41. ୪୧. ଈଶ୍ୱର୍ ବାବା ଯୀଶୁଗେ ଗୁଜୁଃ ଖନାୟେ ଜିୱିଦ୍ ବେରେଦ୍ କେଦେୟା

ସେନା ଯୀଶୁକ କୁରୁଶ୍ କେଦେ ତାୟମ୍, ଯିହୁଦି ଗମକେ ପିଲାତ୍ କ ମେତାଃ ଦେୟା,“ଉନି ଏଳେଇଜ୍ଃ, ଯୀଶୁ, ପେ ମାହା ତାୟମ୍ ଗୁଜୁଃ ଖନାଃ ଜିୱିଦ୍ ବେରେଦ୍ ରୁଆଳଃ ଆୟ ମେନ୍ତେ ଲାଇୟେଦ୍ ତାହେଁଦଃ। ଯାହାଁୟେ ରେହଁ ମିଦ୍ ହଳ୍ ଉନିଠେନ୍ ନିହାତି ତାହେଁନମାକ, ଯେମନ୍ ଆଜ୍ଃ ରେନ୍ ଚେଲାକ ଆଜାଃ ଗଜ୍ଃ ହଳ୍ମ ଆଲକ କୁମ୍ବୁଳୁ ଦାଳେୟାଃମା । ଯୁଦି ଆକ କୁମ୍ବୁଳୁ ୟାକ, ତବେଖାନ୍ କ ମେନା ଜିୱିଦ୍ ବେରେଦ୍ ଏନାୟେ ମେନ୍ତେ ।

ପିଲାତ୍ ଲାଇ କେଃଆଏ,“ଦୁ ତିନାଃଗାନ୍ ସେନା ଇଦିକମେ ଆର୍ ଘଙ୍ଗର୍ ଆମ୍ ଚେଦ୍ଃ ଲେକାମ୍ ହରହୋ ହଚୟା, ଅନ୍‌କାଗେ କାମିମେ ।” ଅନାତେ ଘଙ୍ଗର୍ ଭିତିର୍ ବଲନ୍ ଦୁଆର୍‌ରେ ମିଃଟାଂ ମାରାଂ ଧିରିକ ଦହ କେଃଆ । ଆକ ସେନାକ ଦହ କେଃ କୱା ସାରି କାଥା ବାଡାୟ ଖାତିର୍‌ତେ, ଦ ଆକ ବାକ କୁମ୍ବୁଳୁ ଆକାଦେୟା ମେନ୍ତେ ।

ଯୀଶୁ ଗୁଜୁଃ ତାୟମ୍‌ଦ ଜିରାଉ ମାହା ତାହେଁ କାନା । ଅନା ଦିନ୍ ରେ ଅକୟ ହଁ ବାକ କାମି ଦାଳେୟାଃଆ, ଅନାତେ ଯୀଶୁରିନ୍ ଅକୟ ଗାତେ ହଁ ଘଙ୍ଗର୍ ଭିତିର୍ ବାକ ବଲ ଦାଳେୟାଃଆ । ମେନ୍‌ଖାନ୍ ଜିରାଉ ଦିନ୍ ତାୟମ୍ ଉଡି ସେତାଃରେ, ତିନାଃଗାନ୍ କୁଳିକ ଯୀଶୁଆ ଘଙ୍ଗର୍ ତେକ ଚାଲାଃୱ କାତେ ଆର୍‌ହଁ ଜାସ୍ତି ସାସାଂ ଆଜାଃ ହଳ୍ମରେକ ଲାଗାୱଆ ମେନ୍ତେ ଉଇହାର୍ କେଃଆକ।

