24. John Baptizes Jesus

Zakaria no Elizabet nia oan Joaun sai joven no sai profeta ida. Nia hela iha dezertu, ninia hahan mak banin been fuik no gafañotu, no uza roupa halo husi kuda kamelu nia fulun.

Ema barak ba dezertu hodi rona Joaun. Nia haklaken ba sira, no dehan, “Arepende ba, tamba Maromak nia reinu besik ona!”

Bainhira ema-sira rona Joaun nia mensajem, maioria husi sira arepende husi sira-nia pekadu sira, no Joaun fó sarani sira. Líder relijiozu barak mós ba hodi haree Joaun, maibe sira la arepende nem konfesa sira nia sala.

Joaun dehan ba líder relijiozu sira, “imi samea veneno! Arepende no muda ba imi-nia hahalok. Maromak sei tesi ai-hun sira ne’ebe la fó fuan di’ak, no Nia soe ba ahi.” Joaun kompleta saida mak profeta sira profesia ona, “Haree ba, Hau sei haruka Hau-nia mensajeiru uluk ba Imi, ne’ebe sei prepara dalan ba Imi.”

Líder relijiozu balu husu ba Joaun se nia mak Mesias. Joaun hatán, “Hau laos Mesias, maibe Nia sei mai tuir husi hau. Nia maka’as liu hau, no hau la merese atu kore nia sandálias tali.”

Loron tuirmai, Jezús mai ba Joaun hodi sarani. Bainhira Joaun haree Nia, nia dehan, “Haree! Ne’e mak Maromak nia bibi-malae oan ne’ebe sei kasu sala iha mundu.”

Joaun dehan ba Jezús, “Hau la serve hodi fó sarani Ita. Maibe, Ita boot mak fó sarani hau.” Maibé Jezús dehan, “Ó tenki fó sarani hau, tamba loloos ida ne’e mak tenki akontese.” Hafoin Joaun fó sarani Nia mazke Jezús nunka halo pekadu.

Bainhira Jezús sai husi be’e depoiz de sarani, Nai nia Ispíritu Santu mosu mai ho forma manu-pombu ida, no tuun no hela iha Nia leten. Iha momentu ne’ebe hanesan, Nai Maromak koalia mai husi lalehan. Nai dehan, “Ne’e mak hau nia oan ne’ebe hau hadomi no hau haksolok ho Nia.”

Nai dehan ona ba Joaun, “Ispíritu Santu sei tuun no hela iha ema ne’ebe o fó sarani ona. Ema ne’e Nai nia oan.” Só iha Maromak ida de’it. Maibe bainhira Joaun fó sarani Jezús, nia rona Aman Maromak hateten, haree Maromak Oan, ne’e mak Jezús, no nia mós haree hetan Ispíritu Santu.