9. Kitungan Mojes ado’ng gudingeten.

Josep a karahidan atiki, anin a kuddub kulam teganji Misor lingan dakuleji. Aninji do anin a sing-birindanji tedte ateng minhum basuleji bar aninji ateng on’nan karukkudan deleji. Aninji ado’ng Israel ahim-ling ganudingan dele.

Sua sua mibhum atiki, Israel- maranji a danisaman karran ateng dele. Misor-baiji Josep bar aninji ad’ong alumlen a sanayaman angajja adnayemadji. Aninji Israelanji ado’ ng batngben susuleji, iten asan gamlenden aninji danisam lingan atengdam dakuleji. Anten asan aingante a paro kun ayam lingan Misor abhana’eten anin Israelanji ado’ng Misoranji a boanta abse’tenji.

Misoranji Israelanji ado’ng kuttanji do barij gardanji janang gutulben asan baileji. Ran-ran baran aninji a manrengnan abdukkaeten. Bindo aninji ado’ng Kitungan absittaten, bar aninji ateng onger do insalo-onan kudleji.

Paro gijeten do Israelajni a Ongeron ateng dakuji. Anten asan anin amandranji ado’ng, kuddub Israelanji ongeronanji Nilo also lingan sidle a kabhid ben asan banaihan tieten.

Bo Israelboijan bo-Onger onan kudeten. Anin do a tanongban resasijjan ado’ng raptilenji sikkoijja ateng dinna sole dakkuleji.

Angante pasijjan auan do ayangan okij ateng dinna sole adraptiadji, aninji anin ado’ng karahidan saring rab-rabben asan Nilo alon amanendan abpangdaten billan batte a sanabja abo-pila lingan anin ado’ng dakkuleji. Anin a tonanan anin ampara iten dete, antate gijben asan sangai dakulen gij-gijjeten.

Paron a insalo-on pilan bar kun alung lingan gijjeten. Angante anin aboi resasijjan gijjeten, anin anin adon’ng ao’ndaman abme’ten. Anin Israel a tegan aboi insalon anin, passijanna ayang gamle er-galamlabe anin ado’ng memeonnan absele sedaeten. Angante passijan marangle anin yangan ardub sanaisai addakuad, anin anin-ado’ng Paron a insalo-on ado’ng abyareten, butente passijan ahim Mojes tiyhimeten.

Bo dinna, Mojes surdalen a tiki, anin gijjeten, bo Misorbai Israel a boantan ado’ng tedeten. Mojes anin a Israel maran ado,ng rabrabben asan ereten-guijeten.

Angante Mojes galameten, do buteja aggijjeji, anin Misorbai ado’ng kabhiden do Anin ado’ngan tzleten. Bindo mandranji saring bo mandra Mojes ado’ng gijjeten.

Angante Paro, Mojes itente lumeten, antate amdangeten, anin anin-ado’ng kabhidben asan ereten guijjeten. Mojes Paron asanumaranji saring anablun hangben asan Misor saring asarsolban; uante anin erramuij rapti dakuten, sangai yereten.

Misor saring ateng sangai asrsol lingan Mojes abo gupamedmar dele. Kunadarakuna lingan abo-insalon batte sidrungneten do anin ba’gu o’nan kudeten.

Bo dinna Mojes anin a murkundardanji sagaleten ayamlengan, aboi rukurdi lingan togin a ge’mle ate gijeten! Bindo kun a rukurdin jumtudle akkumabad. Mojes rukrdiban bangsale a gijben asan addamneten. Angante age’mlen a runkurdiban adamban iyeten, Kitungan a sarrangan amdangeten, manan Mojes, panduh-ham aman tabna. Aman Madrid darakuan lingan tanangle.

Kitungan gameten, “Mandra-Henji a kanalkalan hen gijlai. Hen do’ngnam Paron amangban appaitam yante gamle aman Israelanji aninji Misor lingan abano’antaji saring amdungle urungtai. Aninji a d’ong Hen Kananiya desan tiytaiji, ayengante a desa Hen Abraam, Isaak do Jakob a d’ong Jeb-jeblai.

Mojes oaleten, “Bogad mandranji do’nghen buten appailih antate galamben itsumlejiden, hen aninji ado’ng iten oppungai. Kitungan gameten, aninji ado’ng gama, “mangbaben Kitungdaman appayihten”. Bar janang aninji ado’ng gama, anlen Tordong Gamangtung, Amben jujubenje; Abraham, Issak, bar Jakub a Kitungan. Tadra ayam asan kan ate ahim Hen.

Mojes bantongeten do Paron atimang aiben adnitsumad, iten asan gamlenden anin ogaleten do anin adjid adlang mar, anten asan Kitungan Mojes a buhangan, Aron ado’ng, anin asnayaman apsele appaiyeten. Kitungan Mojes do Aron adong abkilkille do Paro dardajeedam dete.