42. Jisun ruangban a danaiyarnan

Jisun uante a dinna karahid maranji amang saring deneten, 2 mandra hanangna maranji Jerusalem adam bo gorjangban iyleji. Aninji hanagod lingan dakulenji ayam lingan Jisun apsele itente dele, kun a bernan apsele aninji ar-berdaleji. Aninji angterreji do Anin Kristun dakule bindo Anin adong kanabhidan dele. Nami kun insalon gameten do Jisun nami ameng daku. Aninji rapti aggalamadji do buten adong aninji dernaben dete.

Jisun aninji adamban addamneten bar aninji ampara haneten, bindo aninji Anin adong rapti adnamadadji. Aninji iten a bernan arberdateji gamle Anin aninji adong ualeten, bar asui dina abmang Jisun ampara itente dele kun a murda tanangadan, antate aninji Anin adong oppungleji. Aninji ogandileji do bo manelgij maran ampara aninji arberdateji butente Jerusalem lingan a adelen a tanangadan apsele er galam dakule.

Ante saring Jisun aninji adong abgallule a oppungbe uneten do Kitungan Kristun apsele iten oppungeten. Anin aninji adong tungmadgij beran a bayemle oppungetenji do Kristun danuka-kanal kalan hangte bar kanabhidan dete do anab-yage dinna lingan yanarmeng anabdznan dete. Kun bagu mandra uante a garda lingan basuben seng sengleji, aninji angante tedte arduleji, ante ayam anreng oruble.

Kun bagu mandra Jisun adong aninji ampara dakunaben asan gudingleji, anten asan Anin aninji ampara yereten. Aninji angante togalan agaganan apsele oskailenji, Jisun aboi rutipung pangan-pangle Kitungan a dong seneten bar antate pijjeten. Anta tabdong Anin Jisun na gamle abmadleji. Bindo kun ayam lingan a timanganji saring abmayadamneten.

Kun bagu mandranji di dargamanji aropungle gamleji, “Anin Jisun dakule! Anten asan Anin do’nglen Kitungan a bernan a hang hangaiten ayamlengan uggar linglen ganubsuran dele!” Tabdong aninji Jerusalemban daiyarlaiji. Angante aninji ardulaiji hanangna maranji adong iylai oppungeji, “Jisun ameng daku, anlen Anin adong a gijlai!”

Hanangna maranji angante arberdaleji Jisun aninji a dakulenji akkulsing lingan, aninji a temangbanji abgijdamlen bar gameten, “Sanabyun debente.” Hanangna maranji ogalleji do anin aboi kulman, bindo Jisun gametenji, “Ambenji iten asan a bantongte bar a dalgadte? Jing-Hen bar si-Hen gijba. Hen a do’ngan engale daku ettele kulman addakue.” Anin kulmanted, kan ate apsuiben asan Anin asui ganagan garetenji. Aninji Anin adong andanih a dakulen ayon tiyleji bar Anin antate jumeten.

Jisun gameten, “Hen do’ngben oppunglai do Hen apsele Kitungan Aberna lungan anidolan a delen a kuddub bernan enga dele janang a ojoraiben dete.” Ante saring aninji a jeenji rzleji yante gamle aninji Kitungan abernan rapti galluteji. Anin gameten, “ Abmangaijten anidolan dele do Kristun kanal kalan hanben dete bar anabyage dinna lingan yarmengte.”

“Roitad kambo’l lingan okij janang anidolan dakule do, di-dargam a pintunji saring tanabmadan a hangben asan kudidamtenji, itente ate hanangna maranji oblengtenji. Kan ate aninji Jerusalem saring susule kuddub maneng lingan a dakun kuddub ompu mandranji a timangba yerteji. Ambenji kan a kudduban a sakkimaranji na.

Kan atiki bakkurdi dinna sikoija, Jisun a hanangna maranji adong apsuidamneten. Bo ayam, a botaran 500 saring ateng mandranji adong apsuidamneten! Anin ameng daku; kan apsele Anin ateng tara a hanangn maranji a timang apsuij damneten, bar Anin Kitungan a rajam apsele hanangan tieten.

Jisun a hanangna maranji adong gameteji, “Ruangan bar Ordaran a kudduban a danen do’ng-Hen tanian deleih. Anten asan Yerba, kuddub lang lang maranji amangban iyle Ua’n, O’nan bar Marid Janggardan ahim lingan tabubdan tiyan-tiyle bar Hen do’ngben itente a kudduban bailaben anta a kudduban lumben asan hang hangbaji. Ayemle dakkuba amben ampara Hen dile tordong daku.

Jisun karahidan saring dznetenan bakkurdi dinna atiki, Anin a hanangna maranji adong opungeten, “Marid Jangardan lanankaben a labsotaen ayam lingan Ua-Hen ambenji adong ranaptin adtien sikoija Jerusalem lingan dakunaba. Anta tiki Jisun ruangban yereten, bo taruban aninji a ganijgijan saring Jisun adong absosoeten. Jisun kuddub lingan danegodben asan Kitungan a janrumsengban gobeten.