30. Jisun Molloi ajjar mandranji a d’ong rujumte.

Ateng biggarda- biggarda gorjangban hanangan a tiyben do a hang-hangben asan Jisun a hanangna maranji a d’ong appaiyeten. Jisun u’ante dakule tette angatente aninji yarrenji, eten-eten dele antete aninji anin a d’ong opungleji. Ante saring Jisun Ganingan a mittal pardiban a dakun uante janang bo ring-ring darakunaban a yerbe asan aninji a d’ong gudingetenji. Anten asan, aninji bungsang lingan gobleji do Ganingan a mittal pardiban yerreji.

Bindo kun a darakuna ling ateng mandranji a dakunalenji asan Jisun do a hanagna maraji bungsangan omdale yerreji. Kan a mandraji aninji adamba a yerben asan aninji abmang ganing pardiban ad-duge yerreji. Anten asan Jisun do a hanangna maraji angante arduleji, ateng onla maranji ganing pardi a manengba omdele dakulenji.

Aninji 5000 ambrij ongeranji dakule, insalonji do passijanji a danisam add’ead. Jisun kan a mandraji a lananka ling boi-boi asuyemdale. Jisun apsele kan a mandraji gupa-med maran agasan a murkundrdanji a mbrij dakuleji. Anten asan anin aninji a d’ong hanangan tietenji do amang linganji saring butente bem-bem mar dakule aninji a d’ong absamangetenji.

Dinnan a tanakud lingan, hanangna maranji Jisun a d’ong opungleji “ayaman atengle do adamban ongihja gardan agasa. Engale aninji yerre ganagan rapti oskaiteji mandranji a d’ong appaiya.”

Bindo Jisun hanangna maranji a d’ong gameten, amben aninji a d’ong ganagan tiybaji!” Aninji jalangleji “anlen antate yangamle lumle a raptiai? Mangbalen Molloi Rutipun do B’agu Ayon sattan daku.”

Jisun a hanangna maranji a d’ong opungeten, mandranji a d’ong gamba do aninji tangbakkurdi tanggalji ompu abselen gobetiji.

Ante saring Jisun kun Molloi Rutipun do B’agu Ayon pangle ruangban gij-gijle do kun apsele Kitungan amangba sanensenan tieten.

Ante saeing Jisun kun Rutipun do Ayonji pij-pijleji. Kun a panij-pijanji mandranji a d’ong atiyben asan hanagna maranji a d’ong tieten. Hanangna maranji kun a janum-jum tiy-tiyleji do kan okkij adnahidad. Kuddum mandra jumle b’eleji.

Ante saring, hanangna maranji mandranji a janum-jum ling saring a tallenan a panij-pijanji rukkuleji do miggal turdud lingan dakkeleji. Kuddub janum-juman Molloi Rutipun do B’agu ayon saring yeraiten.