38. ୩୮. ଯୀଶୁକ ସାବ୍ଃ ହଚ କେଦେୟା
ଝତ ସେର୍ମାଲେକାଗେ ନିସ୍ତାର୍ ପାରାବ୍ଃକ ମାନାୱେଦ୍ଃ ତାହେଁଦଃ । ନଆଁ ପାରାବ୍ଃ ମାନାୱ ରେନାଃ ଉଦିଶ୍ ଦ ହୁୟୁଃକାନା ଆକରିନ୍ ପାହିଲ୍ ହାଳାମ୍ ଆର୍ ବୁଢିକ ଚେଦ୍ଃଲେକା ମିସର୍ ଦିସମ୍ ଖନ୍ ବାଞ୍ଚାୱ କାତେ ଆଗୁଲେଦ୍ଃ କୱାୟେ ଅନାଖାତିର୍ । ଅନା ମନେରେ ଦହ ଲାଗିଦ୍ଃ ନଆଁ ପାରାବଦକ ମାନାୱେଃଆ । ପେସେର୍ମା ତାୟମ୍ ଯୀଶୁ ଭାଗେସମ୍ବାଦ୍ ପାଷ୍ନାୱ କାମିଏ ଏହୋବ୍ଃ କେଃଆଏ ଆର୍ ଝତ ହଳ୍ ସାମାଂରେ ଲାଇ କେଃଆଏ,ଯୀଶୁ ଆଜ୍ଃରିନ୍ ଚେଲାକ ମେତାଦ୍ଃ କୱାୟେ ,ଇଞ୍ଜ ନଆଁ ନିସ୍ତାର୍ ପାରାବ୍ ଯିରୁଶାଲମ୍ ରିଞ୍ଜ୍ ମାନାୱାଞ୍,ଆର୍ ଅଣ୍ଡେ ଇଞ୍କ ଗଜ୍ଃଇଞ୍ଜା।
ଯୀଶୁରେନ୍ ଚେଲାକ ଭିତିର୍ଖନ୍ ମିଦ୍ଃହଳାଃ ଞୁତୁମ୍ ଯିହୁଦା ତାହେଁକାନା । ଯିହୁଦା ଚେଲାକୱାଃ ପୁଇସାଟାକା ବେଗ୍ ଦହରେନାଃ ଦାୱୟେ ଞାମ୍ଲେଦ୍ଃ ତାହେଁଦଃ,ମେନ୍ଖାନ୍ ଦିନ୍ ଧାରାଗେ ଅନା ବେଗ୍ଖନ୍ ପୁଇସାୟେ କୁମ୍ବୁଳୁୟେଦ୍ଃ ତାହେଁଦ୍ଃ । ଯୀଶୁ ଆର୍ ଆଜ୍ଃରିନ୍ ଚେଲାକ ଯିରୁଶାଲେମତେ ସେଟେରେନ୍ ତାୟମ୍, ଯିହୁଦି କରେନ୍ ନାଏକେ କଠେନେ ଚାଲାୱେନା। ଯିହୁଦା ପୁଇସାକ ଏମାୟେଖାନ୍, ଯୀଶୁ ଆକୱାଃ ତିରେ ସାବ୍ଃଆକୱାୟେ ମେନ୍ତେ କାଥାଏ ଏମାଦ୍ଃକୱା। ଯିହୁଦା ବାଡାୟେଲେଦ୍ଃ ତାହେଁଦଃ ଯିହୁଦୀ ନାଏକେକ ବାକ ପାତିୟାଉଃଆ ଯୀଶୁଗେ ମାସିହା କାନାୟମେନ୍ତେ। ଆଜ୍ଃ ବାଡୟେଲେଦ୍ଃ ତାହେଁଦଃ ଆକ ଯୀଶୁକେ ଗଜ୍ଃ କ ଞାଞ୍ଜାମ୍କାନା।
ଯିହୁଦୀ ମାରାଂ ଗମ୍କେକୱାଃ କାଥା ଲେକାତେ ଯୀଶୁ ସାବ୍ଃହଚ ବାଖ୍ରାତେ ପେ ଇଶି ଗେଲ୍ଟାକା ଯିହୁଦାକ ଏମାଃଦେୟା। ନାବିକୱାଃ କାଥା ଲେକାଗେ ହୁଇଏନା। ଜିହୁଦା ପୁଇସା ହାତାୱେ ପାତିୟାଉଏନାୟେ ଆର୍ ଅଣ୍ଡେଖନାଃଏ ଚାଲାୱଏନାୟେ। ଯିହୁଦା ଯୀଶୁକେ ସାବ୍ଃ ହଚଏୟାଏ ମେନ୍ତେ ହର୍ ଗେକ ପାନ୍ତେ ବାଳାୟେଦ୍ଃ ତାହେଁଦଃ।
