8. ମାହାପୁରୁ ଯୋଶେଫ ଅଡ଼େ ତାନି ଇଲୁ କୁଟମିଇଁ ଗେଲ୍ପିତେସି

ହାରେକା ବାର୍ଷା ଜେଚ, ଯାକୁବ ଏଚିବେଲା ବୁଢ଼୍‌ହା ମାଚେସି, ଏୱାସି ତାନି ହାରେକା ଜୀୱୁ ନନି ମିର୍ଏସି, ଯୋଶେଫଇଁ ତାନି ତାଇଁ ଡାଗେ ମେସାଲି ତାକି ଏମିନି କଡି ଗରିଁଣିଁ ସେବା କିହିମାଚେସି, ପାଣ୍ଡିତେସି ।

ଯୋଶେଫତି ତାଇୟାଁ ତାଙ୍ଗେ ଅପି ଲାଆ ତେସି, ଏନାଆତାକି ଇଚିସାରେ ତାମି ଆବା ତାଙ୍ଗେ ହାରେକା ଜୀୱୁ ନହିମାଚେସି, ଏନାଆ ତାକି ଇଚିସାରେ ଯୋଶେଫ ହାପ୍ନା ହେଣ୍ଡା ମାଚେସି ଯେ ଏୱାସି ତାମ୍‌ଗେ ତାକି କିନେସି । ଏଚିବେଲା ଯୋଶେଫ୍ ତାମି ଡାଗେ ୱାତେସି, ଏୱାରି ତାଙ୍ଗେ ଡ଼ୁକ୍‌ହା ଅତେରି ଅଡ଼େ ତାଙ୍ଗେ ହଲିଆତି ବେପାରାଁଇଁ ପାର୍ତେରି ।

ଯୋଶେଫତି ତାଇୟାଁ ଇଂଜି ୱେଣ୍ଡିନି ନକେଏ, ଯୋଶେଫତି ହେମ୍ବରିଇଁ ଗେସ୍ତୁସ୍ତେରି ଅଡ଼େ ଏଦାନି ଗରି କାସାତା ମେତ୍‌ହାସ୍ତେରି । ଏଦାଆଁ ଜେଚ ଏ ହେମ୍ବରିଇଁ ତାମି ଆବାଇଁ ତସ୍ତେରି, ଏମ୍ବାଟିଏ ଏୱାସି ଅଣ୍‌ପିତେସି ଯେ ର ଜାଡାତି ଜନ୍ତୁ ଯୋଶେଫଇଁ ପାୟାମାନେ । ଯାକୁବ ହାରେକା ଦୁକୁ କିତେସି ।

ହଲିଆ ପାର୍ନାରି ଯୋଶଫଇଁ ମିଶରତା ଅହାସ୍ତେରି । ମିଶର ର କାଜା, ଵ୍ଡ଼ାୟୁଗାଟି ଦେଶା ନିଲି କାଡା ଡାଗେ ମାଚେ । ହଲିଆ ପାର୍ନାରି ଯୋଶେଫଇଁ ର ହଲିଆ ଲେହେଁ ବ୍ଡ଼ାୟୁ ଗାଟି ସରକାର ପଦ ବେଟା ଆତାଣାଇଁ ପାର୍ତେରି । ଯୋଶେଫ ତାନି ମାଲିକ୍ଇଁ ନେହିଁକି ସେବା କିତେସି, ଅଡ଼େ ମାହାପୁରୁ ଯୋଶେଫଇଁ ବର ହିତେସି ।

ତାମି ମାଲିକତି ଡକ୍ରୀ ତାନି ତଲେ ଡୁରାଲି ତାକି ଅଣ୍‌ପିମାଚେ, ମାତ୍ର ଇ ୱାକି ଯୋଶେଫ ମାହାପୁରୁ ବିରଦତା ପାପୁ କିହାଲି କିଆନି ଇଚେସି । ଏୱାସି ରିଂଜିତେସି ଅଡ଼େ ମିଚିତଲେ ଦହ ହିତେ, ଏଦାଆଁ ତାକି ତାଙ୍ଗେ ଦସ୍ପା ଆତେସି ଅଡ଼େ ତାନାତା ପଣ୍ଡ୍ୱି ଆତେସି । ତାନାତା ଜିକେଏ ଯୋଶେଫ ମାହାପୁରୁତି ନାମୁ ଆହାଁ ଡ଼ଇତେସି, ଅଡ଼େ ତାଙ୍ଗେ ମାହାପୁରୁ ବର ହିତେସି ।

ଅଡ଼େ ଏୱାସି ଦହ ହିଲାଆଗାଟାସି ମାଚେସି, ଆତିହିଁ ଜିକେ ଏ ତାନାତା ରି ବାର୍ଷା ଡ଼ଇତେସି । ର ଲାଆଁ, ଫାରୋ, ଏମ୍ଵାରାଇଁ ମିଶରତାରି ଏୱାଣାଇଁ ରାଜା ଇନେରି, ରି ହାପ୍ନା ଏୱାଣାଇଁ ହାରେକା ବିତ୍ ବିତା କିହାମାଚେ । ତାଙ୍ଗେ ୱେହ୍ନାରି ଏମ୍ବାରି ଜିକେଏ ତାନି ହାପ୍ନାତି ଅର୍ତ ୱେସାଲି ଆଡାଆତେରି ।

