41. Kitungan Jisun a d’ong karahidan saring abdite.

Turkanji Jisun s d’ong arakkadanglengan a tanglenji a tiki, er-derna Judan abmangod maranji Pilat a d’ong gamleji, “kun janolda mar Jisun gameten do anin yagi-dinna atiki deten. Bute janang bo mandra tariltilungan a tur-turben detena do yante gamle hanangna maranji a mardun jumbwrre pangle anin a karahidan saring yanarmengan dele aggameji.

Pilat gameten “atam ranaptiben ambrij turka benji urungle talitillungan tur-turba. Anten asan aninji talitillungan a garannaban a dakulen areng lanad-mukan tidleji do yante gamle mardun butejanag rapti abpageji tette turkanji a d’ong dakkuleji.

Jisun tariltilan dean dele Layumna dinnan ayam tariltillungban ayerben asan Judanji a mang anorden addakuad. Anten asan Layumna dennan a tiki tagaldan endrang sa’aren adnang ateng insalonji Jisun a marduling ateng sarum miholan a jodben asan tariltillungban a yereben asan oskailenji.

Abubmung karran yurlon dele. Sismalai-twran a ta’nar ambrij bo pisirdian ruangan saring ganijtan dele. Tariltil-lu’ngan a garanna a rublenji areng kudan kudle tette gobeten. Ayengan a turkaji tariltil-lu’ngan tur-turreji aninji bantong-takarre labo lingan gu’ngle a kahid ambrij deleji.

Angante insalonji tariltil-l’ungban arduleji, pisirdian aninji a d’ong gameten “a bantong dong.” Jisun tedne agasa. Yante gamle anin opungle, kun ambrij karahid maranji saring yarmengle!” Jaba do tariltil-l’ungan gijba. “Jisun a mardu u’ante danakkun dele, insalonji tariltil-l’ung lingan ganle iyle gijeji. Anin amardun tette addakuad.

Ante saring ruang pisirdian kun insalonji a d’ong gameten “hanangna maranji amangba iyle i gamba, “Jisun yarmengle deneten do amben saring abmangle Galili desaban yerte.”

Kun insalonji boi-boi bantongle do karran man’oihdaleji. Hanangna maranji a d’ong bangsa anobling beran opungben asan aninji yerrenji.

Angante hanangna maranji a d’ong bangsa anobling beran opungben asan aninji tangor lingan dakuleje, Jisun amangbanji absuij damneten do aninji anin a d’ong lem-senleji. Jisun gameten “a bantong dong. Yerba do hanangna mar Henji a d’ong Galili desaban a yerben asan e opungba. Aninji d’onghen tette gijteji.