11. Anelai abduran

Kitunga Paron adong abkzlkzlle oppungeten do bogad anin Israelanji a yerben asan attiylenden, etteden anin mandran do jontunji a kuddub adibakudan kabhite. Paro angante kan ate amdangeten anin kanate a dernaben do Kitungan a banihan manneben asan ardieten.

Anin amang lingan bute bute derrenji Kitungan aninji adzbakud-onanji adong rabrabben asan aboi tangoran oskaiyeten. Dile sing’lingan aboi erbalso aon murkundardamedan a kabhiben dele.

Kitungan Israelanji adong murkundardan a mihaman aninji a daraninji a yar-yar jodben asan baihetenji, bar jelun balle do er manaih gabrungsal rutipun umengle jumben asan banaihan tzetenji.

Kitungan aninji adong engale lumben asan banaihan tietenji Isralanji kuddub manra lumleji. Tungar togalan ayam lingan Kitungan Misor sanle yereten do a dibakud kudduban kabhideten.

Israel maranji asi’ngan a sanang a yar-yar manengan mihaman jable, anten asan Kitungan kun a kuddub umrengeten. Alung sing lingan kuddubanji irabmuij dakulenji. Aon murkundardan a miham asan aninji ranab-raban hangleji.

Bindo Misorbaiji Kitungan orde Kitungan abernan addernadji. Anten asan Kitungan aninji a si’nganji adnumrengad. Kitungan Misoranji adile debakudanji absi’deten.

Dile Misorbaiji a diba onger-onanji a karahidan dele. Karoijo sing lingan adeba onanji saring Paron a deba-on sikoijja kuddubanji kahidleji. Ateng Misorbaiji danukan asan aninji edalenji do gudalenji.

Kun a togal ling Paro Mojeson do Aron ado’ng gudingle gametenji, “ Israelanji a d’ong urungle umengle Misor umrengle yerba”, Misorbaiji janang Isralanji ado’ng tabdong Misor umrengle a yerben asan labyu garberleji.