45. Stipan do Pilip

Aparmangta ranukulingan abmangod maranji a mang saring Stipan gamle bo mandra dakule. Anin bo panimingdagi a mandra dakuli bar Marid Jangardan do banudilingan barij dakuli. Stipan ateng rubmang baran lumle bar janardi dagi bitsarale, yanti gamle mandranji Jisun amang dirtinji |

Bo dina, anganti Stipan Jisun apsele hanangan tiyle, ante adnang Jisun amang ling addirnadji dajinganti judanji Stipan ampra arbadibiraji aninji awr barabdaleji bar Stipan apsele abmangod maranji bukkaiberaji. Aninji gamleji allen Mojes do Kitungan asangemling a birneted ati amdanglai!” antin asan abmangod maranji Stipan a do’ng abgegelaji bar anjanabob maranji do judanji abmangod maranji amangban urunglaji uanti Stipan a lanagkaling awr bukai sakin oblingleji

Angante roitad hang hang maranji kan ate amdangleji, aninji dijhe barableji do, aninji aludanji tudabludlen uai sarrangle guleji. Aninji Stipen a d'ong bairan dzngle urungleji bar kabhidben asan arengan batte tzdleji.

Stipan kahidlen adnang uai sarrangle gueten bar gameten, “ E Jisu Janggardahen jaa.” Ante a tiki anin turdumle bar okij uai sarrangle gameten, “E Kitung, kani a pintun aninji a sanggem linganji dissam dong.” Anta tiki anin a puradran umrengeten.

Sol ahiman bo mandra Stipan a d'ong a kabhidlenji a mandraji ampara sarigoi anogolan dakule butente kanabhid maranji kabhidlenji ayam aninji a sindrinji turtureten. Kun dinna lingan Jirusalem lingan a dakulen a mandraji Jisun a sanandung maranji a d’ong tamderben susuleji, anten asan derna maranji beggarda beggarda manengban barsing-gardaige deleji. Bindo kan a kuddub delen atiki janang, aninji uante uante a darakunaban yerreji tedte lingan Jisun apsele bernan oblenglaji.

Jisun a hanangnamar butente ahim Pilip dakule tanamderan a hangeten asan Jirusalem saring a yerrenji derna maranji saring bo derna mar dakule. Anin Sameriyaban yerre tedte anin Jisun apsele bernan oblengeten do ateng mandranji tette ranabraban hangleji. Ante saring bo dinna, Kitungan abo Pisirdian Pilip atimang iyle lakkijgod lingan a tagad-ten bo ansadage a tangor a yerben asan baiheten. Anin angante kun tangoran sanle yereten, Pilip gijjeten do raja birindan saring bo gugu danegodmar Kus bai a gardikur lingan goble yeraiten. Kun a mandra adamban iyle anin batte alberdaben asan Marid Janggardan Pilip a d'ong baiheten.

Pilip angante rataman adamba ardueten, kun Kus bai. Jisaiya tungmadgijmar a kambolan saring a kinoleten ate amdangeten. Kun a mandra kinoleten manan, “Aninji a On murkundardange Anin a d'ong kabhiben asan urungleji, bar murkundardage anin a to’dan adriad. Aninji Anin ado’ng er-banangsan abmeleji bar anin a d'ong er-ganugudage abmelaji. Aninji anin saring a purardan pangleji.

Pilip kun Kus bai a d'ong ualeten, “ Aman itente kenolte antate rapti galludtam po? Kun Kus bai jalangle gameten, ijja. Abasuyem gamle yerai, adambaihen goba. Jisaiyan iten, anindam ordi okij buteja apsele kan ate idolte? Pilip anin a d'ong abgal-ludle opungeten do Jisaiya Jisun abmele kan ate idoleten.

Jisun apsele a dakun a bangsaber a oblengben abmele Pilip beggarda roitad anidolberan janang abgalludeten. Angante Pilip do Kus bai hanagod lingan dakuleji, aninji abo dungdamna-daban ardulaiji.

Kus bai gameten, “gijjai tedne asui d’an daku! Hen tzbubdalen raptitai po?” Bar anin a rataman abhanamar a d'ong ratama a tadnangben asan baiheten. Anten asan aninji d’a lingan latsole yerreji do Pilip kun Kus bai a d'ong tabubdan tiyeten.

Aninji da’n saring dunglen yerraenji a tiki, Marid Janggardan Pilip a d'ong beggarda darakunaban urungeten u’ante anin Jisun apsele er kaddablabe mandranji a d'ong oblengeten. Kus bai anin a s’ingban dile tordong iyben akkadabad, anin Jisun a d’on galameten gamle manoihdam dakule.

ବାଇବଲର ଏକ କାହାଣୀ: