43. ୪୩. ଗିର୍ଜାରେନା ଏତୋହବ୍
ଯୀଶୁ ସେର୍ମା ରୁଆଳେନ୍ ତାୟମ୍, ଯୀଶୁଆ କାଥା ଲେକାତେ ଚେଲାକ ଯିରୁଶାଲମ୍ ରେକ ତାହେଁଏନା । ଝତ ବିଶ୍ୱାସିକ ମିଟ୍ଠେନ୍ ଜାୱରା କାତେ କ ବିନ୍ତି କେଃଆ।
ନିସ୍ତାର୍ ପାରାବ୍ ରେନା ମଣେ ମାହାଁ ତାୟମ୍ ,ମିଃଟାଂ ପାରାବ୍ କ ମାନାୱେଦ୍ଃ ତାହେଁଦଃ ଅକାରେୟାଃ ଞୁତୁମ୍ ପେଣ୍ଟିକଷ୍ଟ ତାହେଁକାନା । ପେଣ୍ଟିକଷ୍ଟ ପାରାବ୍ ଦ ଗହମ୍ ଇରଃ ବେଳାରେକ ମାନାୱେଦ୍ଃ ତାହେଁଦଃ । ପେଣ୍ଟିକଷ୍ଟ ପାରାବ୍ ମାନାୱ ଖାତିର୍ତେ ଗଟା ଦିଶମ୍ ରେନ୍ ହଳ୍ ଯିରୁଶାଲମ୍ କ ହିଜଃକାନ୍ ତାହେଁଦଃ । ନଆଁ ସେର୍ମାଦ ଯୀଶୁ ସେର୍ମା ଚାଲାଃ ମିଦ୍ଃ ହାପ୍ତା ତାୟମ୍ ପେଣ୍ଟିକଷ୍ଟ ପାରାବ୍ ହେଜ୍ଃଏନା ।
ଝତ ବିଶ୍ୱାସିକ ମିଟ୍ଠେନ୍ ଜାୱରାୟେନ୍ ବେଳାରେ,ଅକା ଅଳାରେକ ଜାୱରା ଲେନ୍ ତାହେଁଦଃ ଅଣ୍ଡେ ଟାଟ୍କାଗେ ହୟେ ସବଦ୍ ତେ ପେରେଜ୍ଃ ଉତାର୍ ଏନା । ଇନା ତାୟମ୍ ଝତ ବିଶ୍ୱାସି କୱାଃ ବହଃ ଚେତାନ୍ରେ ମିଃଟାଂ ଜୁଲୁଃ ବାତୀ ଞେଲ୍ଏନା। ଆକ ଝତହଳ୍ ସନତ୍ ଆତ୍ମାତେ ପେରେଜ୍ଃ ଏନାକ ଆର୍ ଭିନା ଭିନା ଆଳାଂତେ ଈଶ୍ୱର୍ କ ସାର୍ହାୱ କେଦେୟା । ଆକ ନଆ ଆଳାଂ ବାକ ବାଡାୟା ସନତ୍ ଆତ୍ମା ନଙ୍କା କାଥା ଲାଗିଦ୍ତେ ଦାଳେ ଏମାଃଦ୍ କଆଏ ।
ଯୀରୁଶାଲେମ ରେ ନଆଁ ସବଦ୍ ଆଞମ୍ କାତେ ଅନା ସୁର୍ରେନ୍ ହଳ୍କ, ଚେଦ୍ଃ ଚିକାୟେନା ମେନ୍ତେ ଞେଲ୍ ବାଖ୍ରାତେ ଅଣ୍ଡେ କ ଜାୱରା ଏନା । ଆକ ଇଶ୍ୱରାଃ ନଆଁ ହାହାଳା କାମି ବିଶ୍ୱାସି ହରତେକ ଞେଲ୍ କେଃଆ । ଅଣ୍ଡେ ତାହେଁକାନ୍ ଝତ ହଳ୍ ହାହାଳା ଉତାର୍ ଏନାକ, ଚେଦାଃସେ ଉନ୍କୁ ବିଶ୍ୱାସି ମିଦ୍ଃ ଜାତି ରେନ୍କ ତାହେଁକାନ୍ ରେହଁ ଭିନା ଭିନା ଆଳାଂ ତେକ ରଳେଦ୍ଃ ତାହେଁଦ୍ । ଚେଲାକ ଇଶ୍ରାୟେଲ୍ ରେନ୍କ ତାହେଁକାନ୍ ରେହଁ ଆରମିକ୍,ହିବ୍ରୁ ଆର୍ ଗ୍ରିକ୍ ଅଙ୍କାଗେ ଆର୍ହଁ ଭିନା ଭିନା ଆଳାଂ ତେକ ବିନ୍ତି ଏଦ୍ଃ ତାହେଁଦଃ ।
