49. Meri ahiman bo poilongboijan adong bo Pisirdian opungeten do anin kitungan ao'n adong kudte.

Anten asan anganti anin poilongboi dakuli, marid Janggardan anin adong lubeten do anin panguro'nle. Anten asan anin bo onger o'nan kudle, bar anin ahiman Jisu gamle tiyhimeten. Jesun dele kitungan na bar mandra na.

Jesun ateng rubmang lanuman lumeten, itente ate anin kitungan ao'n gamle apsuite. Anin akandungdalingan hanetin, kusalaidan abringnaeten, ateng bimbim maranji ado'ng absamangeten, kulmanji ado'ng amdungle gongeten, akahidmaranji ado'ng mandrengnan tieten bar monloi ajar mandranji ado'ng monloi rutipun do bagu ayon batte tiyjumetenji.

Jesun janang bo gugu hanghangmar dakule bar anin danen batte bernetin. Itin asan gamlenden anin kitungan ao'n dakuli. yantegamle amben atamyemdamten etegoina bigardanji ado'ng janang atimyimben sanaisai gamle hanangan tiyetin.

Amben itija kuddub janab ordi bittidamben atimyimten apanardu kitungan adong au'r atamyimben deti.

Jesun gameten ordarlingan kuddub janaban saring, kitungan arajam au'r janatidam daku. Dile mandran apsele kuddub saring murda beran manan anin kitungan arajamling amainaben. Kitungan arajamling aganben asan, aman enga deli janang pintunam saring ranabraban ahangben dete.

Jesun gameten, dajingte mandranji anin ado'ng jale ranabraban hangteji, bindo bigarda maranji adjaeji.anin gameten do dajingante mandra bangsa solan ambrij.aninji jesun abangsa anoblingan amdangle ranabraban hangteji.bigardanji tangoran adamba dakun talasolan ambrij na.uante kitungan abai beran ganle adrabtie bar agadben asan gandru'ran addunge.ayenganteamandraji jesun abangsa anoblingan erjanajadagi abmetaji aninji kitungan arajamling ganle adrabtieji.

Jesun hanangan tiyetin do kitungan pintu maranji ado'ng aur tamyemte anin aninji adong tabmadle anin aonanji adeben asan idsumte.

Jesun do'nglen bar okij janang gameten do kitungan pintun adong asangimte.angante Adam do oba pintun lumleji. Antate aninji akuddub birindan adong tangadle. Kani na ajo'ambrij ordarlingan dakun kuddubanji pintun lumteji do kitungan saring anansan deteji. Iten asan gamlenden kuddubanji Kitungan asanggem maran deleji.

Bindo Kitungan ordarlingan dakun kuddubanji adong ednegoi tamyemeten do anin amiytub o'nan tiyetin yantegamle bute delijanang anin amanglingan adertenan amandra,anin apintudaman apanadradan erhanglabe Kitungan ampra tordong ayam basute.

Aman pintunam apsele,aman na dusa do karahidan ahangben tungna. Kitungan aman lanangkanam abarabdaben dakule badih bindo anin aman langkanam kun abanandrab er-lalabe Jisun alanangka Anin abanandraban laeten. Jisun anganti arakaddang lingan karahidan hangeten, kun ayam Anin panadradnam hangeten.

Jisun anga janang pintun adlumad, bindo aman do ordarlingan dakun kuddub mandranji apintu berdaran tambedle pangben apsele bo marid kanubgi panadradan hangben tungna ogalle. Iten asan gamlenden Jisun Anin Anindam kubdamneten, anten asan kitungan itejanab apintu ednegoi kuddub saring bantongiyjdagi apintu janang tabmadle raptite.

Bangsa baran do'ngnam rabrable adraptie, Kitungan ampra imalaman dakkuben asan kan ambrij iteja bernan agasa. Sattan Jisun ma'ih aman pintunam gijale raptite. Jisun kitungan ao'n do aman apanardu Jisun arakaddang lingan karahidan hangete bar Kitungan anin adong karahidan saring abdile abyarmengetin; kan abernan jarditen gamle aman adernaben dete.

Bute delijanang amandra jisun amanglingan derten do anin a gamangan gamle anin adong jate, kitungan kun adile mandranji adong rabrabte. Bindo butente anin amanglingan adderne Anin anin adong ranabraban adtiye. Aman gamang orde banagi, onger orde inslo, talaiba orde dangarda bar uante dakuten kotte iteja aggadele. Kitungan do'ngnam timyemte do aman yante gamle jisun amang lingan derten antate a itsuman daku. Yante gamle anin batte aman jaru imalaman dakute.

Jisun do'ngnam anin amang lingan dernaben do tabbubdanaben asan gudingamten. Jisun na kristun bar kitungan amiytub o'nan; antate aman derten po? Aman derten po do aman aboi pintu maranna bar kitungan saring aman panadradan hangben tungna? Aman derten po? Aman pintunam tambedle pangben apsele Jisun arakad dangan alangka karahidan hangeten.

Jisun aman apsele etente lumeten bogad kuni lingan aman derlenanden, aman aboi kristu-maran na! Kitungan do'ngnam sonuman alungud rajaman saring amdungamten bar kitungan arajam a tana'r lingan tabngijeten. Kitungan aman a purba pintu lanumnamji atangoran kuddub pangeten bar anin do'ngnam tabme do ranoitadan a baran a tangoran tiamten.

Bogad aman bo kristu mar den, eteden Jisun itente lumeten kuni abmele kitungan aman pintunam kuddub tabmadeten. Nami, aman aboi Kitungan a asanggem mar er-delabe osantananin a sakkai abo-gardin adeben asan Kitungan ogalte.

Bogad aman Kitungan abo gardin do Gamang Jisun abo boantan, etteden Jisun itente hanangan tiyte antate mannele alumben apsele aman itsumte. Bogad aman kristmar, dele janangden aman pintun alumben asan tanunjingan detam. Bindo Kitungan dernadagi na bar Anin gamte do bogad aman pintunam a kuddub pingbalenden , Anin do'ngnam tabmadte. Pintun asanggem lingan sanunaben apsele Anin do'ngnam ranaptin tiyte.

Aman yantegamle garberte, anin abernan rabangten, beggarda kristu maranji ampra Anin adong gankelte do anin manglingnam itente itente lumeten antate bigardanji ado'ng oppungte, kan ate Kitungan do'ngnam oppungte. Kan akuddub aman anin batte jaru imalaman tabngijben apsele sanayamdage detam.