25. Satan Tempts Jesus

Depois de Jesus simu batizmu, Espiritu santu lori Nia ba rai maran. Jesus hela iha neba durante loron 40 no kalan 40. Iha momentu neba Nia jejun hela, no Satanas mai iha Jesus no tenta Nia atu halo sala.

Dahuluk, Satanas dehan ba Jesus, "Se Ita-bo'ot Maramak Oan, muda fatuk sira ne'e sai paun hodi Ita-bo'ot bele han!"

Maibe Jesus dehan ba Satanas, "Hakerek iha Maromak nia liafuan sagrada(biblia), 'Ema la moris deit ho paun, maibe sira presiza buat hotu nrbr iha ligasaun ho sira-nia Maromak!'"

Depois Satanas lori Jesus ba fatin nebe aas iha Maromak nia Templu. Nia dehan ba Jesus, "Se Ita-bo'ot Maromak Oan, hamonu O an ba kraik, tamba hakerek ona, 'Maromak sei haruka Nia anju sira hodi simu Ita-bo'ot hodi O nia ain la kona fatuk.'"

Maibe Jesus la halo saida mak Satanas ne ko'alia. Maibe, Nia dehan, "Maromak dehan ba ema hotu, 'Labele koko Na'i, o nia Maromak'."

Depois Satanas hatudu Reinu mundu nian ba Jesus. Nia hatudu oinsa sira-nia forsa no sira-nia riku ba Jesus. Depois nia dehan ba Jesus, 'Hau sei fo buat hotu ne'e ba Ita-bo'ot se Ita-bo'ot hakneak no adora hau."

Jesus hatan, "Sai husi Hau-nia oin, Satanas! Iha Maromak nia liafuan sagrada, Nia haruka Nia povu hodi, 'Adora Na'i, o-nia Maromak. No ba de'it Nia o hamtauk'."

Jesus la rende ho Satanas nia tentasaun, to'o Satanas husik hela Nia. Depois anju sira mai no servi Nia.