45. Stefanus dan FIlipus

Sala satu pemimpen kat anta'e pa'a pengikot Yesus, nang petame adelah seu'ang jenten bename Stefanus. Semue u'ang ngrmat diek. Roh Kudus megi diek benyak kuase dan hikmat. Stefanus muet benyak mukjizat. Benyak u'ang pecaye kat-diek ketike diek ngaja mikek diek ontok pecaye kat Yesus.

Suatu a'i ketike Stefanus sedang mengaja tentang Yesus, bebeape u'ang Yahudi nang tidek pecaye kepade Yesus detang dan mulai bedebat dengen diek. Mikek diek menjedi ma'ah, sehingge mikek diek pegi kat pa'a pemimpen agama dan nyite ngakal tentang Stefanus. Mikek diek becakap, "Kamek nenga Stefanus nyakap hal-hal nang je'et tentang Musa dan Allah!" Make pa'a pemimpen agama nangkap Steanus dan mawak diek kat depan imam besa dan pa'a pemimpen Yahudi laen diek. Lebeh benyak lagi saksi-saksi pelsu detang dan ngakal kat mikek diek tentang Stefanus

Imam Besa betanye kat Stefanus, "Apekah u'ang-u'ang ekek nyakap nang sebetolnye tentang dikau?" Stefanus mulei nyakap benyak hal ontok nyaweb Imam Besa. Diek becakap bahwe Allah telah muet benyak hal nang luar biase begi bangse Israel sejak Abraham idop sampai pade zaman Yesus. Tetapi bangse etok selalu tidek ta'at kat Allah. Stefanus becekap, "Dikau ke'as kepale dan memberontak kat Allah. Dikau selalu nolak ROh Kudus, same sepeti nenek moyang kitek nang selalu nolak Allah dan selalu memunoh nabi-nabi-Diek. Tetapi dikau muet suatu nang lebeh terok da'i pade nang mikek diek muet! Dikau telah memunoh Mesias!"

Ketike pa'a pemimpen agama nenga hal ekek. mikek diek sangat ma'ah dan nutop telinge mikek dieak sambel betiak dengen ke'as. Mikek diek nye'et Stefanus kat lua kote dan melempa diek dengen batu ontok memunoh diek.

Ketike Stefanus sedang seka'at, diek betiak, "Yesus, te'imelah rohku." Diek belutot dan betiak legi, "Guru, jengen tanggukan dose ekek kat mikek diek." Kemudien diek meninggal

Pade a'i etok benyak u'ang kay Yerusalem mulei menyekse pa'a pengikot Yesus, sehingge u'ang-u'ang pecaye melaikan di'i ketempat laen. Namon meskipon begetok, mikek diek tetap ngaba tentang Yesus kat mane pon mikek diek pegi.

Ade seu'ang nang pecaye kat Yesus bename Filipus. Diek melarikan di'i da'i Yerusalem, Sepeti kebenyakan u'ang pecaye laennye. Diek pegi kat Samaria, kat mane diek berkhotbah kat u'ang-u'ang tentang Yesus. Benyak u'ang pecaye kat diek dan diselamatkan. Suatu a'i, seu'ang melekat detang da'i Allah kat Filipus dan nyuoh pegi kat padang gurun, dan bejelan lewat jelen tetentu. Filipus pun pegi kat sane. Ketike diek sedang bejalan kat jalan, diek nengok se'uang jenten nang sedang naek kerete die. U'ang ekek adelah se'uang pejabat penteng da'i negri Etiopia. Roh Kudus nyuoh Filipus ontok pegi dan becakap dengen u'ang ekek.

Abes etok Filipus pegi kat erete etok. Diek nenga u'ang Etiopia etok mace firman Allah. Diek mace apek nang telah ditules oleh nabi Yesaya. U'ang etok membace, "Mikek diek mengireng Diek sepeti anak domba nang akan disembeleh, dan sepeti anak dombe nang diem, Diek tidek mengucapken sepatah kate pon. Mikek diek muat kat diek dengan tidek adel dan tidek ngormat diek. Mikek diek ngambek nyawe diek da'i diek."

Filipus betanye kat u'ang Etiopia etok, "Apek dikau ngeti apek nang dikau bace?" U'ang Etiopia etok nyaweb, "Tidek, saye tidek depet maham kecuali adek u'ang nang nyejaskan kat saye. Sekek detang dan dudok kat sampeng aku. apek Yesaya sedang nules tentang di'i diek sendi'i atau u'ang laen?"

FIlipus naek kat delem kerete dan dudok. KEmudien diek ngaba kat u'ang Etiopia etok bahwe Yesaya telah nules tentang Yesus. Filipus jugek becakap tentang benyak bagien laen da'i firman Allah. Dengen ca'e ekek, diek ngaba kaba be'ek tentang Yesus kat u'ang etok.

Ketike Filipus dan u'ang Etiopia etok sedang delem perjalenen, mikek diek tibe kat suatu tempat nang adek a'e. U'ang Etiopia etok becekap, "Tengok! Ade a'e! Bole saye dibaptis?" Lalu diek nyu'oh kusir diek ontok mengehenti kerete diek.

Abes etok mikek diek turon kat delem a'e dan Filipus membaptis u'ang Etiopia etok. Abes etok mikek diek kelua da'i a'e, tibe-tibe ROh Kudus mawak Filipus kat tempat laen. Kat sane Filipus te'os becite kat u'ang-u'ang tentang Yesus.

U'ang Etiopia etok melanjotkan perjalenen menuju umah diek. Diek sangat senang kene seka'ang diek telah ngenal Yesus.