26. Jisun a ganankil baran susute

Duai suman a tanujingan saring dainan hanglen a tiki, Jisun Marid Janggardan a ranapti hangle a basueten a desaba manan Galili dayarre yereten. Jisun hanagan tiyle biggarda-biggarda gorjangban yereten. Kuddub manra anin a bernan bangsa gamleji.

Jisun ayengan a Najarita lingan parssij saring dakuneten, kun a gardaba yereten. Layemna denna adnang anin sareba-singban yereten. Anin a s’i lingan aneded kamb’olan (kun ayam lingan Papur Anosaijan) anin Jisaiya tungmaggij-mar a kamb’olan a kenolben asan taniyan dele. Jisun aneded kamb’olan abkudle dajing berna manranji a temangba kenoleten.

Jisun kenolle, “Kitungan a Janggarda d’ong Hen taniyan dele, yante gamle banagge maranji a mangba bangsa anoblingan a opungben, koijjo maranji anuran, kardumaranji anabggijmadan, do lanadtin maranji a d’ong aburben aberna appengbatai. Kan Tordong Gamang Kitungan anablu mihuman.”

Ante saring Jisun gobeten. Kuddub manra anin a d’ong tang-tangmadleji. Jisun kamb’ol lingan saring etente a berna kenoleten antate Kristun a d’ong arapsuijten a berna a opunglen ate aninji rapti galamleji. Jisun gameten, “Hen nami etente a berna kenollai antate nami ajoraite.” kuddub mandra rubmangdage deleji. Aninji gamleji “Kan Josep a on ted po?”

Ante saring Jisun gameten “kan ate jardin na buteja a tungmaggij mar a gardadam lingan tugna janajan add’e. Eliya tungmaggij maran ayam linagan Israel linagan ateng joar boijanji dakuleji. Bindo yagi mihum-tudru anggai addelen sikkoija ante adnang Kitungan Eliyan a d’ong Israel lingan a dakun buteje a joar boi amangba er appai labe biggarda desa ling a dakulen a joar boi amangba appaiyeten.”

Jesun opungle yereten “do Elisa tungmaggij mar ayam lingan mutta bem-bem man ateng Israel lingan dakuleji. Bindo Elisa aninji saring buteja a d’ong adnad samangad. Anin Israelanji asanggem desa lingan bo sanu oba mar Naaman sattan a mutta bem-bem absamangeten. Ayengate a manraji Jisun a berna amdangleji kun a kuddubanji Juda mar dakuleji. Anten asan aninji angante kan a berna a opungeten amdangleji anin a lanaka lingan boi-boi barabdaleji.

Najarita lingan a dakulen a manraji sarebasing lingan saring Jisun a d’ong amdungle a bo ling-ling darakuna lingan saring tusile a kabhidben asan tette urungleji. Bindo Jisun onla maranji saring sanle yereten do Najarita gardan omdaeten.

Ante saring Jisun Galili desaban yereten, ateng onla maranji anin adamba yerraiji. Butente a manra rapti aggijadji, rapti adhanadji, rapti adnamdagadji aninji ampara ateng bem-bem do d’ong lingan er-tungna maraji a d’ong urunglaiji.

Hamkul maraji a d’ong Jisun a mangba anurungan deleji. Jisun a banaihan batte kulmanji manranji amang ling saring dunglen yerraiji, do ateng ayamling aninji uai logi guleji “Aman Kitungan a On!” ateng manra rubmangdage deleji do Kitungan a d’ong senpurreji.

Ante saring Jisun miggal manranji a d’ong sedaeten, butente a d’ong Anappai Hanangna maranji gamle ganudingan deleji. Hanangna maranji Jisun ampara halenji do amangan saring hanglenji.