2. Pintun Ordar lingan ganeten

Kitungan aninji apsele a oskailen tamsengdam a kutta lingan Adam bar a dukrin ateng manoihdam mandrengnan abhanaleji. Aninji buteja sinrzn adji-jinadji, bindo aninji abmele kan ate iteja ganroijan a garamgaman addakuad. Iten asan gamlenden ordar lingan pintun addakuad. Aninji dile tordong kutta lingan yerre yarre abmelenji, bar Kitungan ampra arolangleji.

Bindo, kutta lingan tarakkadam aboi ja’dan dakule. Anin insalon ado’ng gameten, Kitungan ajjardi-gamle kutta lingan iteja a n’eban a jo’n ajumdong, gameten po?

Insalon jalangle gameten, Kitungan do’nglen roitad do er roitad ganalaman a tiyten a n’eban a jo’n sadle, iten-janang a n’eban a jo’n anlen rapti ajumtai. Kitungan do’nglen gameten, bogad amben kun jo’n a jumte ordi a jabte, eteden ante a dinna amben kahidtaben.

Ja’dan insalon ado’ng gameten, antate jardiberan-ted. Amben akkahide. Kitungan galam daku do ajumten atabdong, amben Kitungan ambrij adete do Anin ambrij roitad do er roitad ganalaman a hangte.

Insalon antate gijeten, kun jo’n ganij-gij lingan langadam bar jumben asan ateng jabbungdam dakule. Anin janang ganalamdam deben asan itsumeten, anten asan anin dajingante jo’n rueten bar jumeten. Ante-atiki anin dajingante jo’n a tanongban ado’ng tiyeten, butente anin ampara dakule do anin janang kun saring asui jumeten.

Abubmung aninji a mo’dan rzneten bar aninji imdalenji do, aninji aputan deleji. Olan sitaran sitarre a do’nganji absosoben asan erreji- guijleji.

Ante saring Kitungan kuttaban halen ayertaen asanadan ongeran do a dukrin amdangleji. Ba’gunji Kitungan atemang saring solenji. Ante saring Kitungan ongeran ado’ng gudingle gameten, Aman uan daku? Adam jalangle gameten, Aman Edon kutta lingan a halenan ate hen amdanglai do batonglih, eten asan gamlenden hen aputa dakulih. Anten asan hen solenai.

Ansaring Kitungan ualeten, aman aputa daku gamle buten opungamten? Itente ajo’n jumdong gamle Hen opunglai ante a jo’n aman jumle po? Ongeran jalangle gameten, kan a insalon aman do’ng-hen tiylih bar anin do’nghen jo’n a jumben asan tiyten. Kitungan insalon ado’ng ualeten, aman kan iten lumle? Insalon gameten, ja’dan jolda-ihten.

Kitungan ja’dan ado’ng gameten, aman anangan delam. Aman kampungdam-nam batte haten bar arardisolan jumte. Aman do Insalon, di-dargamben arasangemte bar on-namji do a onanji janang arasangemteji. Insalon a birinda bob-nam abparate do aman anin adanukurdi-jingan abparate.

Ante saring Kitungan insalon ado’ng gameten, karukud-asuda-nam Hen karran abatengtai. Aman tanongbanam abmele anogir-nam dakkute, do Anin lananka-nam danegotte.

Kitungan mandran ado’ng gameten, aman dukrinam a berna amdangle bar berna-Hen abmanniad. Nami labon anangan dele, bar nami aman ganagan a hangben asan karran baranaben dete. Aman kahitam bar do’ng- nam labon lingan maiten. Ongeran a dukrin ahim Oba tiyhimeten, kan a garam gaman “anin mandrengna-tiy-boi,” eten asan gamlenden anin ateng mandranji ayangan dete. Bar Kitungan Adam do Oba ado’ng jontun a usalan batte abjijietenji.

Ante saring Kitungan gameten, nami bangsa do erszn a gadlameten batte mandran anlen ambrij dele, aninji tarda ayam me’ngben asan mandrengnan amdungten a ne’eban ajo a jumben ted. Anten asan Ktungan Adam do Oba ado’ng tamsengdaman a kuttan saring amdungetenji bar sangai appayetenji. Mandreng-nan amdungten a ne’eban ajo’n yante gamle adjumeji, kun abmele Kitungan ranaptidam pisirdianji ado’ng kuttan a sanangban tanur-turmarge dakkuetenji. Baibolan abo-Katta-beran: Aparmangta 3 tanub