14. Asarsolan a ring-ring tulab ling a nendungan

Kitungan Israelanji adong anosaijanji, itente anin aninji ampara sanibdaijan abo tanuban deandele a manneben asan ogalleji. A opunglenji atiki aninji Sinai barun saring dunglenji. Kitungan aninji adong sanibdaij disanban a urungben asan abamjingben susueten, uante a dzsan Kananiya ganaman dele. Tarub-sunan aninji amukkaban abmanglen Kananiyaban yereten bar aninji a kandungban sandungle yerreji.

Kitungan Abraam, Issak, do Jakub ampara jibjibeten, do anin a sanibdaij disan aninji a birindanji adong tiyte, bindo nami kun a darakuna lingan ateng manranji a ompu basuleji. Aninji a d’ong Kananiya gamle ganaman dele. Kananiya maranji Kitungan a d’ong aggankeladji orde a banaiberan abmanneadji. Aninji jolda tunganji adong sempurleji bar ateng parsakardijdage a baran lumleji.

Kitungan Israelanji adong gameten, “Janibjib disa lingan amben kuddub Kananiya baiji saring lulunan a hangbe dete na. Aninji ampara sanabyun janib-jiban abmedong orde aninji adong a sidrungdongne. Amben aninji a kungdaijan kuddub absi’dba. Bogad amben banaihber Henji abmannelenden, Hen sadle ambenji aninji a kungdaijanji a gankeldong.

Israelanji angante Kananiya a tonnoban arduleji, kun ayam lingan Mojes dile tegan saring tangboi tangboi, 12 onger maranji adong sedaeten. Kun disa iyan iyle antate gijben asan yangam daku antate loile melgijle ayeraiben asan tiyberetenji. Kananiyabaiji radudam orde er tu’ldam dakuji antate janang galamben asan aninji adong anopungan dele.

Kun 12 mandra Kananiya a kuddub maneng 40 dinna sikoija endungle daiyarlaiji. Aninji mandranji a d’ong gamleji, “ Kun a dzsan ateng kaitamsol bar tedte lingan bangsa ganru’ran dete!” Bindo kun manelgij maranji amang saring 10 mandra gamleji,”tedte lingan a gardanji boi-boi radudam bar tedte a basuten a mandranji boi boi kinggam marji. Bogad anlen asanggem linganji sanulabenden jardijten gamle aninji don’nglen abladnale Kabhidlanngtenji.

Anta-tabdong bagu loile melgij maranji Kaleb do Josua gamleji, “Kan ate jardiberan do Kananiyabaiji lankaran bar radudamji na, bindo anlen aninji adong jadrijten gamle abladnatabeji! Kitungan anlen apsele sanuten.

Bindo mandranji Kaleb do Josua abernan addaludajji. Aninji Mojes do Aron a lananka barable gamleji, “Ambenji don’nglen kan ambrij bantongijdage a darakunaban a urunglelen? Anlenji sanu darakuna lingan a kahidtaen a panardu osantan Misor lingan a dakunan hadab dakule bar dukrilenji do passijlenji boanta lingan dakuteji badih.” Mandranji aninji apsele bo beggarda abmangod maran adong sedaben itsumleji, butente aninji adong bar okij Misor rapti urungteji.

Kitungan karran baradale do ranukku tambusingban yeraiten. “ Kitungan gameten ambenji asanggemling Hen a delen, anten asan kuddub mandra nji ring-ring tulab lingan ardod-god maranji ambrij aendungte. Josuan do Kaleb sadan sadle kuddub manra 20 mihum saring ateng kuddub manra tette kahidteje do aninji a sanibdaij desan enga dele janang ganle adraptieji.”

Mandranji angante kan ate amdangleji, aninji pintun lumleji, antabmele dukkalenji. Aninji a kardibanji pangle Kananiya lingan a dakulenanji amandranji adong sanuben asan dunglenji. Mojes aninji adong yerben asan dangdangeten iten asan gamlenden Kitungan aninji ampara addakuad, bindo aninji anin aberna addaludadji.

Kitungan kun a sanu darakunaban aninji ampara adniad, anten asan aninji anabladnan deleji bar aninji saring ateng kahidleji. Ante saring Israelanji Kananiya saring mordengle ring ring tulab lingan 40 minhum sikoija endungle dakulenji.

Israelanji ring ring tulab lingan a edunglenji 40 minhum ayam lingan Kitungan aninji a kuddub sanaijsai janaban oskayeten. Anin “Manna” gamle anabmad-dage ruang ganagan tietenji. Bar okij aninji a barasu darakunabanji Guditidanji appaile (etente kuddub a tarangdi janong tid dakule) yante gamle aninji jumben asan jelun rapti hangteji. Kan a kuddub ayam atarangdi ling, Kitungan aninji a jarijina sindrin, bar a panduhanji a gobbaben asan adtiad.

Kitungan kan ambrij rubmangdage arengan saring d’an amdungle aninji adong d’an teatenji. Bindo kan a kuddub baran a tiki janang, Israel maranji Kitungan do Mojes asanggem lingan daba lenji bar a monna linganji berdunleji. Kan ambrij a delen atiki janang Kitungan Abraam, Issak bar Jakub ampara a lumlen a janibjiban a kared’ad.

Bo beggarda ayam lingan mandranji angante d’an adhangadji, Kitungan Mojes adong gameten, “ kun arengan adong bernan oppunga do tedte saring da’dungten.” Bindo Mojes bernan a opungten a panrdun 2 tra danggun batte a tideten batte kuddub mandranji a temang Kitungan a d’ong er-ganugudage aps’eten. Kuddubanji yante gamle gadatenji d’an dungnaiten, bindo Kitungan Mojes a lananka barable do Mojes a d’ong gameten, “Aman sanibdaij dzsa lingan ganle adraptie.”

Israelanji 40 minhum aringring tulab lingan endungle dakulenanji a tiki, Kitungan asanggemleng dajingante mandra delenji, kuddubanji kahidleji. Ante saring Kitungan bar okij aninji a d’ong sanibdaij dzsan a manengba urungetenji. Mojes nami karran talaibale, anten asan mandranji adong apsuigodben apsele anin a d’on a sayamben asan Josuan a d’ong sedaeten. Kitungan Mojes a d’ong okij bo janzbjzban tzeten do, Anin Mojeson ambrij okij bo tungmadgij maran a d’ong appaitai.

Ante saring Kitungan Mojes adong barun a muttiban a daiben asan opungeten yante gamle tedte saring ansanibdaij dzsan rapti gijte. Mojes ansanibdaij dzsan rapti gijeten bindo kotte ganben asan Kitungan anorden adtiad. Anta a tiki Mojes kahidle do Israelanji 30 dinna sikoija anin apsele dukkalenji. Josua aninji a tabme abmangod maran dele. Josua bangsa abmanggod maran dakule eten asan gamlenden anin Kitungan amang lingan der-derneten bar Anin a bernan mannieten.