40. ୪୦. ବାକ ଞାମ୍ଲେଃଆ । ଯୀଶୁ ଚେଦ୍ଃହଁ ବାୟେ ଞାମ୍ ଲେଃଆ ।
ଝତୱାଃ ତାୟମ୍ତେ, ମାରାଂ ନାୟେକେ ଆଜ୍ଃସେନ୍ କୟଃକାତେ ମେତାଃଦେୟାଏ , “ଲାଇମେ ଆମ୍ ଚେଦ୍ଃ ସାରିଗେ ଜିୱିଦ୍ଃ ଈଶ୍ୱର୍ ହପନ୍ ମାସିହା କାନାମ୍ ?“
ଯୀଶୁ ମେନ୍ କେଃଆୟେ, “ଇଞ୍ଗେ, ଆର୍ ଆପେ ଈଶ୍ୱର୍ ସାଲାଃ ଦୁଳୁବ୍ଃ ଆର୍ ଆଜ୍ଃ ସାଲାଃ ସେର୍ମାଖନ୍ ହିଜୁଃପେ ଞ୍ଜେଲିଞ୍ଜା।“ଉନି ମାରାଂ ନାୟେକେ ଆଜାଃ ଲୁଗୁଳି ଚିରା କେଃଆୟେ ଚେଦାଃସେ ଯୀଶୁଆ କାଥା ଆଞମ୍ କାତେ ଉଡି ଢେରେ ରାଗି ଲେନାୟେ। ଉନି ମାରାଂ ନାୟେକେ ହୁରିକାତେ ଏଟା ନାୟେକେ କୟେ ମେତଃକୱା,“ଆର୍ ଯାସ୍ତି ସାଖି ବାକ ଲାଗ୍ତିଃଆ ନୁଇ ହଳ୍ ଚେଦ୍ଃଏ କାମିଆକାଃଆ ! ଆପେ ନିଜେପେ ଆଞମ୍ କେଃଆ ଇଞ୍ଜ୍ ଈଶ୍ୱର୍ ହପନ୍ ମେନ୍ତେ ଲାଇ କେଃଆୟେ । ନଆଁ ବାଖ୍ରାତେ ଚେଦ୍ଃପେ ଉଇହାରେଃଆ ।
ଯିହୁଦୀ ନାୟେକେକ ଝତକ ଲାଇକେଃଆ, “ନୁଇଁଦ ଗୁଜୁଃରେନା ଲାଗ୍ତି ହଳ୍ କାନାୟେ !” ଇନା ତାୟମ୍ ଯୀଶୁଆଃ ମେଦ୍ଃରେ ପଟିକ ତଲ୍କେଃଆ,ଥୁଆ ଦେୟାକ,ଦାଲ୍ କେଦେୟାକ, ଆର୍ ଲାନ୍ଦାଆଦେୟାକ ।
ଆର୍ ଆଜାଃ ବାନାର୍ ପାହ୍ଟାରେ ବାରେୟା କୁମ୍ୱୁଳୁହଁକ କୁରୁଶ୍ ଲେଦ୍ଃକିନା। ମିଃଟାଂ କୁମ୍ୱୁଳୁ ଦ ଯୀଶୁକେ ଲାନ୍ଦାଆଦେୟାଏ, ମେନ୍ଖାନ୍ ଆର୍ ମିଃଟିଜ୍ଃ ଉନିକେ ମେତାଃ ଦେୟାୟେ,“ଈଶ୍ୱର୍ ବାବାଏ ଶାସେତ୍ ମେଆଁ ମେନ୍ତେ ବାମ୍ ବତରଃକାନା? ଆଲାଂ ମା ଉଡି ଢେର୍ ବାଳିଜ୍ ଲାଂ କାମିଆକାଃଆ, ମେନ୍ଖାନ୍ ନୁଇ ହଳ୍ ଦ ଚେଃଦ୍ହଁ ବଳିଜ୍ଃ ଗେ ବାୟେ କାମିଆକାଃଆ ।”ଇନା ତାୟମ୍ ଉନି କୁମ୍ୱୁଳୁ ଯୀଶୁକେ ମେତାଃ ଦେୟାୟେ, “ଗମ୍କେ ସେର୍ମା ଦିଶମରେ ଆମେମ୍ ସେଟେର୍ ଲେନ୍ଖାନ୍ ଇଞ୍ଜ ଉଇହାରିଞ୍ଜମେ।”ଯୀଶୁଈ ମେନ୍ ରୁଆଳକେଃଆ ,“ତେହେଞ୍ଜଗେ ଇଞ୍ଜ୍ ସାଲାଃତେ ସେର୍ମା ଦିସମେମ୍ ସେଟେରଃଆ।”
ଯିହୁଦୀ ଗମକେ ଆର୍ ହଳ୍କ ଯୀଶୁକ ଲନ୍ଦାଆଦେୟା । ଉନ୍କୁ ହଳ୍ ଯୀଶୁକ ମେତାଃଦେୟା, “ଯୁଦି ଆମ୍ ଈଶ୍ୱର୍ ହପନ୍ କାନାମ୍ କୁରୁଶ୍ ଖନ୍ ଆଣ୍ଗ ହିଜୁଃମେ ଆର୍ ଆମ୍ ବାଞ୍ଚାୱଃମେ! ଇନାତାୟମ୍ ଆଲେଆମ୍ଲେ ପାତିୟାୱାମା।”
