36. Banandan

Bo dinna, Jisun a hanangna maranji saring yagi mandra manan Pitor, Jakub do Jon a d’ong anin ampra urungetenji. (Jon ahiman Jisun a hanangna mar do Jisun a d’ong tabbubdan a tiylen a Jon aboited.) Aninji di-dargam a garbernaben asan bo lanka baruban yerreji.

Angante Jisun garberneten, a mukan U’yungan abrij puanle do a sindrin tan’aran ambrij paludam dele, etente Ordar lingan bute janang a mandra lumle adraptieji.

Anta tiki Mojes do Eliya abgij-damlenji. Kan bagu a mandraji dajing so’a mihum a purba kan ordarban dakuleji. Aninji Jisun ampra a karahidan a berna arber-daleji etente Jirusalem lingan umengle adebin dakule.

Angante Mojes do Eliya Jisun ampara albereji Pitor Jisun a d’ong gameten, “Anlen tedne daku, kan ate bangsa. Anlen yagi tambusingan a subjatai, aman apsele aboi, Mojes apsele aboi do Eliyan apsele aboi. “Pitor eten gameten antate anin a aggalam-damnad.

Angante Pitor bernan opungle, bo t’ardam tarubam ladsolai do aninji a d’ong luble do taruban saring kan a sarrang yeraiten “Kan ate tanemyem On-Hen, butente a d’ong anlen a timyemlai. Anin amang lingan m’oihdatih. Anin a bernan amdangba.” Kun yagi hanangna maranji boi-boi bantongle labo lingan turkurdubleji.

Anta tiki Jisun aninji a d’ong jabsile do gamentenji “A bantongdong. Denaba.” Agante aninji yar-yar maneng gij-gijleji Jisun anson sattan gijleji.

Jisun do yagi-mandra a hanangna maranji Barun a jaita ladsoleji. Anta tiki Jisun aninji a d’ong gametenji “Tedne etente deli kan ate buteja a d’ong a opungdong. Hen umengle karahidan detih do bar-okkij yarmengtih. Anta tiki amben mandranji a d’ong a opungte.”