ଅନା ଗୁମ୍ଫା ଠେନ୍ ସେଟେର୍ ମାଣାଂରେ, ଅଣ୍ଡେ ଭୁମିକମ୍ପ ୟେନା । ମିଃଟାଂ ଦୁତ୍ ସେର୍ମାଖନ୍ ହେଜ୍ଃ ଏନାୟେ । ଦୁତ୍ ଅନା ଧିରି ଦୁଆର୍ ସାହାକାତେ ଅନା ଧିରି ଚେତାନ୍‌ରେ ଦୁଳୁବ୍ ଲେନାଏ । ଉନି ଦୁତ୍ ଦ ବିଜ୍‌ଲି ଲେକାୟେ ଝାଲ୍‌କାୱଃ କାନ୍ ତାହେଁଦ । ସେନାକ ଉନି ଦୁତ୍‌କ ଞେଲ୍ କେଦେୟା । ଆକ ଉନାଃ କ ବତରେନାଦ ଅତ୍‌ରେ ଗଜ୍ଃ ହଳ୍‌ଲେକା ଘଲ୍‌ଟାୱ ରେଗେକ ତାହେଁଏନା ।

ତିନ୍‌ଜଖାଃ ଉନ୍‌କୁ କୁଳିକ କବର୍ ସୁର୍‌କ ସେଟେର୍ ଏନା, ଦୁତ୍ ଏ ମେତାଦ୍ଃ କୱା, “ଆଲପେ ବତରଃଆ । ଯୀଶୁ ନଣ୍ଡେ ବାନୁଃୟାଁ । ଉନି ଗୁଜୁଃ ଖନାଃ ଜିୱିତ୍ ବେରେଦ୍ ରୁଆଳା କାନାୟେ, ଠିକ୍ ଆଜ୍ ଯାହାଁ ଲେକାୟେ ମେନ୍‌ଲେଃଆ ଅନ୍‌କାଗେ କାମି କେଃଆ! ଞେଲ୍ ପେ ନଆଁ ଘଙ୍ଗର୍ ଏଖେନ୍ ନାଃ ଗେୟା ।”ଉନ୍‌କୁ କୁଳିକ କବର୍ ଭିତିର୍ କ ଉୟୁଙ୍ଗ୍ କେଃଆ, ଅକାରେ ଯୀଶୁଆଃ ହଳ୍ମକ ଦହ ଲେଃ ତାହେଁଦ । ଆଜାଃ ହଳ୍ମ ଅଣ୍ଡେ ବାଂ ତାହେଁକାନା!

ଇନା ତାୟମ୍ ଦୁତ୍ ଉନ୍‌କୁ କୁଳି ମେତାଃଦ୍ କୱାୟେ,“ଚାଲାଃପେ ଆର୍ ଆଜରେନ୍ ଚେଲାକ ମେତାଃ କପେ,“ଯୀଶୁଦ ଗୁଜୁଃ ଖନାୟେ ଜିୱିତ୍ ବେରେଦା କାନା, ଆର୍ ଯୀଶୁ ଗାଲିଲୀ ସେନ୍ ଚାଲାୱ ଏନାୟେ ।”

ଉନ୍‌କୁ କୁଳିକଦ ହାହାଳା ୟେନାକ ଆର୍ ରାସ୍କା ୟେନାକ । ଆକ ଦାଳ୍ ଚାଲାୱ ଏନାକ ଆର୍ ଭାଗେ ସମ୍ବାଦ୍ ଆଜ୍ଃରେନ୍ ଚେଲାକକେ ଲାଇଆଦ୍ କୱାକ ।

ଉନ୍‌କୁ କୁଳିକ ଚେଲାକକେ ଭାଗେ ସମ୍ବାଦ୍ ଲାଇ ବାଖ୍ରାତେ ଦାଳ୍ ଚାଲାୱ ଜଖାଃ ଯୀଶୁ ହର୍‌ରେ ସଦରେନାଏ । ଆକ ଆଜାଃ ଜାଙ୍ଗା ଲାତାର୍‌ରେ ଉଙ୍ଗୁଦ୍ଃକତେ ଜହାରାଃ ଦେୟାକ । ଇନା ତାୟମ୍, “ଯୀଶୁଈ ମେନ୍ କେଃଆ “ଆଲପେ ବତରଆଃ । ଚାଲାୱ କାତେ ଇଞ୍‌ରେନ୍ ଚେଲାକ ମେତାଃ କପେ ଗାଲିଲୀତେ ଚାଲାଃପେ । ଉନ୍‌କୁ ଅଣ୍ଡେ ଇଞ୍‌କ ଞେଲିଞାକ।”