ଯିରୁଶାଲେମ୍ରେ ଆଜ୍ଃରିନ୍ ଚେଲାକ ସାଲାଃ ପାରାବ୍ଏ ମାନାୱେଦ୍ଃ ତାହେଁଦଃ। ପାରାବ୍ ରେ ଜମାଃ ଜମ୍ ଜଖାଃ, ଯୀଶୁ ତିନାଂଗାନ୍ ରୁଟି ତିଇରେ ସାବ୍ଃକେଃଆଏ ଆରେ କେଚାଃ କେଃଆଏ। ଯୀଶୁ ଲାଇ କେଃଆୟେ, “ନଆଁ ଇଦିପେ ଆର୍ ଜମ୍ପେ। ନଆଁଦ ଇଞ୍ଜା ହଳ୍ମକାନା, ୟାହାଁ ଆପେ ଖାତିର୍ ଇଞ୍ଜ୍ ଏମଃକାନା। ଇଞ୍ଜ୍ ଉଇହାର୍ ଦହଇଞ୍ଜ୍ ଲାଗିଦ୍ଃ ନଙ୍କା କାମିପେ।” ନଙ୍କା ଲେକାତେ, ଯୀଶୁ ଲାଇ ସଦର ଆଜ୍ଃ ଆକ ଖାତିର୍ ଗୁଜୁଃଆୟେ ଆର୍ ଆଜାଃ ହଳ୍ମ ଆକ ଖାତିର୍ ଦାଁଣେ ଲେକାତେ ସଦରାୟେ ମେନ୍ତେ ଲାଇ କେଃଆୟେ।
ଇନା ତାୟମ୍ ଯୀଶୁ ମିଦ୍ଃ କପ୍ ଅଙ୍ଗୁର୍ ରାସା ସାବ୍ କାତେ ଲାଇ କେଃଆୟେ,“ନଆଁ ଞ୍ଜୁଇପେ। ନଆଁ ଈଞ୍ଜା ମାୟାମ୍ କାନା ଯାହାଁ ଆପେୟାଃ କାଇ ଲାଗିଦ୍ଃ ଜରୱାକାନା ଆର୍ ଈଶ୍ୱର୍ ବାବା ଆପେୟାଃ କାଇ ଇକାୟାୟେ। ଯାହାଁଲେକା ଇଞ୍ଜ୍ କାମି କେଃଆ ଅନ୍କାଗେ ଆପେହଁ କାମିପେ, ଯାହାଁ ତିନ୍ଜଖାଃ ଗେ ଆପେ ନଆଁପେ ଞ୍ଜୁୟାଁ ଉନ୍ଜଖାଃଗେ ଇଞ୍ଜ୍ପେ ଉଇହାରିଞ୍ଜା।
ଇନା ତାୟମ୍ ଯୀଶୁ ଆଜଃରିନ୍ ଚେଲାକ ମେତାଦ୍ଃ କୱାୟେ,“ଆପେ ଭିତିର୍ ଖନାଃ ମିଦ୍ଃ ହଳେ ସାବ୍ଃ ହଚଇଞ୍ଜା।”ନଆଁ ଆଞ୍ଜମ୍କାତେ ଆଜଃରିନ୍ ଚେଲାକକ ହାହଳା ଉତାରଏନା,ଆର୍ ଅକୟେ ନଂକାୟେ କାମିୟାଁ ମେନ୍ତେକ କୁଲିକେଦେୟା। ଯୀଶୁଈ ମେନକେଃଆ ନଆଁ କେଚାଃରୁଟି ଅକୟିଞ୍ଜ୍ ଏମାୟା ଉନିଗେ ସାବ୍ଃ ହଚଇଞ୍ଜାୟେ ।”ଇନା ତାୟମ୍ ଯୀଶୁ ଅନା କେଚାଃ ରୁଟି ଯିହୁଦାଏ ଏମାଦେୟା।
ଯିହୁଦା ରୁଟିଏ ଇଦିକେଦ୍ଃତାୟମ୍ , ଶଇତାନ୍ ଆଜ୍ଃଠେନେ ବଲଏନାୟେ । ଯିହୁଦା ଆକ ବାଗିକାତେ ଯୀହୁଦି ଗମ୍କେକ ଯୀଶୁ ସାବ୍ଃ ଲାଗିଦ୍ଃଏ ଗଳୱାକୱାଏ ମେନ୍ତେ ଚାଲାୱେ ନାୟେ । ଉନ୍ଜଖାଃ ଞ୍ଜିନ୍ଦା ତାହେଁକାନା ।