ଯୋଶେଫଇଁ ହାପ୍ନାତି ଅର୍ତ ୱେସାଲି ତାକି ମାହାପୁରୁ ବର ହିହାମାଚେସି, ଏଦାଆଁ ତାକି ଫାରୋ ଯୋଶେଫଇଁ ତାନାଟି ତାପ୍ୱି ଆତେସି । ତାମି ତାକି ଯୋଶେଫ ହାପ୍ନାତି ଅର୍ତ ୱେସ୍ତେସି, ସାତା ବାର୍ଷା ମାହାପୁରୁ ହାରେକା ଆର୍ନା ପାଣ୍ଡାଲି ହାଜି ମାନେସି, ଏଲେକିଏଁ ସାତା ବାର୍ଷା ହାକି ୱାନେ ।

ଯୋଶେଫ ତଲେ ଫାରୋ ହାରେକା ନେହି ଅଣ୍‌ପିତେସି ଏଦାଆଁ ତାକି ତାଙ୍ଗେ ଅ ରଣ୍ଡି ବ୍ଡ଼ାୟୁ ହିତେସି ।

ସାତା ବାର୍ଷା ନେହି ଆର୍ନା ବେଲାତା ଗାଡି ଗାଡି କୁଡ଼ି କିହାଲି ଲୋକୁଣି ୱେସ୍ତେସି । ଏଚିବେଲା ସାତା ବାର୍ଷା ହାକି ୱାତେ, ଯୋଶେଫ ଆର୍ନା ଲୋକୁଣି ପାର୍ତେସି ଏନାଆଁତାକି ଇଚିସାରେ ଏୱାରି ହାରେକା ତିଂଜାଲି ବେଟା ଆନେରି ।

ୱାର୍ଇ ମିଶରତା ଆଏ, ମାତ୍ର କିଣାନତା ଜିକେଏ ଏମିନି ତାଣା ଯାକୁବ ଅଡ଼େ ତାମି ଇଲୁ କୁଟମି ବାସା କିହି ମାଚେରି ।

ଏଦାଆଁ ତାକି ତାନି କାଜା ମିର୍କା କାଆଦି କଡାଲି ତାକି ମିଶରତା ପାଣ୍ଡିତେସି । ଏଚିବେଲା ତାଇୟାଁ କାଆଦି କଡାଲି ତାକି ଯୋଶେଫତି ନକି ୱାକି ନିଚା ମାଚେରି ଏୱାରି ଯୋଶଫଇଁ ପୁଞ୍ଜାଲି ଆଡାଆତେରି । ମାତ୍ର ଯୋଶେଫ ପୁଞ୍ଜାଲି ଆଡିତେସି ।

ଏୱାରି ବାଦ୍ଲି ଆତେରି କି ଆଏ ଏଦାଣି ପରୀକ୍ଷା କିତି ଡାୟୁ, ଯୋଶେଫ ଏୱାରାଇଁ ଜଲିତେସି, “ନାନୁ ମି ତାଇ ତେଏ, ଯୋଶେଫ!” ଆଜାଃଦୁ । ମିରୁ ଲାଗେ କିହାଲି ଅଣପିତେରି ଏଚିବେଲା ମିରୁ ହଲିଆ କିହାନା ପାର୍ତା ତେରି, ମାତ୍ର ମାହାପୁରୁ ଲାଗେ ତାଣିଇଁ ନେହାଣି ବାଦ୍ଲି କିତେସି । ମିଶରତା ୱାହାନା ବାସା କିତି ସାରେ ନାନୁ ମିଙ୍ଗେ ଅଡ଼େ ମି ଇଲୁ କୁଟମିଇଁ ହିହାଲି ଆଡିଇଁ ।

ଏଚିବେଲା ଯୋଶେଫତି ତାଇୟାଁ ଇଜ ୱାତେରି ଅଡ଼େ ତାମି ଆବା, ଯାକୁବଇଁ ଏଲେଇଚେରି ଯେ ଯୋଶେଫ ନେଏ ପାତେକା ନିଡା ମାନେସି, ଏୱାସି ହାରେକା ରାହାଁ ଆତେସି ।

ଯାକୁବ ବୁଢ଼୍‌ହା ଆହାମାଚିହିଁ ଜିକେଲା ଏୱାସି ତାମି ଇଲୁକୁଟମି ତଲେ ମିଶରତା ହାଚେସି ଅଡ଼େ ଏମ୍ବାଆଁ ଏୱାସି ତାମି ତଲେ ବାସା କିତେସି । ଯାକୁବତି ହାକି ନକେଏ, ଏୱାସି ତାମି ବାରେ ମିର୍କାଣିଁ ବର ହିତେସି ।

କାତା ହିତି ମେରା ଏମିନାଣି ମାହାପୁରୁ ଅବ୍ରାହାମ ତଲେ କିହାମାଚେସି ଏଦାଣି ଏୱାସି ଇସାହାକଇଁ ହିତେସି, ଜେଚ ଯାକୁବ ଅଡ଼େ ଯାକୁବତି ବାରା ଜାଣା ମିର୍କା ଅଡ଼େ ତାମି ଇଲୁ କୁଟମିଇଁ ହିତେସି । ବାରା ଜାଣା ମିର୍କାତି ଗଚି ଇସ୍ରାଏଲତି ବାରେ ଗଚି ଆତେରି ।