23. Jesus moris

Maria prenda ho ema lo’os ida naran José. Bainhira José rona katak Maria iha kondisaun isin-rua, nia hatene katak labarik iha kabun-laran ne’e laos nia oan. Maibe, nia lakoi hamoe Maria, nune’e nia hili atu sadia Maria hodi fahe malu ho nonok. Maibe antes nia halo nune’e, anju ida mai ba nia iha mehi no koalia ho José.

Anju ne’e hateten, “José, keta tauk atu foti Maria nu’udar o nia feen. Labarik ne’ebe iha Maria nia knotak ne’e mai husi Espiritu Santu. Nia sei hahoris oan-mane ida. No imi sei hanaran Nia Jezús (ne’ebe signifika ‘Maromak salva’), tamba Nia mak sei salva ema sira husi sira-nia pekadu sira.

Depoiz José kaben ho Maria no lori fila nia nu’udar nia feen, maibe nia la toba ho Maria to’o Maria partus.

Bainhira tempu too ona Maria atu hahoris, nia ho José iha viagem do’ok atu ba sidade Belém. Sira tenki ba ne’eba tamba líder Romano atu halo konta ba ema hotu ne’ebe iha rai Izrael. Sira hakarak ema hotu-hotu ba rai neʼebé sira-nia beiʼala sira orijna. Liurai David moris iha rai Belém, no nia mak José no Maria nia bei’ala.

Maria no José to’o iha rai Belém, maibe sira laiha fatin atu hela ba exetu animal nia luhan. Iha animal nia luhan mak Maria hahoris nia oan. Nia hatoba bebe ne’e iha manger laran, tamba fatin toba laiha. No sira hanaran labarik ne’e Jezús.

Kalan ne’eba, iha bibi-atan balun iha kampo du’ut besik bibi-luhan ne’e hein hela sira nia bibi-malae sira. Derepenti, anju ida naromak mosu ba sira, no sira ta’uk tebes. Anju ne’e hatete. “Labele tauk, tamba hau lori novidades diak ba imi. Mesias, Salvador, moris ona iha Belém!”

Kalan ne’eba, iha bibi-atan balun iha kampo du’ut besik bibi-luhan ne’e hein hela sira nia bibi-malae sira. Derepenti, anju ida naromak mosu ba sira, no sira ta’uk tebes. Anju ne’e hatete. “Labele tauk, tamba hau lori novidades diak ba imi. Mesias, Salvador, moris ona iha Belém!”

Nune’e anju sira ne’e fila. No bibi-atan sira ne’e husik hela sira-nia bibi-malae sira hodi ba buka bebe ne’e. Sira to’o fatin ne’ebe Jezús iha ba no sira hetan Nia latan hela iha Manger laran, hanesan ho saida mak anju sira hateten ba sira. Sira haksolok tebes. Hotu tiha bibi-atan sira ne’e fila fali ba kampo du’ut ne’ebe sira husik sira nia bibi-malae sira ba. No sira fó glória ba Maromak tamba buat sira ne’ebe sira rona no haree.

Iha matenek-na’in balun husi rai ida do’ok ba parte leste. Sira estuda kona-ba fitun-sira no sira prudente tebes. Sira haree fitun ida ne’ebe la normál iha lalehan. Sira hateten ne’e signifika Liurai foun ida ba ema Judeu sira moris ona. Tan ne’e sira desidi atu halo viagem husi sira-nia rai atu ba haree labarik ne’e. Depoiz sira lao do’ok, sira to’o iha Belém no hetan uma ne’ebe Jezús no nia inan-aman hela ba.

Bainhira matenek-na’in sira ne’e haree Jezús no Nia inan, sira hakneak no adora Nia. Sira fó Jezús prezente sira ne’ebe folin karun. No hafoin ne’e sira fila ba uma.