରି ?”

ପିତର ଏୱାରାଇଁ ଏଲେଇଚେସି “ଇୱାସି ଯୀଶୁ ଖ୍ରୀଷ୍ଟତି ବ୍ଡ଼ାୟୁ ତଲେ ନେହିଁ ଆହାଁ ନିଚାମାନେସି । ମିରୁ ଯୀଶୁଇଁ କ୍ରୁଶତା ପାଇତେରି, ମାତ୍ର ମାହାପୁରୁ ତାଂଗେ ୱେଣ୍ଡେଏ ନିଟ୍ହାମାନେସି ! ମିରୁ ତାଙ୍ଗେ ନାମାଃତେରି, ମାତ୍ର ଗେଲ୍‌ପି ଆହାଲିତାକି ଯୀଶୁଇଁ ପିସାହାଁ ଅଡ଼େ ଏମିନିତାଣା ହିଲେଏ ।

ପିତର ଅଡ଼େ ଯୋହନ ଇଚେକା ଶାସା ତଲେ କାତା ୱେସିମାନାଣୀ ମେସାହାଁ ନେତାୟାଁ କାବା ଆହା ହାଚେରି ଏନାଆ ତାକି ଇଚିସାରେ ଏୱାରି ମେସ୍ତେରି ଯେ ସାଧାରଣ ଲୋକୁ ଏମିନି ଗାଟାରି ପାଟା ଜାପାଃତାରି ମାଚେରି । ମାତ୍ର ଡାୟୁ ଏୱାରି ଅଣପିତେରି ଯେ ଇୱାରି ଯୀଶୁ ତଲେ ମାଚେରି ।