ଜମାଃ ଜମ୍ ତାୟମ୍, ଯୀଶୁ ଆର୍ ଆଜଃରିନ୍ ଚେଲାକ ଜିତ୍ ବୁରୁତେକ ଚାଲାୱେନା । ଯୀଶୁ ଚେଲାକୟେ ମେତାଦ୍ଃକୱା, “ତେହେଞ୍ଜ ଞ୍ଜିନ୍ଦା ଆପେ ଇଞ୍ଜ୍ପେ ବାଗି ଗିଡିକାଞ୍ଜା । ନଙ୍କା ଅଲାକାନା ଇଞ୍ଜ୍ ଗୁତିଞ୍ଜ୍ ଦାଲେୟା,ଆର୍ ଝତ ଭିଡି ନତେ ଅନ୍ତେକଦାଳା ।”
ପିତର୍ ମେନ୍ ରୁଆଳକେଃଆଏ,“ ଝତ ହଳ୍କ ବାଗିୟାମ୍ ରେହଁ ଇଞ୍ଜ ତିଶ୍ରେହଁ ବାଞ୍ଜ୍ ବାଗିଆମା, ଇନା ତାୟମ୍,ଯୀଶୁ ପିତରେ ମେତାଃଦେୟାଏ, ଶଇତାନ୍ ଆପେ ଝତ ହଳ୍ ସାୱଁତେ ହୁୟୁଃଆଏ, ମେନ୍ଖାନ୍ ପିତର୍ ଇଞ୍ଜିଞ୍ଜ୍ ବିନ୍ତିଆକାଃଆ ଆମାଃ ପାତିୟାଉ ଆଲ ରାପୁଦଃମା। ତେହେଞ୍ ଞ୍ଜିନ୍ଦା ସିମ୍କ ରାଃ ଜଖାଃ ଆମ୍ ଇଞ୍ଜ୍ ଚିହ୍ନାୱାକାଦିଞରେହଁମ୍ ପେ, ଧାଅ ବାମ୍ ଚିହ୍ନାୱାକାଦିଞ୍ଜା ମେନ୍ତେମ୍ ଲାଇୟା।
ପିତର୍ ଯୀଶୁକେ ମେତାଃଦେଆଏ,“ ଯୁଦି ଇଞ୍ଜ୍ ଆମ୍ ଖାତିର୍ ଗୁଜୁଃ ପାଳାୱାଞ୍ଜ ରେହଁ ନଙ୍କା ବାଞ୍ଜ ଲାଇଆ । ଏଟାଃ ଚେଲାକ ହଁ ଅଙ୍କାଗେକ ମେନ୍କେଃଆ ।
ଇନା ତାୟମ୍, ଯୀଶୁ ଆର୍ ଆଜ୍ଃରେନ୍ ଚେଲାକ ସାଲାଃ ଗେଥ୍ସାଇଦା ଞୁତୁମାନ୍ ଜାୟେଗା ତେକ ଚାଲାୱେନା । ଯୀଶୁ ଆଜ୍ଃରିନ୍ ଚେଲାକ ମେତାଦ୍ଃକୱାୟେ, ବିନ୍ତିପେ ଆପେ ଯେମନ୍ ଶଇତାନ୍ ବିଡାୱରେ ଆଲୟେଞ୍ଜୁର୍ପେମା । ଇନା ତାୟମ୍ ଯୀଶୁ ଆଜ୍ଃ ଆଜ୍ଃତେଗେ ବିନ୍ତି ଖାତିରେ ଚାଲାୱେନାୟେ ।
ଯୀଶୁ ପେ ଧାୱେ ବିନ୍ତି କେଃଆୟେ,“ ଯୁଦି ନଆଁ ହୁଇ ଦାଳେୟାଃଆ, ତବେ ଇଞ୍ଜଠେନ୍ ଖନ୍ ସାଙ୍ଗିଞ୍ଜ୍ତେ ଇଦିମେ, ତବେଖାନ୍ ନଆଁ ହାର୍କେତ୍ ଇଞ୍ଜ୍ ବାଞ୍ଜ୍ଞାମା । ମେନ୍ଖାନ୍ ଯୁଦି ହଳ୍ କୱାଃ କାଇ ଦାପାଲରେନାଃ ଆର୍ ଏଟାଃ ହର୍ ବାନୁଃଆନାଂ, ଏନ୍ଖାନ୍ ନଙ୍କାଗେ ହୁୟୁମା । ଯୀଶୁ ଉଡିଢେର୍ ହାର୍କେତ୍ରେ ତାହେଁକାନାୟେ,ଆଜାଃ ଉଦ୍ଗାର୍ ଦାଃ ମାୟାମ୍ ଲେକା ଜରଃକାନ୍ତାହେଁଦଃ । ଯୀଶୁ ଦାଳେ ଏମାୟେ ଲାଗିଦ୍ଃ, ଈଶ୍ୱରବାବା ଯୀଶୁଠେନ୍ ମିଃଟାଂ ଦୂତ୍ତେ ଭେଜା କେଦେୟାଏ ।
