25. Duai-suman Jisun a d’ong tunjengte.

Jisun tabbuda dean dele anta a tabdong Marid Janggardan batte anin a d’ong ring-ring tulabban anurungan dele. Tette anin bakurdi-dinna bakurdi-togal anamneten. Ante saring duai-suman Jisun a damba yeraiten do anin a d’ong abpintuben asan tunjingeten.

Duai-suman kan ambrij gamle Jisun a d’ong tunjiggeten, “Bogad aman Kitungan a On den, yantegamle kan arenganji rutipun dete, banaihan tiya.

Jisun jalangle gameten “Anidan daku, Mandran rutipuntum batte abm’enge bindo Kitungan a’tod ling saring a dunlen a dile bernan batte m’engte!”

Ante saring duai-suman sareba singan a lankaban urungle anin a d’ong gameten, “Bogad aman Kitungan a On den, tedne saring jaitan erjanga, eten asan gamlenden anidan daku, yantegamle j’engnam apparae anten asan anin d’ongnam a takkubben asan Kitungan a pisirdianji a d’ong banaihan tiyte.”

Bindo Jisun atam anidol beran ambrij duai suman a d’ong jalangle. Anin gameten, “Kitungan anidolbereng, anin aninji a mandranji a d’ong banaihan tiyte, Aman Gamang Kitungnam a d’ong tunjingdong.”

Ante saring duai suman ordaran a kuddub rajaman do a ganugu bittin absuijle gameten, “Bogad aman turdumle lemsen-lihenden kan a kudduban hen tiytam.”

Jisun jalangle gameten, “duaisum sangai dedna! Kitungan anidlo berreng kan ambrij daku, “Aman Ganang Kitung-Nam a d’ong lemsena, bar sattan anin a d’ong gankila.”

Jisun duai suman a tanunjing ling attiy damnad, anten asan duai suman anin a d’ong omdale yereten. Ante saring pisirdianji yerre Jisun a d’ong gankilleji.