31. Jisun da'an alananka haten.

Ante saring Jisun a hanangna maranji a do'ng bungsang lingan daijle bungsagan abhanale ganingan a mijtal maneng a yerben asan oblingeten. Agante anin mandranji a d’ong umrengle. Jisun mandranji a d’ong appailen atiki, Anin a garbernaben asan barun a lankaban yereten. Jisun tedte ansoijan dakuli, bar anin tedte tagaldan sikoijja garberren dakunetin.

Kun adnang, hanangna maranji bungsang lingan yerreji, bindo tungar togal adnang aninji ganingan a tarangdiban sattan arduleji. Aninji bungsangan abhanaben asan kal-kaldage deleji, eten asan gamlenden a mukabanji saring surda rangin do kutsalai dan yeraiten.

Ante saring Jisun garberan osidle do a hanangna maranji amang yereten. Anin ganingdan akandun lingan halin-halin a bungsang banji adamba yeraiten.

Aninji agante Jisun a d'ong gijleji kun ayamlingan hanangna maranji bantongijdage deleji, eten asan gamlenden aninji kulman gijleji gamle ogalleji. Jisun galamle do aninji bantongij dage deteji, anten asan anin aninji a d’ong gudingle gameten “a bantongdong. Kanate Hen na”.

Ante saring Pitor Jisun a d’ong gameten, “E Hang-hangmar, bogad kan ate aman, etteden da’an a lananka a hanaben asan d’ong hen anorden tihn. “Jisun Pitor ado’ng gameten “Yerai”.

Anten asan Pitor bungsanlingan saring dunglin a kandung-dalingan halin Jisun adamba a yerben susueten. Bindo asuij sagai halin atiki, anin Jisun a mangba a ganij gijan omdale do kutsalai danji gij gijeten, bar surda rangin a yeng-yengan imdamneten.

Anten asan Pitor bantongij dage dele do ganing lingan tabubin susule. Anin uailogi gudingle gameten “E Hanhang-mar d’onghen rab-rabih!” Anta tabdong Jisun yeran yerre anin a d’ong hameten. Ante saring anin Pitor ad’ong gameten “E asui derna mar aman eten asan dalgadle? “

Angante Pitor do Jisun bungsanglingan ganleji, anta a tabdong ranggen ringlin do da’an lagaddle. Hanangna maranji rubmang dage deleji. Aninji Jisun ado’ng senle anin ado’ng gamleji “A jardi na aman Kitungan a On.”