ଯୀଶୁ ଝତୱାଃ ବିନ୍ତି ତାୟମ୍,ଆଜ୍ଃ ଆଜ୍ଃରିନ୍ ଚେଲାକ ସୁରତେ ହିଜୁଃକାନ୍ ତାହେଁଦଃ,ମେନ୍ଖାନ୍ ଚେଲାକଦ ଜାପିଦ୍ଃ ଲେଦ୍କ ତାହେଁଦଃ । ଆକଠେନ୍ ହିଜୁଃ ପେ’ ଜଖାଃ ହୁଇୟେନ୍ ତାୟମ୍,ଯୀଶୁ ମେତାଦ୍ଃ କୱାୟେ ବେରେଦ୍ଃପେ ଇଞ୍ ଅକୟେ ସାବ୍ଃ ହଚଇଞାୟେ ଉନି ଆବ ସୁରେ ହେଜ୍ଃଆକାନାୟେ ।
ଯିହୁଦୀ ଗମ୍କେ, ଶଇନକ ଆର୍ ଉଡିଢେର୍ ହଳ୍ ସାଲାଃ ଯିହୁଦା ଆକଠେନେ ହେଜ୍ଃ ଏନାୟେ। ଉନ୍କୁ ଝତହଳ୍ ଛୁରି ଆର୍ ହାପାକ ସାବ୍ଃଆକାଦ୍ଃତାହେଁଦଃ। ଯିହୁଦା ଯୀଶୁ ସୁର୍ ହେଜ୍ଃକାତେ ଗମ୍କେ ମେନ୍ତେ ହହ କାତେ ଚଃ’ କେଦେୟାଏ। ଯିହୁଦା ନଙ୍କାୟେ କାମି କେଃଆ ଯେମନ୍ ଆକ ଯୀଶୁକ ଚିନ୍ହାୱେମା ମେନ୍ତେ । ଇନା ତାୟମ୍ ଯୀଶୁ ମେନ୍ କେଃଆୟେ, “ଯିହୁଦା ଚଃ’ କାତେମ୍ ସାବ୍ଃ ହଚଞ୍ଜ୍କାନା ?”
ଯେମନ୍ ଶଇନକ ଯୀଶୁକ ସାବ୍ଃ କେଦେୟା, ପିତର୍ ଛୁରି ଅଡକ୍ କାତେ ନାୟେକେ ରେନ୍ ମିଃଟାଂ ଚେଲାକେ ଲୁତୁରେ ମାଃ କେଚାଃ ଉତାର୍ କେଦେୟାଏ । ମେନ୍ଖାନ୍ ଯୀଶୁ ପିତରେ ମେତାଃ ଦେୟାୟେ, “ଆମାଃ ଛୁରି ଦହ ରୁଆଳ୍ ମେ! ଇଞ୍ ଇଞ୍ଜବାବାକେ ମିଦ୍ଃ ଦୁତ୍ ଶଇନ ଦଲ୍ ରିନିଜ୍ଃ ବାଂଚାୱେ ଖାତିରିଞ୍ଜ କୟେ ଦାଳେୟାୟା,ମେନ୍ଖାନ୍ ବାବାଃ କାଥା ମାନାଅ ପାଳାୱାଃ।”ଇନାସାୱଁଗେ ଯୀଶୁ ଉନି ହଳାଃ ଲୁତୁର୍ ଲାଠା ରୁଆଳ୍କେଃଆଏ ।
ସନତ୍ ପୁଥିୟାଃ କାହାନୀ: ମାଥିଉ ୨୬:୧୪-୫୬; ମାର୍କ ୧୪:୧୦-୫୦; ଲୁକ୍ ୨୨:୧-୫୩; ଯୋହନ୍ ୧୮:୧-୧୧
Free to use, adapt, and share under an open license (CC BY-SA 4.0).