39. Jisun a d’ong banidsaran dete.

Kun ayam tungar togal dakule. Surda buyan yante gamle Jisun a d’ong annual beran opungte kun apsele turkanji anin a d’ong surda buyan a s’i ngban urungleji. Pitor sangai dakulen aninji a d’ong sandungetenji, Pitor baeran togin had-hadlin dakuneten.

S’i ng lingan Judan abmangodmarji Jisun a d’ong bitsaraleji. Butente anin a banadrab lingan jolda sakkin tiyte kun ambrij a mandraji a d’ong aninji ateng mandra oskaileji. Anin anardodan a hamben asan aninji di dargam arberdaleji bindo a bernanji buteja a berna batte abmaineten asan hadab sakki maran adhangadji. Jisun eteja aggamad.

Atanakud lingan, surda buyan Jisun a d’ong rojollogi gij-gijle anin a d’ong ualeten “Aman opunglen, aman po ameng Kitungan a O’n Kristu?”

Jisun gameten, “Hen anin, do Kitungan a raja garob gobling do Ruangan saring a ladsotaen ate amben agijte. “Murda buyan barable a sindrin rideten do biggarda buya abmangod maranji a d’ong uai logi gameten “Anlen apsele okkij sakki maran sanai-saited! Amben kanate amdangle do anin Kitungan a O’n gamdamten. Amben anogalben eten?

Judan abmang-god marji surda buyan a d’ong jalangle gamleji “anin karahid panadradan a hangben tungna. “Ante saring aninji Jisun a d’ong atad-kaban batte jimadleje, anin a d’ong bijolleji do anin a d’ong gabroi-madleji.

Pitor s’i ngan a bayera omdelen ayam lingan, aboi boanti anin a’dong gijan gijle gameten “Aman janang Jisun ampara dakulen!” Pitor kan a berna adnad-pengba-ad. Atan tiki bar aboi boantin kun ambrij ualeten, bindo Pitor kan janag ayam adnad-pengba-ad. Atanakud lingan mandranji gamleji, anlen a galam do aman Jisun ampara dakulen, eten asan gamlenden amben ba’gunben Galili saring a yerrai.”

Anta tiki Pitor jib-jible gameten “bogad hen kan a mandra a d’ong abmadlaen den Kitungan d’onghen anangan ti-hte!” Anta tabdong tardariman uleten, do Jisun dayagudlen Pitor a d’ong gij-gijeten.

Pitor yereten do boi-boi danukkan batte edaneten. Kan ayam lingan, bansina maran Iskariyot Judan gijeten do Judan abmang-god marji Jisun a d’ong karahidan a panadrad danusan tiyteji. Iskariyot Judan boi-boi dukkanete do yeran yerre kabhid-damneten.

Anta anabbiyo tagaldan adnang, Judan abmangod maranji Jisun a d’ong Romi gobornor sai Pilat amangba urungleji. Aninji der-derlenji do Pilat Jisun a d’ong dusa mar gamle a kabhid ben asan bitsarate. Pilat Jisun a d’ong ualeten “Aman Judanji a raja po?”

Jisun jalangle gameten, “Aman opungle, bindo rajam-Hen kan Ordaran apseleted. Bogad kan ambrij delende, boanta-Henji Hen apsele sanutenji badih. Kitungan a janardi-beran a opungben asan Hen Ordarban yerrai. Ayengan a mandra janardin timyemte anin berna-Hen amdangte. Pilat gameten “Janardin eten?”

Pilat Jisun ampara bernan takkudlen atiki, onla maranji amangba yeran-yerre opungle “Kan a mandra saring hen eteja a danusan adhangai. Bindo Judan abmang-god maranji do onla maranji uai-logi gamleji “anin a d’ong arakkadang linga anamdaijan de’ete!” Pilat jalangetenji “anin amangan danusan agasa.” Bindo aninji ateng uai-logi gamleji. Ante saring Pilat anab-yagi tara gameten “anin amangan danusan agasa.”

Onla maranji rurdin susuteji gamle Pilat bantongijdage dele, anten asan Jisun a d’ong arakkadang lingan amdaijben asan anin a turkan a d’ong banaihan tieten. Romi a turkaji Jisun a d’ong sanattoi-dangan batte tidleji do aboi j’edai onggikaban do ebba ranubb-baban sabja’an sabjale a b’ob lingan rubbobleji. Anta tiki aninji anin a d’ong “Judanji a raja gijba!” gamle goiberre gabroijlleji.