ତିନାଂଗାନ୍ ହଳ୍କ ମେନ୍ କେଃଆକ ନୁକୁ ଚେଲାକଦ ପାରୁଆକ ଞୁ ଆକା ଆ ପାଲେଦ୍। ମେନ୍ଖାନ୍ ପିତର୍ ତିଙ୍ଗୁ ଏନାୟେ ଆର୍ ମେତାଃଦ୍ କୱାୟେ , “ଇଞ୍ଜାଃ କାଥା ଆଞମ୍ ପେ ନୁକୁଦ ବାକ ଞୁ ଆକାଃଆ ! ଆପେ ଯାହାନାଃ ପେ ଞେଲେଃଆ ଅନାଦ ନାବି ୟଯେଲ୍ ଲାଇଲେଦ୍ଃ କାଥାକାନା : ଈଶ୍ୱର୍ ବାବା ଲାଇ ଲେଃଆୟେ ମୁଚେଦ୍ଃ ଦିନ୍ରେ ଇଞ୍ ଇଞା ଆତ୍ମା ଆପେ ଚେତାନ୍ରେଞ୍ଜସ ଦୁଲ୍ଲା ।”
“ଇଶ୍ରାୟେଲ୍ ହଳ୍ ,ଯୀଶୁ ମିଃଟାଂ ହଳେ ତାହେଁକାନା ଯାହାଁୟେ ଉଡି ଢେର୍ ହାହାଳା କାମି କାମିଲେଦ୍ଃ ତାହେଁଦଃ ଆଜ୍ଃ ଅକୟେ ଚିନ୍ହାୱେ ପେ ମେନ୍ତେ । ଇଶ୍ୱରା ଦାଳେ ଇଦିକାତେ ଯୀଶୁ ଉଡି ଢେର୍ ହାହାଳା କାମି କାମିଲେଦ୍ଃ ତାହେଁଦଃ । ଆପେ ନଆଁକ ବାଡାୟାପେ ଚେଦାଃସେ ଆପେ ଞେଲ୍ ଲେଦ୍ଃ ପେ ତାହେଁଦଃ । ମେନ୍ଖାନ୍ ଆପେ ଉନିପେ କୁରୁଶ୍ କେଦେୟା !”
“ଯୀଶୁ ଗଜ୍ଃ ଏନାୟେ,ମେନ୍ଖାନ୍ ଈଶ୍ୱର୍ ବାବା ଗୁଜୁଃ ଖନ୍ ଜିୱିଦ୍ଃ ବେରେଦ୍ଃ ରୁଆଳ୍ କେଦେୟାୟେ । ନଆଁ ଇଦିଆତେ ଈଶ୍ୱର୍ ନାବିକଆଃ ଅଲ୍ ସାରିଏନା । ଆମ୍ ଆମାଃ ସନତ୍ ହଳ୍ ତିସ୍ ରେହଁ କବର୍ ଭିତିର୍ରେ ବାମ୍ ସେୟା ହଚଆୟା । ଆବ ସାକ୍ଷୀ ମେନାଃବଆ ଦ ଈଶ୍ୱର୍ ଯୀଶୁଈ ଗୁଜୁଃଖନାଃ ବେରେଦ୍ ରୁଆଳ୍ କେଦେଆଏ ।
“ଈଶ୍ୱର୍ ବାବା ଯୀଶୁଈ ଆଜାଃ ଜଜମ୍ ପାଷ୍ଟାରେ ଦୁଳୁବ୍ କାତେ ତିନଃୟେ ସମ୍ମାନାୟେ କାନା । ଯୀଶୁଆ କାଥା ଲେକାତେ ଆଜ୍ ସନତ୍ ଆତ୍ମାୟେ ଭେଜା କେଦେୟା ନଆଁ ଧାର୍ତିତେ । ସନତ୍ ଆତ୍ମା ହେଜ୍ଃ ଆକାନ୍ ଖାତିର୍ ଆପେ ନିତଃ ନଆଁ ଝତ ହାହାଳା କମିପେ ଞେଲେଃଆ ଆର୍ ପେ ଆଞମେଃଆଁ ।”
