22. Tabbubda Jon a karu-kudan.

Purban, Kitungan a mandranji a d’ong a ruang pisirdianji do tungmaggij maranji batte berna opungeten. Bindo 400 mihum padlen a tiki namintan sikkoija anin aninji a d’ong bernan adnopungad. Abubmung bo pisirdia Kitungan saring bo panglang beran pangle Jikoriya a himan bo talaiba buyan a mangba yeraiten. Jikoriyan do a dukrin Elisabet Kitung banantong marji dakuleje, bindo aninji passijan rapti a kku-dajji.

Pisirdian Jikoriyan a d’ong gameten “Dukrinam bo onger onan kudte. Aman anin a’dong Jon gamle tiyhimte. Anin Mardi-Jangardan batte banarijan dete do Kristun apsele mandranji a d’ong oskaite. Jikoriyan jalangle gameten “hen do dukri hen passijan a kudben asan ateng talaibale-len! Kan ate dete gamle hen yangamle galamai?”

Pisirdian Jikoriyan a d’ong jalangle gameten “kan a bangsa anobling beran d’ong nam a opungben asan Kitungan d’ong hen appaieten. Aman manghen aderrenan asan on’nam a karukud endrang de-en sikkoija aman bernan rapti anopunge.” Anta a tabdong Jikoriyan bernan rapti adnopungad. Ante saring kun pisirdian anin a d’ong umrengle yereten. Kan saring, Jikoriyan a s’ing damban yereten do a dukrin pangguronle.

Angante Elisabet pangguronle tudru-angai dele, kun a pisirdia Elisabet a kulam-boi a d’ong absuij damneten butente ahiman Meri dakule. Anin bo poilong-boi dakule do Josep a himan bo mandra a d’ong sidrung naben asan ganabrin dele. Pisirdian gameten “aman pangguronle bo onger onan kudte. Aman anin ahiman Jisu gamle tiyhimte. Anin lanaka Kitungan a O’n dete do tarda ayam rajagodte.”

Merin jalangle gameten “kan yangamle dete, eten asan gamlenden hen aboi poilong-boi?” Pisirdian gadlamle opungeten “Marid-janggardan mangbanam iytai duine, do Kitungan a ranapti d’ong nam lubte. Anten asan kun resa-sijan marid do Kitungan a O’n dete.” Pisirdian anin a d’ong etente opungle Merin antate derren jaeten.

Pisirdian Merin a d’ong opunglen a tiki anin Elisabet amangba endungle iyeten yere. Elisabet Merin a lanem amdanglen a tabdong Elisabet a darakkuon lingan passijan leledamneten. Kitungan aninji alananka linghanji etente lumeten ante aberna ayemle insalonji rukkulen m’oihlenji. Merin Elisabet a d’ong rabangan rabangle yagi-angai a tiki Merin a s’ing damban dayarneten.

Elisabet bo onger onan kudlen a tiki, Jikoriyan do Elisabet, pisirdian atan anopung beran ambrij resa-sijan a himan Jon gamle tiyhimleji. Anta tiki Kitungan Jikoriyan a d’ong a bernaben a psele bar-okkij ranaptin tieten. Jikoriyan gameten “Kitungan a d’ong ganugun de-ete, eten asan gamlenden anin a mandranji a d’ong sayemeten!” E o’n hen, lananka Kitungan gameten, d’ong nam tungmaggij-mar gamle ganudingan dete do mandranji a pintu a tanamadan apsele aman aninji a d’ong opungte.