ଇନା ତାୟମ୍ ଅନା ଜାୟେଗା ରେନାଃ ସେର୍ମା ଦ ରିମିଲ୍ତେ ଞ୍ଜୁତ୍ ଚାବାୟେନା, ଇନ୍ ବେଳାରେ ଦ ତାଲା ତିକିନ୍ ତାହେଁକାନା। ଆର ତିକିନ ବେଳାରେ ପେ ଟାଣାଂ ଧାବିଜ୍ଃ ଞ୍ଜୁତରେଗେ ତାହେକାନା।
ଇନା ତାୟମ୍, ଯୀଶୁ ଚିଚିୟାଉକାତେ ଲାଇ କେଃଆୟେ,ନିତଃଦ ଚାବାୟେନା! ବାବା, ଇଞ୍ ଇଞାଃ ଆତ୍ମା ଆମାଃ ତିଈରିଞ୍ଜ୍ ଜିମାଆମ୍କାନା।” ଇନା ତାୟମ୍ ଆଜାଃ ବହଃଏ ଲାତାର୍ କେଃଆୟେ ଆର୍ ଆଜାଃ ଜିୱୀଏ ବାଗିୟାଃ ଦେଆ। ତିନ୍ଜଖାଃ ଯୀଶୁ ଗଜ୍ଃ ଏନାୟେ ଉନ୍ ଜଖାଃ ଅତଗଟା ଲାଳାଅଏନା। ମୁନ୍ଦିଲ୍ ରେୟାଃ ଲୁଗୁଳି ଚେତାନ୍ ଖନ୍ ଲାତାରଧାବିଜ୍ଃ ଚିରାକାତେ ବାର୍ ଭାଗ୍ଏନା ।
ଯୀଶୁଆଃ ଗୁଜୁଃ ଇଦିକାତେ ଈଶ୍ୱର୍ ବାବାଃ ସେର୍ମା ଚାଲାଃ ଡାହାର୍ ରେନାଃ ସିଲପିଞ୍ ଝିଜ୍ଃ ଏନା। ଯୀଶୁ ଅକଏ ହରହୟେ କାନ୍ ତାହେଁଦଃ, ଉନି ନଆଁଝତ ଞେଲକାତେ ମେନ୍ କେଃଆୟେ, “ନୁଇଦ ସାରିଗେ ମିଦ୍ଃ ଧରମ୍ ହଳେ ତାହେଁ କାନା। ନୁଇଦ ସାରିଗେ ଈଶ୍ୱର୍ ହପନ୍ ଗେ ତାହେଁକାନା।”
ଇନା ତାୟମ୍ ଯିହୁଦୀରେନ୍ ଗମକେ ଯଷେଫ୍ ଆର୍ ନିକଦିମ୍ ବାର୍ହଳ୍ ଯୀଶୁଆଃ ଗଜ୍ଃ ହଳ୍ମ କିନ୍ କୟକେଃଆ। ଉନ୍କିନ୍ ଯୀଶୁଗେ ମାସିହା କାନାୟେ ମେନ୍ତେକିନ୍ ପାତିୟାଉଃକାନ୍ ତାହେଁଦଃ, ଉନ୍କିନ୍ ଯୀଶୁ ଚାଦର୍ ତେକିନ୍ ଦାପାଲ୍ କେଦେତେ ତପାଠାଅଁ କିନ୍ ଇଦି କେଦେୟା, ତପାଠାଅଁ ରେନାଃ ଧିରି ଅଚଃ କାତେ ଭିତିର୍ ରେକିନ୍ ଦହକେଦେୟା। ଇନା ତାୟମ୍ ଆକିନ୍ ଘଙ୍ଗର୍ ରେନାଃ ସାମାଂରେ ମିଦ୍ଃ ମାରାଂ ଧିରିକିନ୍ ଗୁଳ୍ଦାୱ ଆଗୁକେଦ୍ଃତେ ତପାଠାଅଁ କିନ୍ ଏସେଦ୍ଃକେଃଆ।
ସନତ୍ ପୁଥିୟାଃ କାହାନୀ: ମାଥିଉ ୨୭:୨୭-୬୧; ମାର୍କ ୧୫:୧୬-୪୭; ଲୁକ୍ ୨୩:୨୬-୫୬; ଯୋହନ୍ ୧୯:୧୭-୪୨
Free to use, adapt, and share under an open license (CC BY-SA 4.0).