24. Jon Jisun a d’ong tabbudan tiyte.

Jikariya do Elisabet a onan Jon marangle bo tungmaggij-mar dele. Anin ring-ring tulabban basule do adangdan do surda papparan jumeten, bar sisabongdan a uparan saring a gadelle a sendri jijineten.

Ateng mandra Jon a berna amdangben asan ring-ring tulabban yerraiji. Anin aninji a d’ong hanagan tiyle gameten, “Abyar j’e naba, eten asan gamlenden Ruang Rajaman tuyale!”

Mandranji angante Jon a hanang amdangleji, aninji saring ateng mandra pintu saring abyar j’e lenji, do Jon aninji a d’ong tabbubdan tieten. Ateng buya abmangod maranji janang Jon saring tabbubdan a hangben asan yerraiji, bindo aninji adnabyar j’e nadji orde a pintunji adnad-pengb’adji.

Jon kun buya abmangod maranji a d’ong gameten “E aonjadanji! Kudidamnaba, do taramtamben bandaba. Ayenga a n’eb bangsa j’on adj’oe antate anidan dete do t’ogi lingan sanoiyan dete. “Tungmaggij maranji etente-etente a berna anin apsele opungleji antate Jon a bojoraieten. “Gija hen mukabanam kuduai pisirdiahenji appaitai do tangornam oskaiteji.”

Danjing Juda maranji Jon a d’ong anin Kristun po gamle ual-leji. Jon jalangle gameten, “hen Kristun ted, bindo hen saring bo mandra yertai. Anin boi-boi panemengdam do anin a panduihan a janijin a urben asan hen er-tarungna.”

Anab-biyo Jon saring tabbudan a hangben asan Jisun yeraiten. Anagante Jon anin a d’ong gijeten, anin gameten “Gijba, Kitungan a On Murkundarda, butente Ordaran a pitu birdaran tambedle pangte.”

Jon Jisun a d’ong gameten, “D’ong nam tabbubdan tihben asan hen tungnated. Osantan Mang-Nam saring hen tabbudan a hangben sanaijsaij, Jisun pintun adlumeten janangden Jon amang tabbubdan a hangben asan iyeten, eten asan gamlenden kan ambrij kuddub ranoitadan barijte. Kan asan Jon anin a d’ong tabbubdan tiyeten.

Tabbubda deadelen Jisun angante d’an saring delen yereten, Kitungan a Janggardan kukkuran abrij gijtale do jaitan ladsole anin amang lingan duijneten. Kun ayam lingan, Kitungan a sarrang riangan saring sanaddan dele do gameten, “Kan tanimyem On-Hen, anin a mang lingan boi-boi m’oihdatih.”

Kitungan Jon a d’ong gameten “aman butente a d’ong tabbubdan tiyte anin a lanangka Marid Janggardan ladsotai do dakuten. Kun a mandra Kitungan a Onan na.” Aboi sattan Kitungan daku. Bindo Jon agante Jisun a d’ong tabbubdan tiyle, anin U’an a berlenan ate amdangeten, Kitungan a’On Jisun a d’ong gijeten bar Maridjaggardan a d’ong gijeten.