“ଆପେ ଯୀଶୁ ଲେକାନ୍ ହଳ୍ପେ କୁରୁଶ୍ କେଦେୟା । ମେନଖାନ୍ ଆପେ ବାଡାୟେ ଜମ୍ପେ ଯୀଶୁଦ ଝତୱାଃ ରେନ୍ ମାଲିକ୍ ଆର୍ ମାସିହାୟେ ବେନାୱ କେଦେୟା।
ପିତରାଃ କାଥା ଆଞମ୍ କାତେ ହଳ୍ କୱାଃ ଅନ୍ତର୍ ଗଟା ହିଲାୱ ଉତାର୍ ଏନା । ଅନାତେ ଆକ ପିତର୍ ଆର୍ ଚେଲାକ କୁଲି କେଦ୍ଃ କୱାକ ଆଲେ ଚେଦ୍ଃଲେ କାମିଆ।
ପିତର୍ ଆକଗେ ମେନ୍ ରୁଆଳାଦ୍ଃ କୱାୟେ,”ଆପେ ଝତ ଆପେୟାଃ କାଇ ଖାତିର୍ କାସ୍ତାୱଃ ପେ ତବେଖାନ୍ ଈଶ୍ୱର୍ ବାବା ଆପେକୋ ଇକାୟେ ଏମାଃପେୟା, ଆର୍ ଯିଶୁଆ ଞୁତୁମ୍ ତେ ଡୁବାନଃ ପେ । ତବେଖାନ୍ ଯୀଶୁ ଆପେକୋ ଦାନ୍ ଲେକାତେ ସନତ୍ ଆତ୍ମା ଏ ଏମାପେୟା ।”
ପିତରାଃ କାଥାତେ ପାଖା ପାଖି ପେ ହାଜାର୍ ହଳ୍ ପାତିୟାୱ କାତେ ଯୀଶୁଆ ଚେଲାରେନ୍ ବେନାୱ ଏନା । ଉନ୍କୁ ଡୁବାନ୍ କାତେ ଯିରୁଶାଲମ୍ ଗିର୍ଜା ରେନ୍ ପାତିୟାୱ ହଳ୍ କ ହୂଇୟେନା ।
ପତିୟାୱ ହଳ୍କ ଝତ ଦିନ୍ଗେ ପ୍ରେରିତ୍ କୱାଃ କାଥାକ ଆଞମେଦ୍ଃ ତାହେଁଦଃ । ଆକ ପାଲେଦ୍ଃ ସାରା ଘାଳିଜ୍ଃ ଗେ ମିଟ୍ ଠେନ୍ କ ତାହେଁ କାନା, ମିଟ୍ଠେନ୍ କ ଜମେଃଦ୍ ତାହେଁଦଃ ଆର୍ ମିଟ୍ଠେନ୍ ତାହେଁକାତେ ଆକ ଆକଆଃ ଆପ୍ନାର ବାଖ୍ରା ଈଶ୍ୱର୍ ଠେନ୍ କ ବିନ୍ତି ତହେଁ । ଆକ ଈଶ୍ୱର୍ ଠେନ୍ ମିଦ୍ଃ ସାୱଁତେ ବିନ୍ତିୟେଦ୍ଃ ତାହେଁକ ଆର୍ ଯାହାଁନାଃ ଗେ ଆକ ଠେନ୍ ତାହେଁକାନା ଝତୱାଃ କ ହାଟିଞେ ତାହେଁ ଆକ ଭିତିର୍ରେ। ନାଗାର୍ରେ ତାହେଁକାନ୍ ଝତ ହଳ୍ ବେସ୍ଗେକ ଉଇହାରେଦ୍ଃ ତାହେଁଦ୍ । ଦିନ୍ ଧାରାଗେ ପାତିୟାୱ ହଳ୍କ ଢେରଃ କାନ୍ ତାହେଁଦଃ ।
ସନତ୍ ପୁଥିୟାଃ କାହାନୀ: ଭେଜା ଆକାନ୍ ୧:୧୨-୧୪;୨
Free to use, adapt, and share under an open license (CC BY-SA 4.0).