28. Dangarda gamang danegodmar

Bo dinna, bo dangarda gamang danegodmar Jisun a mangba yeraiten do ualeten “E bangsa Hanangmar, er-ahidan a mandrengna a hangben asan hen eten lumai?” Jisun anin a d’ong gameten “eten asan aman d’ong Hen bangsa gamtih?” Bo mandra main sattan banangsan daku do anin Kitungan na. Bindo aman bogad er-ahidan a manrengna a hangbe ogallenden etteden Kitungan anosaijanji mannea.”

Anin ualeten eten-eten anosaijanji hen a manneben sanai-saij? Jisun jalangle gameten “tuabmar-dongne, jundarda-dogne, jumbur-dongne, jolda-dongne, u’a nam do yang nam a d’ong abpemenga, do toi-toijsing marnam a d’ong d’ong-damnam ambrij timyema.”

Bindo kun dangardan anin a d’ong gameten “kan a kuddub hen sanna hen saring mannele yerrai. Er-ahidan a manrengna a hangben asan hen okkij etten a lumben dete?” Jisun anin a mangban gij-gijle anin ad’ong timyemeten.

Jisun jalangle gameten, “bogad aman roitad adeben ogallenden, etteden aman yera do kuddub bittinamji e tima do banagge maranji a d’ong e tiya do d’ong Hen sandungih. Anta tiki Ruang lingan aman bittin hangte.”

Jisun a opunglen a berna angante dangardan amdangeten, anin boi-boi dukkadale, eten asan gamlenden ani boi-boi gamang mar dakule do a tartumeten a kuddub aumrengben asan anin adnogalad. Anin amukan mordengle Jisun amangba saring yereten.

Ante saring Jisun a hanagna maranji a d’ong gameten “bitti maran Kitungan a rajam ling a ganben asan boi-boi kal kal dam! “U’u bo bitti maran ruang rajam lingan a ganben saring osantan bo sisabongda baroikaban a puttar lingan rapti gante.”

Jisun a opungeten a berna agante hanangna maranji amdangleji aninji rubmangdage dean dele ualleji “etteden buten anablun rapti hangte?”

Jisun a hanagna maranji amangba gij-gijle gameten “mandran a ganij-gij ling kan ate jugardamdam bindo Kitungan a ganij-gij ling kan ate jugardamdam-ted.”

Pitor Jisun a d’ong gameten “anlen kudduban umrengan umrengle d’ongnam a sandungtam. Anlen apsele eten uhul-kuijan dakute?”

Jisun jalangle gameten “ayengante a mandra hen asan s’ingan, buhangan, tonanan, u’an, yangan, o’onan do bittin omdate anin 100 tarding tartumte do er-ahidan a manrengna hangte. Bindo abamang maranji tikiteji, do tiki maranji abmangteji.”